تويوتا كورولا (2014) ام فانتازيا 2011-2012

كنت عاوز استشارة حضراتكم في الاختيار بين الكورولا الجديدة تاني فئة (سعرها حوالي 190 الف) وبين فانتازيا 2011 او 2012 مستعملة استعمال خفيف يعني ماشية حوالي 20-30 الف كيلو (سعرها تفريبا 170 الف)......انا عاجبني شكل التويوتا جدا و خصوصا اني لو استقريت عليها هاشتريها جديدة بس الفانتازيا برده لما ركبتها قمة في الفخامة وبحس انها امتن بكتير و مكوناتها افخم بس شكلها مش شبابي ولا سبور زي الكورولا الجديدة...ماذا عن قوة صاج الكورولا!!! انا خايف من انخفاض علو الكورولا عن الارض (12.5 سم من عند الشكمان)....انا حاسس ان الفانتازيا اعلي بس مش هقدر اشتريها جديدة زي الكورولا و اكيد طبعا الزيرو له رونق تاني......ياريت تفيدوني بالنصيحة!!

الكورولا الجديدة انا بعتبرها طفرة بالنسبة لتويوتا بصراحة لأنهم اخيرا -وعلى عكس الياباني كله- قدروا يجمعوا بين الأداء والكماليات... يعني العربية اهتموا بثباتها جدا وبقت اوطى مع قاعدة عجلات اطول مع عرض اكبر مع esp... في نفس الوقت مليانة كماليات لا تقل عن الكوري والأوروبي... والبارك أسيست خير دليل...

في نفس الوقت الفانتازيا عربية رائعة جدا لو اعلى فئة بالجنوط الـ17 وفتحة السقف والشاشة التتش والزينون والفرش البيج الخ الخ... ولو اللي قدامك اعلى فئة وفعلا ماشية قليل كده يبقى تكشف عليها في التوكيل وتتوكل على الله... عربية محترمة وهتدفع الـ170 وتوفرلك 20 كمان... وبعدين 20 ولا 30 ألف كم مش حاجة يعني في عربية زي دي، انا عربيتي داخلة على الـ29 ألف في اقل من سنة اهو وما شاء الله ولا الهوا...

اركب زيرو يا باشا افضل طبعا .. وعلى فكره انا سايق الفانتازيا هاى لاين جنط 16 مش 17 وزينون وفتحه سقف وشاشه العربيه هاتلاقى جوانبها منفخه وهاتحس بفخامتها بس مش ناعمه فى ركوبتها بالنسبه للالمانى انا معايا اوبترا محستش بفرق بينهم وعيبها ضيقه جدا جدا علشان التكييف اللى فى الخلف واخد مساحه .. الكورولا من وجه نظرى عيبها الوحيد انها واطيه بس معنديش فكره عن الصاج .

اقتباس:

---

المشاركة الأصلية كتبت بواسطة j a g u a r

اركب زيرو يا باشا افضل طبعا .. وعلى فكره انا سايق الفانتازيا هاى لاين جنط 16 مش 17 وزينون وفتحه سقف وشاشه العربيه هاتلاقى جوانبها منفخه وهاتحس بفخامتها بس مش ناعمه فى ركوبتها بالنسبه للالمانى انا معايا اوبترا محستش بفرق بينهم وعيبها ضيقه جدا جدا علشان التكييف اللى فى الخلف واخد مساحه .. الكورولا من وجه نظرى عيبها الوحيد انها واطيه بس معنديش فكره عن الصاج .

---

انا متفق جدا في حتة ضيق الفانتازيا ونشوفية عفشتها... فعلا ناشفة بزيادة حبتين!!

اقتباس:

---

المشاركة الأصلية كتبت بواسطة ahmed travco

الكورولا الجديدة انا بعتبرها طفرة بالنسبة لتويوتا بصراحة لأنهم اخيرا -وعلى عكس الياباني كله- قدروا يجمعوا بين الأداء والكماليات... يعني العربية اهتموا بثباتها جدا وبقت اوطى مع قاعدة عجلات اطول مع عرض اكبر مع esp... في نفس الوقت مليانة كماليات لا تقل عن الكوري والأوروبي... والبارك أسيست خير دليل...

في نفس الوقت الفانتازيا عربية رائعة جدا لو اعلى فئة بالجنوط الـ17 وفتحة السقف والشاشة التتش والزينون والفرش البيج الخ الخ... ولو اللي قدامك اعلى فئة وفعلا ماشية قليل كده يبقى تكشف عليها في التوكيل وتتوكل على الله... عربية محترمة وهتدفع الـ170 وتوفرلك 20 كمان... وبعدين 20 ولا 30 ألف كم مش حاجة يعني في عربية زي دي، انا عربيتي داخلة على الـ29 ألف في اقل من سنة اهو وما شاء الله ولا الهوا...

---

متشكر جدا علي اهتمامكم بالرد....الفانتازيا اللي ب 170 الف مش هتبقي اعلي فئة تقريبا اول فئة...........اعلي فئة لو ماشية قليل هتبقي مش اقل من 190 الف تقريبا......بس هل فعلا الفانتازيا افخم وخاماتها احسن بكتير من الكورولا ولا الشكل الجديد من الكورولا غير المعادلة........حد عنده فكرة هل صاج الكورولا فعلا ضعيف لان السكودا تحس انها مصفحة ماشاء الله؟

الكورولا

الفانتازيا ...... امان
الكورلا ........ الرفاهية