الموضوع: بعض الاستفسارات عن جين2 2006 مانيوال

السلام عليكم جميعا......لو سمحتم يا رجالة البروتون الحمد لله ربنا كرمني وانا في اجازة في مصر الصيف اللي فات واشتريت جين2 2006 مانيوال عاملة 165 الف كم ..... ركبتها اسبوعين وسافرت راجع لشغلي دلوقتي انا نازل اجازة قريب وعندي كام استفسار لبعض الملاحظات لو ممكن تفيدوني فيها ضروري علشان هتساعدوني اوفر وقتي ومضيعش اجازتي عند الصنايعية (:
-دواسة الدبرياج تقيلة بزيادة (انا بقارنها بعربيتي اللي هنا هوندا سيفيك 2005) مع العلم السحب ممتاز في بداية الطلعة وكمان علي السرعات العالية يعني الدبرياج اجمالا كويس فهل الدواسة ليها حل علشان تنعم وتكون اخف ؟ ولا هي كده طبيعي محجرة !!!

-بكره تحكم المرايات الجانبية مش موجودة لكن المفتاح نفسة شغال فهل البكره دي بتتباع وفين ؟

-وصلة AUX موجودة لكن بتخروش ومحتاجة تتغير ممكن اعرف بتتباع فين ؟

-صاحب السيارة الاولاني كان من مدينة نصر هو المالك الاول وعلي حسب كلامة كانت كل صيانات السيارة بالتوكيل في البداية كانت في عز العرب في ابو رواش وبعد كدة قاللي انه غير لفرع تاني قريب منه علشان المشوار.. السؤال هو انا من الجيزة و بالنسبه لي فرع التوكيل في ابو رش او الدقي قريب لي فهل في حد يعرف او ياكد ان بين فروع توكيل البروتون المختلفة لينك ؟ يعني ممكن اطلب منهم برنت بتاريخ الصيانة للسيارة لية ؟ علشان مثلا هو قالي انه غير مجموعه سير الكاتينة مع صيانة ال 150 الف كم !!! انا مصدقة لكن عايز اطمن اكتر علشان تغييرها مش سهل ويتكلف لكن قطع السير بيكلف اكتر !!!

ياريت تساعدوني برد فيه استفاضة وياريت لو اي نصايح بخصوص الموديل ده اكون شاكر ... علشان تعاطفك وحدة مش كفاية

وهدية مني لفريق بروتون في نايل موتورز هرفع سكان عربي ملون للمانيوال بتاع جين 2 2006 وكمان للCD بلاير وهضيف اللينك في موضوع مستقل علشان يسهل البحث عنه علشان عارف ان المانيول مش سهل تلاقية .... ...تحياتي من مكه (:

up :)