تجربة شراء رسيفر hd بالتفصيل

**RAPID** · 02-02-2014 01:38 PM

بعد ما قريت موضوعات كتير عن الرسيفرات في المنتديات استقريت على شراء OpenSat 333 HD، نزلت شارع عبد العزيز ولقيته هناك وجبته بـ 380 جنيه.

مميزات الجهاز
الجهاز صورته جميلة ورايقة والصوت عالي مجسم
امكانية التحكم بالالوان وجودة خروج الصورة
القوائم واضحة وسهلة
2 فتحة يو اس بي امامية وخلفية

تفعيل النت سهل عن طريق الكابل او الفلاشة او الواي فاي
تم تجربة الكابل والواي فاي شخصيا بدون مشكلة
تسجيل من القنوات العادية والمشفرة
عرض الصور والفيديوهات بمعظم الصيغ المعروفة
تشغيل اليوتيوب بدون مشكلات عن تجربة
خرائط جوجل والطقس وراديو نت واخبار منوعة من المواقع العالمية
خاصية IPTV لعرض القنوات
بيقرا كتب نصية بس مجربتهاش

سيرفر مجاني معقول لمدة سنة ومش بيقطع كتير
شاهدت ماتش برشلونة وفالنسيا بالامس بدون مشاكل
يعني تقطيع مرة او مرتين خلال الماتش لمدة ثانية او اتنين ويرجع تاني
وفيه خاصية وقف السيرفر المجاني حسب الرغبة لمد فترته

نيجي بقى للعيوب
السيرفر مش قوي 100%
لازم تضغط (بثقة) على ازرار الريموت عشان يستجيب
شريط القناة بيستمر 5 ثواني على الشاشة ومش عارف اقلل المدة
ترتيب القنوات مقرف في البداية بس هتتعود عليه

ودي بعض الصور للجهاز من النت

الكرتونة بيجي فيها الرسيفر وكابل اتش دي وكابل عادي وكارت ضمان ودليل استخدام وكونفرتة لتوصيل النت من خلال الكابل، ولو عايز تشغل وايرلس بتشتري قطعة واي فاي USB من التاجر نفسه هتلاقيها بـ 60 جنيه، والبائع بيفعل السيرفر قدامك لمدة سنة وبيجرب القنوات وبتشوفها قبل ما تشتريه وممكن تجيبه من باب اللوق او شارع عبد العزيز هتلاقيه هناك متوفر

وفي النهاية الرسيفر يعتبر صفقة رابحة بالسعر ده مقابل جودة صورة جميلة وصوت مجسم وسيرفر مجاني سنة ممكن تستبدله بواحد مدفوع بعد ما ينتهي بخلاف العيوب اللي ذكرتها فوق، اتمني اكون افدت اي حد بيفكر في اقتناء رسيفر HD والسلام عليكم ..

**islamnabil** · 02-02-2014 01:48 PM

السلام عليكم
هل يحتوي الريسيفر على قنوات ال osn على ال iptv ام لا ؟

**احمد المصرى** · 02-02-2014 01:51 PM

مبروك يا باشا

بس انت سالت على الاسترا او شفته هناك ويفرق ايه عن ال انت جبته دا وسعره كام تقريبا لو تعرف

**RAPID** · 02-02-2014 01:59 PM

المشاركة الأصلية كتبت بواسطة احمد المصرى

مبروك يا باشا

بس انت سالت على الاسترا او شفته هناك ويفرق ايه عن ال انت جبته دا وسعره كام تقريبا لو تعرف

الله يبارك فيك
بصراحة مخدتش بالي من الاسترا لاني كنت رايح ومحدد هدفي
بس هناك في مئات الرسيفرات اشكال والوان وكله HD وبيفتح مشفر
افتكر كان في فورتك 999 بـ 480 جنيه
و Comix 777 بـ 420
ونوع تاني اسمه Dreamer ونوع اسمه RedBox
وبيتراوح السعر من 300 الى 1000 حسب نوع الجهاز ومدة السيرفر
ده غير الـ Drake والـ Strong والـ Starsat .....الخ

**طارق _عبد السلام** · 02-02-2014 02:30 PM

الف مبروك جهاز رائع وسرعته ممتازه وسعره ممتاز

**RAPID** · 02-02-2014 04:49 PM

المشاركة الأصلية كتبت بواسطة طارق _عبد السلام

الف مبروك جهاز رائع وسرعته ممتازه وسعره ممتاز

الله يبارك فيك استاذ طارق
الجهاز رائع وانا مبسوط بيه الحمد لله :)

**RAPID** · 02-02-2014 04:50 PM

المشاركة الأصلية كتبت بواسطة salodas

أشكرك ... أنا غالبا هنزل أشترية قريبا

العفو يا باشا.. بالتوفيق لحضرتك

**ramymechanics** · 02-02-2014 07:53 PM

انا نفسى أجيب حاجة كدة بس فى سؤال شاغلنى هو مش كدة حرام ويعتبر سرقة؟؟ نفسى حد يجاوبنى عالسؤال دة

الموضوع: تجربة شراء رسيفر hd بالتفصيل

LinkBack

أدوات الموضوع

عرض

-

-

-

المواضيع المتشابهه

تقرير بالتفصيل عن امكانيات نيسان صنى الشكل الجديد وتقرير عن تجربة السيارة والاسعار

مطلوب شراء رسيفر كيوماكس جولد v1

تجربة شراء سيارة مستعملة

مساعدة فى شراء رسيفر hd usb lan

تجربة شراء من على اكسبريس

الكلمات الدلالية لهذا الموضوع

المفضلات

المفضلات

ضوابط المشاركة