شهادات إدخار البنك الأهلى المصرى البلاتينية بالجنيه المصرى

**Ahmed Samy** · 03-10-2008 04:01 PM

طيب ببساطة شديدة أنا هاطرح وجهة نظري و ليست فتوى ولا حاجة (رأي شخصي)

فلوس البنوك أنا أراها غير مقبولة لسبب بسيط لا يتعلق بالفائدة الثابتة و الكلام ده

الفكرة اني هادي فلوس للبنك يستثمرها و ياخد جزء و أنا أخد جزء و لحد حنا انا مش شايف مشكلة ولا شبهة ربا حتى لأن روح المعاملة تنتفي عنها حكمة تحريم الربا

انما المشكلة بقى ان البنك اللي هايشغل فلوي هو نفسه كيان مرابي يعتمد في أرباحة على القروض الربوية الصرفة (بما فيها البنوك الإسلامية) هو يعني بنك فيصل ما بيديش قروض بفوايد ؟؟؟؟؟؟؟؟؟؟؟

ولا بنك مصر فرع المعاملات الإسلامية مابيديش قروض ؟؟؟؟؟

كلمة اسلامية دي هي للدحك على الدقون واستقطاب شريحة عريضة من الناس الذين يريدون غطاء شرعيا واهيا للتعامل مع البنوك

انا لا أهاجم البنوك والتعامل معها فهو للأسف الملاذ الأخير للكثير من الناس الغلابة اللي ما يقدروش يشتروا دهب و لا أرض و لا يعملوا مشروع

ربنا يرحمنا برحمته

**AhmedElsayed** · 03-10-2008 05:27 PM

استاذ سامى شكرا على ردك المتفهم
بس انا عايز اوضح شوية نقط
البنوك الاسلامية لا تقرض طبعا باى شكل من الاشكال المعروفة ربويا والا يبقى ايه الفرق فعلا
حتى الفروع الاسلامية علشان تبقى اسلامية لازم تفصل مركزها المالى عن البنك الام الربوى

على فكرة المعاملات البنكية الاسلامية انتشرت بشكل رهيب فى العالم العربى والغربى واصبح علم متقدم جدا بيقدم حلول اسلامية بديلة لكل النماذج الربوية فى حياتنا

والاموال اللى بتدار بصورة اسلامية تجاوزت 700 مليار دولار وبتنموو بشكل رهيب
لدرجة ان حتى الحكومات الغربية بتشجع وجود منتجات اسلامية علشان تجذب اموال العرب

كون اننا فى مصر منعرفش حاجة عن البنوك الاسلامية والنماذج الاسلامية فى مصر زى بنك فيصل بنوك متاخرة ميعنيش ان البنوك الاسلامية فاشلة او انها ضحك على الدقون

**Ahmed Samy** · 03-10-2008 05:45 PM

المشاركة الأصلية كتبت بواسطة AhmedElsayed

كون اننا فى مصر منعرفش حاجة عن البنوك الاسلامية والنماذج الاسلامية فى مصر زى بنك فيصل بنوك متاخرة ميعنيش ان البنوك الاسلامية فاشلة او انها ضحك على الدقون

انا فعلا باتكلم عن النماذج المصرية الهزيلة و لم أقصد ان أعمم على التجارب المحترمة اللي معظمها خارج مصر و التي أحترمها جدا و أكن لها كل التقدير

**midoegypt** · 04-10-2008 03:35 PM

المشاركة الأصلية كتبت بواسطة amir

الموضوع ده فعلا محير
هو يعني ( علي سبيل الجدل) الواحد لازم يكون تاجر او مستثمر بالعافيه؟
يعني معايا فلوس و معنديش مجال لاستثمارها اعمل ايه؟
اشيلها تحت البلاطه لغايه ما التضخم يخلو قيمتهم صفر؟
ولا استثمرها في البنك اللي بينوب عني في عمل مشاريع و كافه اوجه الاستثمار الصحيح؟
طبعا البنوك دي مش اخر السبل بالعكس دي للاقل حيله
و في موضوعين في المنتدي الناس بتتطلب فيها اقتراح مشاريع واحد برأس مال 100 الف و التاني بنص مليون
و برضو محدش جاب الديب من ديله و اقترح حاجه قابله للتنفيذ
و باعتبارنا شريحه مثقفه من الشعب يبقي حال الغالبيه العظمي ايه بقي؟!!!!

كلامك صحيح

**Ramy.Gamal** · 11-10-2008 03:45 AM

المشاركة الأصلية كتبت بواسطة mohamed2002

شكرا لردك يا رامي طيب ميعاد صرف الفائدة في الاتنين امتة ؟كل كام شهر ؟

اسف جدا على التأخير فى الرد لانى كنت مشغول مع انقطاع النت لفتره بألنسبه لبنك مصر صرف الفائده كل ثلاث شهور وبالنسبه لبى ان باريبا هسأل لحضرتك بكره واقولك كل اد ايه

