يعنى ايه ؟؟؟ افك الغطا وارتب السلوك ولا ايه؟؟
عرض للطباعة
وبعدين انا نزلت بصيت تانى لقيت ان فعلا الارقام اللى على وس الاسبراتير غير تقسيم الموتور خالص واحد اسبراتير ريح على اتنين موتور واتنين اسبراتير رايح على اربعه موتور ...ايه الكلام؟؟؟؟
انصحك ماتلعبش فى تقسيمة الأسلاك والموضوع كلة ان الأسبراتير بالكامل راكب مقلوب محتاج يتفك برة ويتقلب بس كده مافيش مشكله علشان تقسيمته صعب اشرحها عموما دى صورة لتقسيمة الأسبراتير و تقسيمة سلك الأسبراتير عندك دلوقتى 1 مع 2 موتور و3 مع 1 موتور و4 مع 3 موتور و2 مع 4 موتور مفيش مشكلة !!!
http://nileup.com/up/uploads/nilemotors_13892588471.png
بص كده تقسيمة العربية مظبوطة مع اختلاف أرقام الأسلاك لكن لو عاوز ترتبهم لازم تفك الأسلاك كلها وتلف الأسبراتير وحتحتاج ترفع العربية علشان تلف العجله يمين عشان تظبط الشاكوش فى مكانه شغلانه والنتيجة واحد فلو عاوز قولى وحاشرحلك العملية بالتفصيل بس انا شايف مالهاش لزوم فكه طالما شغال ومظبوط صح وبراحتك !!
ياريت يااستاذوليد ..وبعدين هيه المسأله مش نتيجه واحده الموضوع انى بحب كل حاجه تبقى فى مكانها (معلهش عقده نفسيه ههههههههه) وكمان لما نزلت دلوقتى العربيه اخدت وقت لحد مادارت ..رغم انها لسه سخنه .. كمان حاسس ان صوت المكنه مش مظبوط (مش عارف بس ايه اللى ودانى للميكانيكى ده ) ..الاهم من ده كله بقى علشان الزملا يستفيدوا ..وبراحتك
حتحتاج ترفع العربية من الجنب اليمين وتعشق العربية على 4 علشان تلف العجله اليمين وتفك غطاء الأسبراتير وتفك مسمار 10 اللى ماسك الأسبراتير علشان تقدر تلف الأسبراتير حتلاقى فية شاكوش نحاس ليه طرف بيلف داخل الغطاء مع لف العجلة حتلف العجلة ببطء مع لف الأسبراتير فى مكانه يمين وشمال لغاية ما تظبط طرف الشاكوش على طرف السلك رقم واحد داخل وش الأسبراتير وبعد كده تربط الأسلاك بنفس ترتيب الأرقام اللى على وش الاسبراتير بعد ماتركبه مع البوجيهات وبالنسبة للفليشيا الأسلاك دى ليها اطوال وصعب سلك يركب مكان التانى بعد ماتركب طبعا حتحتاج ظبط الكهرباء والهواء والبنزين تانى ارجوا انى اكون قدرت اشرح الطريقة وربنا معاك !!