حابب أنقل تجربة نقصان المية وحلها للاستفادة
معايا لانوس 99 وكانت المية بتنقص ..فلقيت الكوعة مخرومة فغيرتها ولكن العيب مازال مستمر..وزاد عليها عيب تاني ..ان المية في القربة كانت بتغلي وتخرج من تحت غطاء القربة وانا ماشى وبطلع بخار من تحت الكبوت والناس تنادي الحق يا باشا العربية بتتحرق وانزل الاقى المية في القربة بتغلي والبخار طالع منها
الحل بعد معاناة ..ساعة الحرارة كانت باظت ولذلك المراوح مش بتشتغل ولما أشيل فيوز الساعة المراوع بتشتغل ديركت والغليان في القربة بيروح..غيرت الساعة وغيرت الكتاوت بتاعتها عند الكهربائي وزالت المشكلة بفضل الله