**Mohamed-Saoud** · 11-10-2008 04:23 AM

فعلا 12% مغريه جدا بس البنوك عموما بتلعب جامد على الناس ... يعني كده الناس هتحول شهادات "ب" و "ج" مثلا علشان ال12% و هيخسروا "و البنك يستفاد" علشان بيفكوا الشهادات دي قبل المده بتاعتها "8 سنيين تقريبا"
و شويه و يرفعوا الشهادات "ب" و "ج" فبالتلي الناس تحول من البلاتيني "و البنك يكسب" و هكذا وهكذ...ا
و لا حضرتك ايه رأيك يا أستاذ محمد؟؟؟ لأن قبل كده كان الهجوم كله على "ب"

**ahmed1981** · 11-10-2008 10:09 AM

المشاركة الأصلية كتبت بواسطة Ahmed Samy

الفكرة اني هادي فلوس للبنك يستثمرها و ياخد جزء و أنا أخد جزء و لحد حنا انا مش شايف مشكلة ولا شبهة ربا حتى لأن روح المعاملة تنتفي عنها حكمة تحريم الربا

البنك التجاري (الربوي) لا يستثمر
البنك يقترض ويقرض فقط لا غير

ومحظور عليه بالقانون أن يستثمر مباشرة

طالع المادة رقم 39 من قانون البنوك التجارية والتي تقول:
يحظر على البنك التجاري التعامل مع العقارات والمنقولات بيعاً وشراءاً
وبالتالي عليه أن يقترض بفائدة ويقرض بفائدة أكبر (مرابي ووسيط ربوي) وفي المقابل مع ضمان الديون والقروض بالكامل

ونفس القانون يسمح للبنك الإسلامي بالبيع والشراء والإستثمار المباشر ولكن بمخاطرة أكبر وعدم ضمان الربح أو ثبات الفائدة

وهذا هو الفرق

المشاركة الأصلية كتبت بواسطة Ahmed Samy

انما المشكلة بقى ان البنك اللي هايشغل فلوي هو نفسه كيان مرابي يعتمد في أرباحة على القروض الربوية الصرفة (بما فيها البنوك الإسلامية) هو يعني بنك فيصل ما بيديش قروض بفوايد ؟؟؟؟؟؟؟؟؟؟؟

ولا بنك مصر فرع المعاملات الإسلامية مابيديش قروض ؟؟؟؟؟

لا البنك الإسلامي لا يعطي قروض بفوائد

ولو عايز تتأكد روح لبنك فيصل وأدخل :
وقول: يا جماعة عايز قرض
الرد : لا نعطي قروض
قل : طيب أعمل إيه
الرد: نعملك تمويل إسلامي ونبقى شركاء مضاربين معاك

لو تحب تتأكد من كلامي بنفسك روح وإسأل

وفوق هذا كله توجد لجنة شرعية للرقابة على عمليات البنك لتوافق الشريعة الإسلامية

المشاركة الأصلية كتبت بواسطة Ahmed Samy

كلمة اسلامية دي هي للدحك على الدقون واستقطاب شريحة عريضة من الناس الذين يريدون غطاء شرعيا واهيا للتعامل مع البنوك

لا وألف لا
الفرق بين البنك الإسلامي والربوي كبير وضحت بعضه فقط في ردي بأعلاه
ومن أراد الإستزادة فعليه بسؤال خبير إقتصادي إسلامي (يجمع بين الخبرة الإقتصادية والعلوم الإسلامية) مثل الدكتور علي السالوس وله حلقات يشرح بها هذا الأمر http://www.islamictop.net/vb/showthread.php?p=28992
ولكن للأسف هناك حملة من الإشاعات المغرضة الموجهة لإيصال نفس الرسالة التي قلتها حضرتك (كلمة اسلامية دي هي للدحك على الدقون )
وللأسف نحن المصريين نسمع الإشاعات بدون دراسة لصدقها أو كذبها
والدولة تتعامل معنا من هذا المنطلق

**mohamed2002** · 29-12-2008 12:08 AM

تم تخفيض سعر الفائدة الي 11%

**Rain** · 21-06-2011 09:08 PM

عندما يقوم البنك بإقراض أي شخص فإنه يأخذ ضمانات_يأخذها البنك في حالة عدم سداد القرض_
أي أن البنك لا يقوم بإقراض الفقراء بل يقوم بإقراض أصحاب الأملاك
الذين لا يريدون تسييل أملاكهم_أي بيعها و تحويلها إلي أموال _لكي يقوم هؤلاء المالكون بإقامة المشروعات الاستثمارية
أي أن البنوك غير مسؤولة عن الشخص الذي يقترض ليشتري لنفسه أي شيء استهلاكي
مثل السيارات أو العقارات الفخمة !
فما دخل الربا بهذه الأمور ؟
تحريم الربا منع الأغنياء من استغلال الفقراء فهل من يقترض من البنك فقير ؟

**nevozaky** · 21-06-2011 09:52 PM

بص حضرتك الشهادة البلاتينية للبنك الاْهلى فعلا اول ما اتعملت كان العائد بتاعها 12%.
لكن حاليا انا ساْلت عليها فى البنك الاْهلى اول امبارح الموظف قال لى هيه فعلا كانت 12% لكن دلوقتى اصبحت 9% فقط .
انا حبيت اصحح المعلومة لانى زى ما قلت ساْلت لسه اول امبارح