هام جدا : خبرتى فى تربيه الاطفال

**#MAAM#** · 02-02-2014 11:39 AM

المشاركة الأصلية كتبت بواسطة طارق _عبد السلام

ربنا يبارك لك فيه
نفس الموضع عندى لازم تجاوب على الاسئله المكرره رغم انها بتعصب جدا بس لازم تجاوب وحاول تاخد الموضوع بهدوء وتلاقيه يجى لعندك ويبدأ يكلمك وهو اصلا معندوش موضوع يتكلم فيه ويبدأ يخترع اى كلام بردوا اسمع له وحاول تجاوبه رغم ان الموضوع بيعصب بردوا بس لازم تصطنع الهدوء علشان متاثرش على شخصيته

أنا فعلا بدأت أتعامل معاه كده أنا ووالدته من امبارح والحمد لله اتحسن تحسن طفيف ...... بس الموضوع محتاج صبر جامد جدا

........ أنا فعلا عرفت قيمة والدي في العذاب اللي بشوفه مع ابني

**Anaslbda** · 02-02-2014 11:41 AM

ممكن حد يوضّح موضوع طيور الجنه ده؟
ايه المشكلة بالظبط؟

**أبو آسر** · 02-02-2014 11:43 AM

من أهم النصائح شغل أوقات الأطفال بما هو مفيد :
1- ودي أولادك النادي أو أي مركز رياضي كويس يلعب أي لعبة مفيدة ولو مرتين أسبوعيا بس علشان يتهد شوية ويفرغ طاقته في اللعب
2- حاول تنزلهم حاجات مفيدة ومسلية برده على الكمبيوتر أو التابلت بدل الجيمز والفيديوهات ، في تطبيقات وبرامج بتنمي الذكاء أو بتعلم الحروف والأرقام أو برامج تلوين وما شابه
3- هاتله ألعاب puzzle أو مكعبات يجمع فيها ويكون أشكال ويفك ويركب
4- هات محفظ أو محفظة في البيت أو وديهم مسجد يحفظوا قرآن وأحاديث نبوية
5- فرغ نفسك ولو نصف ساعة بس يوميا اقعد مع أولادك اتفرجوا على فيلم كرتون أو العبوا مع بعض لعبة أو حتى اقعد بس وافتحوا كلام في أي حاجة اديله جرعة حنان واحضنه وقوله انك بتحبه وفخور بيه
كل الأمور دي عن تجربة شخصية وإن شاء الله حاجات كلها ناجحة والنصائح المفيدة كتير جدا ياريت كل واحد يقول اللي عنده وياريت كلنا نحاول نقرأ أي كتاب في التربية الصحيحة للأولاد بدل الأسلوب الهمجي أو العشوائي اللي بنطبقه وفي الآخر نكتشف إن الأولاد فاشلين أو منحرفين أو بدون هدف ونعيب عليهم بدل ما نعيب على نفسنا إننا فرطنا في تربيتهم وأهملناهم وفاكرين إن كل وظيفتنا في الحياة هي إننا نشتغل علشان نجيبلهم فلوس !!