-
سماعات النوبيرا
السلام عليكم
انا عندي عربية نوبيرا اوروبي موديل 2000 مرة واحدة لقيت سماعة من اللي في الظهر فصلت و بعديها باسبوع الثانية فصلت و بعديها بيومين سماعة الباب الشمال بتزن جامد
المهم انا فكيت الثلاث سماعات بنفسي و لقيت السماعات اللي ورا فاصلين خالص و الامامية الطبلة بتاعتها مقطوعة علشان كدة بتزن
فهل الاعطال الفجائية ليها تفسير و لا عمر افتراضي
و هل بيتصلحوا و لا بيتغيروا على طول
انا مش من محبى الميوزك اوي و مش بسوق كتير فمش فارق معايا اجيب سماعات بروفيشنال
انا بفكر اجيب سماعات زيهم بالظبط استعمال خارج فهل الاقيهم و بيتباعوا فين
و شكرا و اسف على الاطالة
-
سيبك من التصليح و المستعمل
لو زى حلاتى اذاعه القراءن الكريم و محطات الاغانى فى الراديو
يبقى دور على اثنين جداد نفس المقاس عشان كست النوبيرا مشاء الله جميل هات اى نوع من 50 الى 100 ج
و زى الفل و بارك الله فيما رزق
-
لو مالكش في الاغاني كتير هات نفس المقاس لكن اللي في البابين صعب تلاقيهم حتضطر تلغي الهوسنج بتاعهم و تجيب سماعات نفس مقاس الهوسنج و اللي وزا مقاسهم منتشر وبلاش المستعمل
-
معلش يعنى اية الهوسنج وممكن يركب سماعت 16
-
سماعه الباب مش راكبه عالطول على الحديد ليها فريم بلاستيك بتركب جواه و هوا بيركب بيها على الباب فانت عشان تجيب نفس مقاس السماعه صعب لكن حتجيب سماعه بالمقاس بتاع الهوسنج كله و تركبها عالطول مع دبل فيس عشان متزنش.وصلت؟
-
اقولك على حوار اسهل مادام انت عايزه حاجه تمشي و بسيطه...غير اللي ورا بس و من الكاسيت اظبط الصوت عليهم والغي اللي قدام
-
شكرا ليكم جميعا بس انا بفكر اجيبهم استعمال خارج و يكونوا نفس المقاس لان السماعات الاصلية اللي باظت كانت جميلة
فلو حد يعرف بيتباعوا فين استعمال خارج يدلني
-
-
انا مركب سماعات فى البابين و اللى ورا مقاس 16 مكان القدام و الصوت حلو جدا
-
بص ياباشا انا عندي سماعات الاصلي استخدام قليل جدا. شلتهم عشان اركب بيضاوي ورا...
..بالفيش بتاعتهم...يعني السماعات بتركب بفيش
كنت عارضهم في المنتدي من فتره للبيع...لو حضرتك عندك نية تخدهم مش هنختلف ف السعر ان شاء الله
Content Relevant URLs by
vBSEO 3.6.0 PL2