لو على المواصفات ديه انا ممكن اخلص بس المشكلة فى مكان المعاينة لانى ساكن فى مصر الجديدة
عرض للطباعة
لو على المواصفات ديه انا ممكن اخلص بس المشكلة فى مكان المعاينة لانى ساكن فى مصر الجديدة
انا ممكن اخلص بس المشكلة ان المعاينة فى ميدان الرماية و انا ساكن فى مصر الجديدة
انا بنزل الاميريه كل يوم جمعه بس صعبلو تحب تيجى الاميريه مفيش مشكله هى كده اريبه منك خالص
نتقابل فى المطرية السبت ان شاء الله بعد الساعة 6مساء و انا هكلمك ااكد عليك
ان شاء الله خير للجميع
الصورة توضح حالة العربية الخارجية ؛ وبشوف مبدئيا حالة الصاج والدهان وبعد كده نشوف المقابله والتفاصيل وعامة السعر عالي الفان جنية لان سعر السويفت دلوقتي حوالي من 25 الف الي 26 الف
بصوا بئى يا جماعة انتوا شكلكم عايزن توقعوا للراجل تمن العربيه و خلاص مش عايزن تشتروا اصلا لان اولا انا كنت بدور على عربيه لنفسى و كان السويقت فى حدود 28 لحد 34 على حسب الحالة اة الاغلبيه فى حدود 30 او 29 بس السعر الى انت بتقولة يا استاذ عماد بالنسبه للحالة الى حضرتك قيلها بس انت بصراحة غلطان جدا كنت قلت 30000 بعد كدة نزلت 28000 احنا كدة لازم نفاصل من ابل ما نشوف اصلا و ربنا يسهلك بيعها يا رب
متشكر على ردك الجميل
بص انا عندى مبداء فى البيع والشراء انه مفيش حد يزعل كل واحد وله مقدرة وكل واحد بيحب يتكلم اللى مش حيشترى بالذات لازم يتكلم فى اى حاجه وهى على العموم عربيتى الشخصيه وانا مش مستعجل وفى نفس الوقت عايز ابيع بسعر معقول وربنا يسهل وانا زميلى فى الشغل عايزين يشتروها بس انا مش بحب تعامل الاصدقاء والمعارف فى المواضيع ده انا بابيع العربيه علشان حاخد الفوس وادفعها فى مقدم عربيه افيو على الرغم ده رابع عربيه سويفت اركبها خلال 13 سنه يعنى انا بحب العربيه جدا يعنى ابسط مثل هى سعرها اريب جدا من العربيه 128 بس فى فرق جامد جدا انت تعرف اليابانى وانا كنت اتمنى العربيه ده تنزل فى الموديلات الحديثة بسعر يناسب ظروفى كفايه اقولك انى بنسى اضع بنزين فى العربيه والله انا سافرت الاسكندرية ورجعت فى نفس اليوم ب 20 لتر
انا بصراحة مش داخل اشتري بس كان عندي موديل 94 بدون تكييف و بجد كانت حالتها حلوة أوي و بعتها و الله 31500 نهائي و الكلام ده كان قبل حوالي 9 شهور تقريبا
متشكر للرد