الموضوع: ارجو المساعدة ضروري ...صيانة شاملة

دي عربية جميله انا عارفها
مش خسارة فيها التجديد
البوية سعرها كويس علشان العربيه كبيرة
ربنا يوفقك
هي سعرها يتراوح بين كام؟؟
ممكن

ربنا يوفقك

لسه شايف سؤالك حالا.معلش علي التاخير
بص يا سيدي اهم حاجه و انت بتفك و تركب العربيه انك تاخد بالك من البلاستيكات الصغيره و ضوافر الابواب و ما تسيبش الحاجات دي عند صنايعي خالص مش علشان السرقه لا سمح الله لكن علشان بتضيع(انا لما كنت بفك عربيه كنت باخد كل حاجه عندي البيت) يعني بلاستيك القوايم و ضوافر الابواب و الفوانيس و التابلوه و اي حاجه صغيره ممكن لو ضاعت ما تلاقيهاش تاني .
ممكن لو انت شايل الموتور تحل المارش و الدينامو و توديهم للكهربائي تعمل صيانه ليهم و يا ريت قبل ما تركب الموتور تنضفه كويس و تغسله مره بالجاز و بعدين بالصابون لحد ما يلمع هيا حتاخد وقت بس النتيجه كويسه.
في السمكره تاخد بالك من فروقات الابواب كويس اوي و خليك حنبلي يعني ما تمشيش غير لما تاخد شغل مضبوط و قبل ما تروح للدوكو خد شرايط الكاوتش بتاع الابواب و الفواني كلها و ركبهم علي العربيه ولو فيه باب مش مضبوط خليه يظبطه ولو فانوس مش مخدم مكانه خليه يعمله بحيث العربيه تطلع من الدوكو علي التركيب علي طول و يبقي المنظر العام كويس.
احسن حاجه انك تجرد العربيه كلها علي الصاج لو عاوز شغل مضبوط و بلاش تجردها بالنار فيه مزيل بيتباع بيبقي احسن من النار و اامن منه علي الصاج كمان و بعدين تعمل اللي في العربيه كله و تخلي عينك في وسك راسك و اي حاجه مش عاجباك ما تستعجلش.
لو عملت شغل تحت البرابيز الامامي او الخلفي لازم تقيس البرابيز تاني علشان لو مش مضبوط يضبطه.
لو حتفك الرفارف يبقي تجيب علبتين بلك و تخلي السمكري يحطهم تحت الرفارف
و بعدين في الدوكو برضه ترش بلك و بعدين معجون و بعدين بويه العربيه علشان تنسي البارومه فتره طويله.
تقفيل العربيه اهم حاجه و حتاخد مجهود كبير و لو عملت زي ما قولتلك و عينت كل حاجه في البيت حتوفر علي نفسك كتير.
و لو فيه اي حاجه مخصوصه عاوز تسال عليها ابعت و ربنا يسهل اعرف ارد عليك

لا شكر علي واجب يا دكتور.
لو مش فاهم حاجه ابعت و انا احاول اوضحالك.بالنسبه للحاجات الصغيره اللي بقولك عليها لازم تاخدها بيتك لحسن تضيع.حكايه سلم و استلم دي بصراحه مش بحبها انا بحب كل حاجه تتعمل تحت ايدي

البرابيز دا يعني الزجاج الامامي و الخلفي.
المفروض بتاخد بلك الاول و بعجين بتدّق معجون و الكلام جا كله في الدوكو و لو ما عملش بلك خليه يعمله و يعيد الششغل من اول و جديد دا مش هزار.
و يا سيدي لا كر ولا حاجه احنا اخوات :)