سلام الله عليكم ورحمته وبركاته
المبلغ ده قليل جدا إلا لو حضرتك قاعد لوحدك متهيألي أفضل شيء إنك
تسافر لوحدك سنة أو إتنين لغاية ما تظبط الدنيا أو تشوف شيء أحسن
وقتها ممكن تجيب زوجتك ،
فاتورة الكهربا بالميت في الصيف شهريا 1000 درهم
دا غير المية 200 درهم والغاز لو أنبوبة يبقى شهريا 140 درهم
لو البناية فيها غاز يبقى تقريبا من 50 لـ 60 درهم
أقل كشف عند أي طبيب 50 درهم والعلاج غالي أما لو لا قدر الله كان فيه تحاليل
أو أشعة تبقى دخلت في 1000 بالميت برضه
السكن كله زاد وأقل واجب لشقة متوسطة 45 درهم دا في الشارقة او عجمان
لكن لو دبي يبقى هتتكلم في 60 و70 وانت طالع
لو جينا للمدراس فدي لوحدها عايزة ميزانية عشان المدارس الخاصة
أقل مرحلة 6000 في السنة أما الثانوية 17000
وعن الجامعات فأقل جامعة 45000 في السنة ولو كلية قمة 85000
ـــ
بما ان ظروف البلد في مصر مش مستقرة يبقى الأفضل حضرتك تسافر
لوحدك وقتها ممكن تتصرف او تشوف حاجة أحسن وبعدين تنقل كفالتك
وتجيب زوجتك وأولادك وربنا يوفقك ويعملك إللي فيه الخير