عايز جهاز قياس ضغط ديجيتال عملي ودقيق

السلام عليكم
بدور على جهاز لقياس الضغط بس يكون ديجيتال مش الزئبقي المعروف لأن استخدامه صعب بالرغم من إني عارف إنه أدق من الديجيتال بس أنا عايز أفضل حاجة في الديجيتال يكون دقيق إلى حد كبير على الأقل بس أعرف إذا كان الضغط عالي أو واطي مش لازم الرقم بالضبط وسعره يكون في المعقول برده يعني من 200-250 جنيه مثلا
حد يرشحلي نوع معين ؟ وأجيبه منين وبكام ؟
وسؤال إضافي: إيه أفضل وأسرع علاج لحالة الضغط المرتفع وأفضل وأسرع علاج للضغط المنخفض علشان زوجتي لما ضغطها بينزل أو بيعلى مش متأكد بيجيلها صداع رهيب ممكن يستمر 3 أيام متواصلة بدون فائدة حتى مع المسكنات
وجزاكم الله خيرا

بالنسبه للعلاج تابع مع دكتور
الجهاز مفيش نوع معين ... كان عندى اومرون و باظ بعد سنين من الخدمه الشاقه و اخويا جابلى واحد تانى مش فاكر نوعه بس مش حاجه مشهوره من شركات المستلزمات اللى فى شارع القصر العينى و كان ب 250

اقتباس:

---

المشاركة الأصلية كتبت بواسطة mohamed_selim

بالنسبه للعلاج تابع مع دكتور
الجهاز مفيش نوع معين ... كان عندى اومرون و باظ بعد سنين من الخدمه الشاقه و اخويا جابلى واحد تانى مش فاكر نوعه بس مش حاجه مشهوره من شركات المستلزمات اللى فى شارع القصر العينى و كان ب 250

---

طب أومرون ده كويس يعني ؟ وبكام ؟ ومش عايز أنزل القصر العيني أجيبه أنا عايز حاجة ممكن ألاقيها في أي صيدلية مشهورة زي سيف مثلا أو العزبي أو ممكن شركة مستلزمات أدوات طبية بس تكون قريبة يعني ممكن مصر الجديدة أو النزهة أو جسر السويس وما شابه

اومرون كويس وانصحك بلاش تشتريه من صيدلية لفرق السعر الكبير بين الصيدلية وشركة المستلزمات .

اقتباس:

---

المشاركة الأصلية كتبت بواسطة enayat

اومرون كويس وانصحك بلاش تشتريه من صيدلية لفرق السعر الكبير بين الصيدلية وشركة المستلزمات .

---

طب ايه أقرب مكان أشتريه منه في نطاق جسر السويس أو مصر الجديدة أو مدينة العبور ؟

أومرون M6 جهاز أوتوماتيكي لقياس ضغط الدم في مصر, الإسكندرية, القاهرة | سوق
هو السعر ده كده طبيعي ؟!!

اومرون من غير نقاش والا ضغطك هيعلا طبيعي لو جبت جهاز تاني بيخرف
هتجيب موديل اسمه R3 Intelli sense ده اللي شغال بيه اكتر من رائع و بيدي اشاره لو فيه لا قدر الله عدم انتظام ضربات القلب و تمنه كان بعد الخصم عامل في حدود ٤٥٠ جنيه و هوا معصم برضه
و تجيبه من الوكيل بتاعه و غلس في موضوع الخصم و ده عنوانه و تليفونه

Union Omron | Misr El Gedeida | Cairo | Egypt | Electronic , Electric Equipment , Supplies

الاومرون غالى عشان عمل اسم فى السوق
خد المترو وانزل محطة السيده زينب و شوف الدنيا عامله ازاى
كده كده بيكون فى ضمان و ابقى روح قيس فى صيدليه بجهاز زيبق اتاكد انه شغال كويس

طيب ايه رأيكو في ده ؟
https://egypt.dubizzle.com/ar/cairo/...RydWUmcGFnZT0x
هل سعره كده كويس وهل الجهاز نفسه كويس ؟

وده برده
https://egypt.dubizzle.com/ar/cairo/...RydWUmcGFnZT0x

نصيحه اشترى من مكان انت شايفه عشان تتفرج على الجهاز و تجربه قبل ما تاخده و فى نفس الوقت لو لا قدر الله فى مشكله تعرف ترجعلهم

اقتباس:

---

المشاركة الأصلية كتبت بواسطة mohamed_selim

نصيحه اشترى من مكان انت شايفه عشان تتفرج على الجهاز و تجربه قبل ما تاخده و فى نفس الوقت لو لا قدر الله فى مشكله تعرف ترجعلهم

---

منا أكيد هقابله وأشوف الجهاز الأول وأجربه بس هل الأسعار دي كده كويسة ولا مش فارقة كتير عن الجديد ؟ وهل موديل الجهاز نفسه تمام ؟

أحسن جهازين في السوق المصرية هما:
1. تينسوفال الماني (Tensovel comfort) ممتاز وبه ميزة انه بيشتغل بالبطارية او بكابل الكهرباء وكمان فيه منه المعصمي و الكتفي وهو من انتاج شركة HARTMANN وهي شركة معنية بجميع ما يخص امراض القلب والشرايين .... المشكلة ان الجهاز بيعمل حوالي 580 جنيه.
2. جهاز اومرون يعمل حوالي 400 - 450 جنيه
ونصيحة لك أخي الكريم يفضل الشراء من شركات ومحلات ومعارض المستلزمات الطبية الموجودة في شارع غمرة بعد كلية طب عين شمس......... هتفرق معاك كتير

