الموضوع: اشتريت سايبا تيبا 2014 باركولى....

ربنا يكرمك
و فعلا العربية حلوه و اقتصادية و التقفيل معقول بالنسبة للثمن
و هتحقق انتشار ان شاء الله بسبب السعر و المميزات الاقتصاديه و كمان العربية مجهزة للغاز لو حضرتك شفت الكتالوج هتلاقى منها غاز
و ياريت موضوع القسم ده هيخلى فى تواصل اكثر ان شاء الله

المشاركة الأصلية كتبت بواسطة shshmoh

ربنا يكرمك
و فعلا العربية حلوه و اقتصادية و التقفيل معقول بالنسبة للثمن
و هتحقق انتشار ان شاء الله بسبب السعر و المميزات الاقتصاديه و كمان العربية مجهزة للغاز لو حضرتك شفت الكتالوج هتلاقى منها غاز
و ياريت موضوع القسم ده هيخلى فى تواصل اكثر ان شاء الله

مختش بالى من موضوع الغاز ده بساعتقد العربية اللى معايا مش مجهزة غاز...انا معايا السايبا تيبا مش البرايد

ممكن
انا مشفتش الكتالوج بتعها

أنا رايح صيانة الالف يوم الأحد إن شاءالله...انتظروا تقرير شامل عن الصيانة...

الف مبروك يا باشا ربنا يمتعك بيها و يديك خيرها و يكفيك شرها. بس انا كنت عاوز اتواصل مع سعادتك بخصوص العربية . عاوز رقم موبايل سعادتك علشان اتصل بحضرتك انا موبايلى 01093073975 واكون شاكر جداً جداً

الماتور الصينى ممكن يكون تويوتا لانسر حاجة كدة ممكن نعرف من الناس اللى معاهم العربية الماتور الايرانى دة ممكن يكون بتاع اى نوع من الماركات المعروفة

روحت التوكيل يوم الاحد وكان فى العربية مايلى:
1- خشانة فى الموتور فى الغيار الاول عامل زى صوت الديسك والاسطوانة
2- سنتر الباب اليمين الامامى علق قبل ماروح بيومين كان شغال يدوى بس من غير الريموت وكمان كان تقيل جدا
3- رشح زيت (خفيف جدا يكاد لايذكر) من عند الرشاش الاولانى ومن الخرطوم اللى طالع من وش المكنة
4- قفلت الابوات غير العاطفية

وصلت الصيانة الساعة 11 ومهندس الاستقبال سجل الملاحظات اللى فاتت كلها

الحقيقة المهندس كل ماحاجة تتعمل بييجى يقولى ...بالنسبة للخشانة قال انها بسبب ان الديبرياج واطى وعلوه شوية...فعلا الصوت راح بنسبة 90% بس مش نهائى بيظهر فى بداية التحرك بالعربية لثوانى

ظبطوا الابواب تمام

صلحوا السنتر...

بالنسبة لرشح الزيت قاللى احنا غيرنا الكوليه وركبنا واحد محمل شوية بس للاسف مغسلوش مكانه فمعرفتش رشح تانى ولا لأه بعد ما روحت البيت وكمان ماخرجتش بالعربية من ساعتها...هغسل المكنة واجرب واقول لكم

المهم غيرت زيتTotal 5w40 10.000 وفلتر ودفعت 317 جنيه 290 زيت و 27 فلتر

يتبع >>>>>>>>>>>>

يالنسبة لقطع الغيار الحقيقية جايبين منها كميات كتيرة جدا ...انا شوفت المخزن مليان لأخره ...ودى بعض اسعارها:
فلتر هوا 52
رفرف 330
زجاج خلفى (فاميه) 385
ريش مساحات 44
رادياتير 800
ديسك 275
اسطوانة 275
مساعد 440 طنبورة 330

الخلاصة :
التوكيل مقبول وان كنت شايف ان لازم يهتم بالعربية اكتر من كده..والناس محترمين وفى منتهى الذوق فى التعامل..

العربية بعد تجربة 1300 كيلو...
العربية انا شايف انها مناسبة جدا للاجواء المصرية...العربية عفيجية بمعنى الكلمة بتهرس بيها فى المطبات والحفر والنقر ومابتزعلش ...

العفشة مممتازة

الفرامل ممتازة

الثبات مممممممممتااااز كنت راجع من التوكيل على الصحراوى وماشى 140 مع عواصف هوا جامدة والعربية ثابتة 100 100

المناورة مممتازة تغير اتجاهك وترجع تانى بكل ثبات من غير مرجحة فى الدركسيون ولا فى العربية

عالية فى المطبات ومريحة جدا الواحد بيبقى داخل على المطب مش شايل همه

فلوسها معقولة بالنسبة لامكانياتها واسعار السوق

عيوبها :
صوت المكنة عالى وان كان اهدى من ساعت ما اشتريت

مش بنعومة الكورى واليابانى بس مش بخشونة اللادا طبعا

تقفيل الفبر والتجاليد فى الصالون على قده..(هقفلها تانى على ايدى بمزاج)


دى خلاصة التجربة حتى الان وكل واحد يحسبها براحته ...وانا فى الخدمة لأى سؤال

المشاركة الأصلية كتبت بواسطة mcit

الماتور الصينى ممكن يكون تويوتا لانسر حاجة كدة ممكن نعرف من الناس اللى معاهم العربية الماتور الايرانى دة ممكن يكون بتاع اى نوع من الماركات المعروفة

الموتور بتاع الكيا الريو 2002 نفس الحوض يالظبط ...الشركة المصنعة اسمها mega motors ودى شركة المانى بس عامله المصنع فى ايران....العربية فيها حاجات مدموغ عليها made in Germany زى السيور وبعض اجزاء كن الموتور وفى فيش ووصلات عليها علامة البيجو...