-
سوال بسيط لاهل الخبرة
السلام عليكم ورحمة الله وبركاته
انا معايا لانوس لونها ابيض 2008
وكنت محتاج اعرف الجنوط اللى هى نازلة بيها مقاس كام؟ وكمان عايز اعرف ايه شكل ولون الجنوط اللى ممكن تليق عليها . وياريت ياجماعة لو فى شوية كماليات بسيطة تنصحونى بيها. وشوية نصايح حلوة بقى كدة من عندكم يعنى . معلش بقى انا طماع شوية. يعنى نصايحكم فى التليين والكلام ده عشان انا اول مرة بصراحة اركب زيرو . يعنى كل كلمة منكم اكيد هتكون فايدة ليا. واسف لو كنت طولت عليكم:auto:
-
اللانوس بتنزل بجنوط 13
اللون المناسب حسب زوقك
بالنسبة للتلين ابقى اضغط على الموتور واحدة واحدة... يعنى انفل على 3000 وبعد فترة 3500 و بعد فترة 4000 و هكذا
MMamdouh
-
الف شكر ياباشا لسرعة ردك واهتمامك
بس انا مش لاقى موضوعى ليه فى المواضيع الجديدة؟
-
ذى ما الأستاذ MMamdouh قالك بالظبط
جنوط 13
لو عايز تجنط ماتحاولش تجنط نيكل كروم عشان ميمشيش مع اللون الأبيض خليك فى الهادى الكروم يمشى مع الغوامق اكتر ونصيحه ماتزدش عن 15
التليين ياباشا حاول متكتمش المكنه برضوا يعنى مثلا متعدش تلف بالساعات وانت على الأول والتانى عشان بيخلى المكنه مكتومه بعد كدا وبرضوا ولا تقرص عليه يعنى مثلا امشى على طريق بس عالهادى
هتحتاجلك سماعات اكيد لأن بيجى معاها سماعات Bahgat ! مبتكملش اسبوعين
وال clarion برضوا اللى بيجى دا مصرى مش اد كدا
واى خدمات انا موجود
-
الف شكر ياباشا لاهتمامك ومعلش انا مش فتحت بقالى كتير والف شكر ليك مرة تانية
بجد فرحت اوى لردك
Content Relevant URLs by
vBSEO 3.6.0 PL2