الموضوع: تقرير رحلتي إلى (دهب وراس سدر)

السلام عليكم ورحمة الله وبركاته
في البداية انا كنت ناوي اسافر شرم الشيخ اقضي شهر العسل هناك ومحتار بين كذا فندق هناك والاستاذ محمد عبد الجليل "gelgel"
قالي على فندق تروبيتل دهب وانه يعرف واحد هناك فقررت اطلع دهب وهو مشكورا اتصل وحجزلي هناك غرفة تطل على البحر شاملة فطار وغداء وعشاء بسعر 350 جنيه الليلة وطبعا ده سعر كويس جدا لان انا كنت رايح على اساس half board فطاء وعشاء ب 350 والاستاذ محمد كان مجهزلي مفاجاة بان السعر ده يكون full board شامل تلات وجبات و اي مشروبات ببلاش طول فترة اقامتي والاستاذ محمد كان مكلم واحد هناك (الاستاذ فتحي) باني لو احتجت اي حاجة يخدمني فيها وطول فترة الاقامة كان الاستاذ فتحي يكلمني كل شوية لو محتاج حاجة والفندق جميل وهادي . الفندق 4 نجوم وجميل . في العودة الاستاذ محمد برده احرجني واتصل مشكورا وحجزلي في فندق اميرة سدر قبل النفق ب30 كم واحرجني زيادة باني مدفعتش حاجة هناك وكنت محرج بصراحة ازاي اقيم فالفندق ومدفعش حاجة خالص , اتحركت من دهب الظهر ووصلت الفندق عالمغرب والغرفة كانت راقية راقية وطلبت عشاء بيتزا وبعد ما الاكل وصل للغرفة بدفع الفلوس لقيت الشيف بيبلغني ان الاقامة شاملة فطار وعشاء
تاني يوم اتحركت الساعة 2 الظهر وبعد ما وصلت للنفق قررت اطلع للسويس وقضيت اليوم هناك ورحت حديقة الشهداء , جميلة وهادية . والساعة 10 طلعت من السويس للقاهرة
في النهاية بشكر الاستاذ محمد عبد الجليل والفضل لله ثم ليه لانه سهل لي حاجات كتير , ربنا يكرمه وعقبال ما نفرح ببنوته الجميلة وربنا يحفظها من كل شر ويبارك له فيها


بالنسبة لصور دهب مش معايا دلوقتي وهبقى ارفعها ان شاء الله
دي بعض الصور

في طريق العودة من دهب وقررت مزودش عن 100 عشان الاستاذ محمد كل ما يكلمني يسمع صوت السرعة وخوفا منه على سلامتنا كان بيقولي متزودش السرعة




دخلنا في منطقة بها غيوم وكنت بحس اني بمر بكل فصول السنة وانا فالطريق




ودي صور من فندق اميرة سدر



الفطار


صور داخل الفندق




























السويس