الموضوع: يا ترى يا هل ترى المبلغ ده يركبنى ايه فى البى ام عندكم !!

المشاركة الأصلية كتبت بواسطة blazer

ممكن تدفغهم فى 316 او x1 و تقسط ال 30 الف الباقيين

تمام بس انا اسمع ان ال ٣١٦ دى اول فئه فى البيمر ومفهاش نص الاوبشنز اللى فى الانسيجنيا،،،يبقى اكيد حتبقى بره حساباتى

المشاركة الأصلية كتبت بواسطة novo

روح التوكيل قطاع المستعمل هتلاقى عندهم x1 2013 و f30 320
BMW Used Cars

تسلم يا باشا على اللينك،،،انا دخلت دعبست عليه كده وعملت maximum price 350000 ملقش عندهم الا x1 وانا بصراحه مش مقتنع بيها،،،،،هو اللى على الموقع ده هو اللى بس عندهم،،ولا لو روحتلهم الفرع حلاقى معروض اكتر،،،،،سؤال كمان هل العربيه المستعمله من عندهم بتبقى مضمونه،،،ولا متشقلبه وهما مروقنها وبيبعوها على انها كسر زيرو،،لانى قريت حد كان كاتب مره هنا على المنتدى انه جاب من عندهم عربيه على انها فبريكه وطلعت رشه اكصدام،،،فا انا مقلق ادفع مبلغ كبير زى ده والبس فى الشكمان

المشاركة الأصلية كتبت بواسطة fahd_628

هات 525 موديل عالى بالسعر دة

هى ال ٥٢٥ ممكن تعملها فى رينج كام يا باشا،،،،وهل فيه اى لينك بمواصفات العربيه لانى معرفش امكانياتها ايه بالظبط !!؟

المشاركة الأصلية كتبت بواسطة silent~dream

عشان تجيب بيمر 320 ب 378 الف و ال sport ب 412 ممكن بقى تشوف حاجه كسر زيرو موديل 2013 مثلا و تكشف عليها كويس جدا فى التوكيل و مكان تانى اى بنزينه مثلا و مش هتبقى ماشيه اكثر من 10- 15 الف بالكثير بس بصراحه مفيش بعد الزيرو و الانسجينيا بصراحه ما شاء الله وهميه و انا لو مكانك هحجز الانسجينيا و هشترى اى عربيه كده امشى بيها حالى لانوس ولا حاجه و بعدين ابيعها مش هخسر اكثر من الفين جنيه ازاى ممكن اكسب كمان فى ظل الارتفاع الجنونى للاسعار و يبقى انت كده جبت عربيه الى محتاجها فى الوقت الحالى و مسيبتش الانسجينا

حضرتك تقصد ال ٣٢٠ جديد ب ٣٧٨ !؟ همممم لا رقم مبالغ فيه بالنسبالى اوى،،،بس لو جبتها كسر زيرو مش ممكن سعرها يكون اقل كتير من ده !!؟

ومعلش مفهمتش حته اى بنزينه دى،،،تقصد انى اكشف عليها هناك ولا ايه

والله يا باشا انا فعلا مقتنع جداً بالزيرو وان لا يعلى عليه،،ومقتنع جداً جداً بالانسيجنيا بس انا اتصرفت بغباوه،،،لانى بعت البيكانتوا اللى كانت معايا بدرى اوى قبل مضمن العربيه الجديده،،،وفعلا زى ما قلت بعتها اغلى مما جبتها وكسبت فيها ٩٠٠٠ جنيه،،،،انا فعلاً لو لقيت الانسيجنيا مطوله شويه حفكر فى خطوه انى اأجرلى اى عربيه امشى نفسى بيها الشهر ده لانى مش عاوز ادخل فى متاهات بيع وشرا عربيه مستعمله تانى وهى العمليه كلها ممكن تبقى شهر ولا اتنين بالكتير

تسلم والف شكر على النصيحه

المشاركة الأصلية كتبت بواسطة Ahmed TRAVCO

متفق جدا مع الكلام ده...
بصراحة بلاش تضيع الإنسيجنيا لأنها عربية تحفة والأوبشنز اللي فيها اعلى بكتير من الفئة التالتة اول فئة اللي تقريبا في حدود نفس المبلغ...

بتصعبها عليا اكتر ياباشا،،،انا عارف ان الاانسيجنيا عربيه لا تعوض،،،بس هل يعقل احجزها واستلمها بعد ٥ او شهور مثلا !!؟ الله يحرقك يا منصور الكلب مش فاهم انا بيحنسنا بيها ليه ومش عاوز يجيب كميات منها !!!

المشاركة الأصلية كتبت بواسطة J A G U A R

انا شوفت امبارح انسيجنيا حاجه ما شاء الله وهم بجد وصاحبها شاب كده مشغل السى دى وصوت السكسكه طالع من العربيه روعه عامل زى السيراتو كوبيه .. رايي اصبر على الانسيجنيا .

يا راجل انا راضى زمتك،،،يعنى عشان صوت السكسكه،،،،تشبه الوحش ده بالسيراتو ههههههههههههه

والله بعد ارائكم دى شكلى حعمل كده وحستنى عليها وامرى لله،،،ده بس عشان اجرب موضوع السكسكه اللى قولت عليه

لو شهر او اتنين اجر عربيه رخيصه تمشى نفسك بيها