-
حادث سطو على الفليوانس
للاسف عدم الامان مازال مسيطر على بلدنا - الحمد لله رايح الشغل الصبح راكن العربيه على الترام فى زيزنيا بالاسكندرية - افاجئ بان زجاج الباب الامامى الايمن محطم ومتناثر داخل السيارة فى كل مكان
وتم سرقة الشاشة المونيتو رالمركب على مراية الصالون مع بهدلة فرش القائم الايسر الموجود بداخله كابل تغذية الشاشة . الصدمه خلتنى اتنح شويه بعدين بدات فى تنظيف بقايا الزجاج بقدر الامكان ثم حاولت لمرات عديده الاتصال ب16202 لمعرفة مدى توافر الزجاج وسعرة ولحظىىسعيد لم اتلقى اى رد مش عارف لسه كانوا نايمين ولا ايه.
المهم رحت لغاية توكيل سموحه وللاسف اتضح انه موجود بتوكيل العامرية فقط وان فقط بامكانهم طلبة والانتظار حتى الغد لتركيبه عندهم اذا كنت لا ارغب فى التوجه للعامرية وطبعا ماكانش ممكن اسيب العربيه كده للغد - المهم سألت عن سعره وكان حاجه بسيطه جدآ فقط 880 جم :fun_10_9_134[1]: ايوه بالظبط
اخدت الصدمه ومشيت كنت فاكر واحد فى شارع المطار محل زجاج سيارات عديت عليه من باب الاستطلاع قالى انعنده د . جريش ب250 جم ... ماشى الحال تم التركبب ورحت عزبة سعد ركبت شاشه مكان اللى اتسرقت وتقفيل كل البههله وعليه العوض .
الغريب ان المؤذى اخد الشاشه فقط وساب مثلا الكاسيت وكل حاجه مش عارف كان مزنوق فيها ولا ماكانش عنده وقت مثلا او ظروف الشارع اجبرته يمشى بسرعه
ربنا يحفظنا جميعا من كل سوء وينتقم من كل مؤذى
-
قدر الله ما شاء فعل
ربنا يعوض عليك و المهم انك بخير
-
الحمد للة انها جت علي اد كدة
-
قدر الله وماشاء فعل ..... الحمد لله الذى لايحمد على مكروه سواه .....
-
لا حول ولا قوة الا بالله .. الحمد لله انها جات علي قد كدة
-
الحمد لله كويس انه ملحقش ياخد العربيه كلها
-
منة لله و ربنا يحفظك من كل سووؤ و حاول تركب الفيلم المضاد للكسر .. هو مش هايمنع البلاء بس هايخفف منه ان شاء الله
-
-
الحمد لله انها جات لحد كده وربنا يعوض عليك
-
Content Relevant URLs by
vBSEO 3.6.0 PL2