عرض للطباعة
السلام عليكم
انا مشكتى انى كملت 120 الف بالعافية و مش لاقى حاجة اجيبهم بيها
حتى العربية الوحيدة اللى كانت مناسبة فى رايى الصنى و الناس هنا شركتها تماما
و على فكرة انا معجب جدا بشكلها الجديد
و فكرت فى الاوبترا بس حسيتها تقليدية فى الشكل و مفيهاش اوبشن خالص
مش لاقى فيها اوبشن اكتر من اللانوس اللى معايا اصلا
لو حد عنده اقتراحات يا ريت يساعد
و على فكرة ال 120 اللى معايا دول مينفعش يبقوا 121 ابدا و لا بالقسط
شكرا لاهتمام
انسب حاجه النيسان الصنى او البجو 301
اقتباس:
المشاركة الأصلية كتبت بواسطة khaledserag
لازم زيرو ؟
سى اليزيه
بس النيسان ناس كتير خوفتنى منها و خصوصا مشكل الثبات و التقفيل و الفرامل
مش عارف اتجه للاوبترا و لا ايه بس العربيه على قد ما هى قوية فقيرة اوى و مفيش اوبشن خالص
و البيجو عايزة حوالى 15 كمان عشان الفوا اوبشن و ده مش متاح
للاسف انا 3 مرات اشترى عربيات مستعمل و دايما حظى مش حلو بس كنت بدفع 35 و لا 40 الفاقتباس:
لازم زيرو ؟
دلوقتى بصراحة مقدرش اخاطر ب 120 و اشوف حظى
و خاصة انا ليا وجهة نظر عربيتى المستعملة احسن من اى عربية تانية مستعملة
فعلا عندك حق احنا معانا عربيتين واحدة شارينها زيرو و التانية مستعملة و المستعملة مغلبانا انما الزيرو ماشاء اللهاقتباس:
المشاركة الأصلية كتبت بواسطة khaledserag
بس انا بقول لو 120 و جبت حاجة كسر زيرو استعمال سنتين تلاتة ولا حاجة ان شاء الله تتطلع كويسة خصوصا ان عربية بالسعر ده استعمال هتبقى عربية مش متهانة صاحبها مشبعها يعني بس هو مش شرط طبعا
و بالتوفيق لحضرتك ان شاء الله
مع انعدام الذمم والضمير ابعد عن المستعمل
خليك فى الزيرو وكل عربيه على اد فلوسها والنيسان مع ناس كتير ممكن فيها عيوب بس ذى الفل
الاختيارات في الزيرو محدوده و خاصه مع عدم امكانيه زياده المبلغ و هي الصني الشكل الجديد و القديم و البيجو 301 و الاوبترا و السيتروين سي اليزيه و الاوبترا و ممكن تفكر في كسر الزيرو و في الحاله دي ممكن يبقي قدام حضرتك اختيارات اكتر زي نيسان تيدا موديل 2011 او 2012 مثلا ماشيه اقل من 15 الف كيلومتر و ممكن كمان رينو فلوانس او كيا كارينز الشكل القديم و لو استقريت علي الحل ده يبقي لازم تكشف في التوكيل
لو زيرو في الرانج ده مفيش غير اوبترا 117 الف
بيجو 124 الف استلام بعد 3اشهر
سيتروين مش فاكر كام بس اقل من 124 واستلامها فوري
شكرا لاهتمامكاقتباس:
فعلا عندك حق احنا معانا عربيتين واحدة شارينها زيرو و التانية مستعملة و المستعملة مغلبانا انما الزيرو ماشاء الله
بس انا بقول لو 120 و جبت حاجة كسر زيرو استعمال سنتين تلاتة ولا حاجة ان شاء الله تتطلع كويسة خصوصا ان عربية بالسعر ده استعمال هتبقى عربية مش متهانة صاحبها مشبعها يعني بس هو مش شرط طبعا
و بالتوفيق لحضرتك ان شاء الله
انا بس كل همى اقعد 4 او 5 سنين رمتاح من مشاكل العربيات و قرفها
انا حاسس بحيرتك جداااا لان صديقى معاه نفس المبلغ و كان محتار جدااا بس انا اقنعته بانه يدور على الصنى الشكل القديم عشان عربية قوية و ثابته و فراملها محترمة حتى الى مفهاش ABS (انا شايف ان دا افضل اختيار) و بالتوفيق:Copy of m-s5:اقتباس:
المشاركة الأصلية كتبت بواسطة khaledserag
وانت مغمض اختار ستروين سى اليزية ب 120.000 جنية ... قوة ( 115 حصان ) وثبات ( جبت بيها لحد 170 ك/س ) وامان ( فيها ايرباج و abs ) وشكل متميز وفرنساوى تقفيل اسبانى وفيها كل الاوبشنز ( 4 زجاج كهرباء وتكييف وسنتر وكاسيت سى دى ومفتاح ريموت) وصالون واسع جدا وشنطة بحر ...