شكرا على الافادة

اخى العزيز السلام عليكم
نصيحه لاتشترى جهاز المعصم فهو غير دقيق واشترى الذى يقيس عن طريق عند مفصل الكوع لانه ادق
لدى اومرون منذ سنين وبه بطاريه وكهرباء والحمدلله قياسه مضبوطه الى حد ما.
ملحوظه بعد قياس الضغط لاول مره لابد انت تنتظر من 10 الى 15 دقيقه للقياس مره اخرى للحصول على نتيجه سليمه

اقتباس:

---

المشاركة الأصلية كتبت بواسطة sas5

اخى العزيز السلام عليكم
نصيحه لاتشترى جهاز المعصم فهو غير دقيق واشترى الذى يقيس عن طريق عند مفصل الكوع لانه ادق
لدى اومرون منذ سنين وبه بطاريه وكهرباء والحمدلله قياسه مضبوطه الى حد ما.
ملحوظه بعد قياس الضغط لاول مره لابد انت تنتظر من 10 الى 15 دقيقه للقياس مره اخرى للحصول على نتيجه سليمه

---

وعليكم السلام ورحمة الله
طيب الجهاز ده شكله عامل ازاي وأجيبه منين وبكام ؟
وهل برده نوع أومرون ؟ وموديله إيه ؟
شكرا على الإفادة

اقتباس:

---

المشاركة الأصلية كتبت بواسطة أبو آسر

وعليكم السلام ورحمة الله
طيب الجهاز ده شكله عامل ازاي وأجيبه منين وبكام ؟
وهل برده نوع أومرون ؟ وموديله إيه ؟
شكرا على الإفادة

---

السلام عليكم ورحمه الله
هذا شبيهه بالموديل الذى لدى فانا لدى اومرون لكن موديل منذ خمسه سنوات
[url=http://omronhealthcare.com/products/5-series-upper-arm-blood-pressure-monitor-bp742/]5 Series

اقتباس:

---

المشاركة الأصلية كتبت بواسطة sas5

السلام عليكم ورحمه الله
هذا شبيهه بالموديل الذى لدى فانا لدى اومرون لكن موديل منذ خمسه سنوات
[url=http://omronhealthcare.com/products/5-series-upper-arm-blood-pressure-monitor-bp742/]5 Series

---

كده يبقى العرض ده لقطة خاصة انه series 7 ومستعمل مرتين بس حسب كلام صاحب الإعلان وسعره في الشركة الأم 90$

https://egypt.dubizzle.com/ar/cairo/...RydWUmcGFnZT0x

اقتباس:

---

المشاركة الأصلية كتبت بواسطة أبو آسر

كده يبقى العرض ده لقطة خاصة انه series 7 ومستعمل مرتين بس حسب كلام صاحب الإعلان وسعره في الشركة الأم 90$

https://egypt.dubizzle.com/ar/cairo/...rydwumcgfnzt0x

---

انا شايف انه كويس فقط جربه ثلاثه اربعه مرات امام البائع واذا نفخ وقاس الضغط واعطى قراءات لا اعتقد انه يوجد به مشكله

الحمد لله اشتريت حالا جهاز Omron M6 comfort بسعر 515 جنيه
من إحدى شركات المستلزمات الطبية الموجودة بشارع القصر العيني لكنهم وصلوا الجهاز لي حتى المنزل مقابل 15 جنيه توصيل بعد أن رأيت إعلانهم على الإنترنت واتصلت بهم فأرسلوا لي الجهاز في نفس اليوم
واشتريت منهم أيضا ترمومتر قياس درجة حرارة الجسم ألماني 100% beurer ft55 بسعر 140 جنيه
أشكر كل من ساعدني على الاختيار في هذا الموضوع

الحمد لله اشتريت حالا جهاز Omron M6 comfort بسعر 515 جنيه
من إحدى شركات المستلزمات الطبية الموجودة بشارع القصر العيني لكنهم وصلوا الجهاز لي حتى المنزل مقابل 15 جنيه توصيل بعد أن رأيت إعلانهم على الإنترنت واتصلت بهم فأرسلوا لي الجهاز في نفس اليوم
واشتريت منهم أيضا ترمومتر قياس درجة حرارة الجسم ألماني 100% beurer ft55 بسعر 140 جنيه
أشكر كل من ساعدني على الاختيار في هذا الموضوع

أفضل نوع من وجهة نظري kbm ياباني وممتاز

مبروك جهاز الضغط
وابقنى قلنا انطباعك عنه ايه ؟

اقتباس:

---

المشاركة الأصلية كتبت بواسطة abokoko

مبروك جهاز الضغط
وابقنى قلنا انطباعك عنه ايه ؟

---

الله يبارك فيك
بصراحة شايف إنه صفقة رابحة وشكله كويس جدا وسهل الاستخدام وعملي جدا وأنا جربته بالفعل في نفسي والحمد لله ضغطي كان كويس في المعدل الطبيعي وجربته في المدام كان ضغطها منخفض كالعادة !