الحصول على الجنسية الامريكية عند الزواج من مزدوجة الجنسية ؟؟؟!!

**Diaby** · 02-02-2014 03:51 PM

السلام عليكم ورحة الله وبركاته
كان فى مناقشة بيني وبين واحد صاحبى في موضوع الحصول على الجنسية الامريكية ومعرفناش نوصل لاجابات يقينية
دلوقتى واحد نعرفه خاطب بنت مولودة ف امريكا وقعدت 5 سنين بعد الولادة وحاملة للجنسية الامريكية والمصرية طبعا لأن والداها مصريين دلوقتى لو حصل نصيب وكمل معاها واتجوزو حيبقى وضعه هو ايه هل حياخد الجنسية مباشرة ولا فى شروط او لازم اقامة وكده وهل في فرق بين الجواز من امريكية اصل وجنسية وفرق بين مزدوجة الجنسية ولا الاثنين واحد

**أحمد كمال** · 02-02-2014 04:12 PM

مفيش فرق بين المزدوج و الاصلي

لو اتجوزها و هي هناك هياخد جرين كارد مؤقت سنتين ثم جرين كارد دائم 3 سنين ثم الجنسية

لو اتجوزها في مصر مش هيعرف يروح الا لو هي مقيمة هناك و قدمت له من هناك ..... أو عنده financial sponsor هناك ...... و بعدها جرين كارد و بعدها جنسيه

مفيش حاجة اسمها يتجوزها و ياخد الجنسية من الباب للطاق

اخيرا و ليس اخرا ..... سؤال سخيف ..... ايه لزمة كمية علامات التعجب الغريبة دي؟

**Diaby** · 02-02-2014 04:35 PM

المشاركة الأصلية كتبت بواسطة أحمد كمال

مفيش فرق بين المزدوج و الاصلي

لو اتجوزها و هي هناك هياخد جرين كارد مؤقت سنتين ثم جرين كارد دائم 3 سنين ثم الجنسية

لو اتجوزها في مصر مش هيعرف يروح الا لو هي مقيمة هناك و قدمت له من هناك ..... أو عنده financial sponsor هناك ...... و بعدها جرين كارد و بعدها جنسيه

مفيش حاجة اسمها يتجوزها و ياخد الجنسية من الباب للطاق

اخيرا و ليس اخرا ..... سؤال سخيف ..... ايه لزمة كمية علامات التعجب الغريبة دي؟

يعنى دلوقتى هما الاثنين عايشين في مصر لو اتجوزو كمان فى مصر مش حيبقى فى استفادة من موضوع الجنسية لازم يتجوزو هناك ولا حيعرف يسافر غير لو هي مقيمة هناك وتدعو يعنى من الاخر كده ملهاش لازمة الا لو اتجوزو هناك صح كده ولا ايه
اخيرا وليس اخرا ..... سؤال سخيف ..... ايه لزمة كمية الpoints الغريبة

**Diaby** · 02-02-2014 04:43 PM

المشاركة الأصلية كتبت بواسطة secret-man

في حالة زواج حامل الكرين كارد لمواطن او مواطنة أمريكي ـة الجنسية يتم كسب الجنسية خلال 3 سنوات فقط, على أن يكون فترة تواجده في أمريكا خلال الثلاث سنوات لاتقل عن 18 شهر, على أنه لم يكن هناك سفر خارج الولايات المتحدة خلال السنوات الثلاثة أكثر من 6 اشهر.

طب لو مش حامل الكرين كارد يبقى ايه الوضع وازاي اصلا يحصل عليه
معلش هو الموضوع اصلا ميخصنيش بس عادي يعنى لو حد عنده معلومة يمكن تفيد ناس تانية