يا اخى حرام عليك ... صنى الشكل القديم ايه بس ... دى تغور من ضيق صالونها ... انا كنت باعانى منها لحد ما خلصت منهااقتباس:
المشاركة الأصلية كتبت بواسطة bently
ستروين سي اليزي انسب اختيار في السعر ده
انا فعلا بفكر ابعد عن الصنى و الاوبترا و عجبتنى اوى البيجو 301 و السيتروين مشفتهاش بس هبص عليها دلوقتى يا ريت لو حد يعرف اخبار التوكيل بتاع بيجو و سيتروين ايه و يا ترى صيانتهم مكلفة و لا ايه الاخباراقتباس:
ستروين سي اليزي انسب اختيار في السعر ده
شكرا لكل من اهتم
بص العربيه بروتون عربيه محترمه جدا بالنسبه للامكانيات والاوبشن ومستوي التقفيل والسعر وثبات عظيم اداء افضل من عربيات كتير منافسه لكن منسيه والوق المصري مش بتنجح فيه الا العربيات الفاشله .. وربنا يوفقك
فى البداية انا اتصلت برقم توكيل عز العرب ( 19399 ) وسجلت بيانات العربية وطلبت تحديد ميعاد للصيانة فقالوا لى انه سوف يتم الاتصال بى لتحديد الميعاد وبعد نصف ساعه من مكالمتى اتصل بى مهندس الصيانة وعرض على عدة مواعيد للاختيار بينها .... وقمت بتحديد يوم السبت 1/2/2014 ... وذهبت الى التوكيل فى ابو رواش فى اليوم المحدد الساعه العاشرة صباحا ووجدت التوكيل هادى جدا واستقبلنى المهندس / كريم واستلم منى السيارة وقال لى ان الصيانه سوف تستغرق حوالى ساعتين ... فذهبت الى كارفور داندى مول للتسوق وبعد ساعتين رجعت للتوكيل وجدت السيارة مركونة فى الباركينج ومغسولة واستلمت السيارة بدون ان ادفع جنية واحد وافادوا بان الصيانه القادمة ان شاء الله عند 10.000 ك/م ... وحذرونى من غسيل الماتور .... بصراحه انا شايف ان التوكيل محترم جدا ..الموضوع دة مأخوذ من احد مشركات العضو المحترم {محمد اسلام}
احب اشكر الاخ العزيز / احمد عبد الغنى على مشاركة موضوعى .... بس عايز اوضح ان السيارة موضوع المشاركة هى الجميلة ستروين سى اليزيةاقتباس:
المشاركة الأصلية كتبت بواسطة احمد عبد الغني
شكرا يا استاذ محمد انا فعلان نسيت اكتب انها السيارة الجميلة ستروين سي اليزي تقبل تحياتي
السلام عليكم اولا
انت عاوز عربية متتعبكش في صيانة ولا حاجة وواسعة اقترح عليك الاوبترا عربية قوية مهما عملت في العربية العربية بتستحمل مطبات تقفيل امبير كل ححاجة فيها وثبات انا جبت بيها 180 العربية ماشاء الله جميلة ومعلش للاوبشن فيها انا مش عارف ليه فقيرة في الاوبشن كده ودي احلي عربية من حيث السعر ده والوسع الداخلي والشنطة والثبات
ومشتكتش من حاجة لغاية الان هي من 2010 و40 الف كيلو
بصراحه الزيرو هتركب بيهم بس بعد كام سنه هتخصر كتيييير
شوف حاجه استعمال تكون نصيفه و عندك الهوندا سيفيك تحفه يابانيه
و قدامي واحده تحفه و صاحبها باشا في الصرف عليها
لو عايز ابعتلى و انا هساعدك على قد ما استطيع
و بالتوفيق
التيجو افضل خيار انتشار ثبات اتساعى داخلي بس فيها مشاكل تقفيل بتختلف من عربية لعربية و انت و حظك غير كدة زي الفل دة غير الاوبشنز بتاعتها كتير عن عربيات كتيير في فئتها زي الاوبترا و السانديرو ستيب واي و الماتريكس ب115 الف جنية فقط و انا من رأيي بال5000 اللي فاضلين تجيب بيهم حاردز ورا و قدام وسلالم على االجنبين
و شكرا
التيجو فوق الممتازهاقتباس:
المشاركة الأصلية كتبت بواسطة omar2017
بس مشكلتها انها مانيوال
ال 301
هات صنى او بيجو 301 او سى اليزيه لان وجود الايموبلايزر مهم
وكمان هتستفيد وسائل امان
ار بى اكسنت ممتازة . وعربيه كورى مستورد . عربيه جرى وحرارة مافيش مشكله وشيك جدآ برة وجوة .. البيجو بيتجمع فى اسبانيا وقطع مصنعه فى المغرب مش زى زمان فرنساوى 100% انسى . وعربيات مش للحر ووكاله ضعيفه
معقولة حضرتك بتقارن الكورى بالفرنساوى تقفيل اسبانى ... مافيش اى وجه مقارنة بين الاكسنت وبين التوأمين ستروين سى اليزية وبيجو 301 ... وان كنت بفضل السى اليزية لشكلها المتميز وسعرها الرخيص ... وتتميز عن الاكسنت بالقوة والثبات والوسع الداخلى وقوة الصاج والامان ...اقتباس:
المشاركة الأصلية كتبت بواسطة raedegypt
http://www.nilemotors.net/Nile/404042-a.html
سيتروين سي اليزيه او بيجو 301 مدام عايز تريح دماغك وربنا يكرمك ان شاء الله ومبروك مقدما :wink10:
انا شايف تقرص علي نفسك وتركب لانسر شارك 136 وكيل ياباني وتريح دماغك
او تركب ستروين سي اليزيه من الاخر