هو في ايه يخونا؟
2014 Toyota Corolla small overlap IIHS crash test - YouTube
النيو سيراتو تكسب في النقطة دي كمان
2014 Kia Forte (K3) | Frontal Crash Test by NHTSA | CrashNet1 - YouTube
عرض للطباعة
هو في ايه يخونا؟
2014 Toyota Corolla small overlap IIHS crash test - YouTube
النيو سيراتو تكسب في النقطة دي كمان
2014 Kia Forte (K3) | Frontal Crash Test by NHTSA | CrashNet1 - YouTube
فرق شاسع بين السيبراتوا والكرولا
اي وااحد الاقيه لما يقارن عربيتن
ومن تعليقه يقول ياباني وكوري
اعرف علي طول انه مابيفهمش في العربيات
يا جماعه في فرق شاسع في اختبار التصادم بين العربيتين علشان في التيوتا حمل على جنب العربيه بس يعني حمل على علبه شاسيه واحده بس اما في الكيا كانت في وش العربيه كله يعني حمل على العلبيتين و مساحه التصادم اكبر
الاختبار بتاع الكرولا مختلف عن بتاع السيراتو ولكن كلا السيناريوهين وارد حدوثهم.
بس أنا عرفت دلوقتي الزيرو اللي متسمكر ومرشوش هنا في مصر مصدره منين.
هههههههههههههههههه
والاه ضحكتني جامد بصراحه اولا. الفيديو اللي انت جايبه للكورولا ده اختبار Iihs وده الاختبار الامريكي وهو خبط السياره من الجانب الامامي وهو اصعب اختبار حاليا وواخده نفس تقيم c class و 3series طبعا انا مش بقارنهم انا بقول نفس النتيجه اللي هي acceptable
-نيجي لاختبار السيراتو ده الاختبار الاوروبي ncap
-طبعا انا مش هتكلم ان السيراتو الكامله 2ايرباج في مقابل 7ايرباج للكورولا مش هتكلم عن vsc والحجات الكماليه بالنسبه للسيراتو دي :-)
-مره تانيه ضحكتني جامد ^o^
صديقي العزيز برنس الليالي
اولا اهلا بيك لانك اختفيت شوية من تويوتا ونقلت النشاط علي مرسيدس و رينو .
ثانيا انا من 4 شهور كتبت اول مواضيعي عشان الكلام ده , اتمني تقراهhttp://www.nilemotors.net/Nile/383383-2014.html
احب اقول ان فيه 3 منظمات عالمية عشان اختبارات التصادم الا وهم :
1. IIHS الامريكية
2.Euroncap الاوروبية
3.NHTSA
ففي البداية يجب ان نوحد الاثاث في المقارنة , يعني انا مينفعش اقارن مبين العربيتين بس علي اثث مختلفة بعوامل مختلفة , ودي اول غلطة.
تاني حاجة حضرتك مختار اصعب اختبار في العالم اللي لسة عاملينه ال iihs في 2013 اللي هو small overlapو فشلت فيه معظم السيارات زى البي ام و المرسيدس اللي هي من ائمن عربيات العالم مثال من الموقع Vehicle details , و رحت حضرتك حطيت الفيديو بتاع الكورولا في اختبار ال small overlap test .
طيب يبقي نقارن صح و نحط فيديو ال small overlap test بتاع السيراتو :
2014 Kia Forte small overlap IIHS crash test - YouTube
هاه ايه رأيك ؟ طب اقولك علي معلومة تانية , حضرتك عارف ان السيراتو فشلت فشل تاام واخدت اقل تقييم في فئتها في الاختبار ده POOR و الكورولا واخدة Marginal يعني الكورولا افضل منها .
Vehicle details
Vehicle details
ومع التحفظ علي ال IIHS عشان فيه اختبار بتاع FORD و الدمية راسها اتخبطت في الثانية 0:34 و اخدت Acceptable فواضح التواطؤ في الفيديو وفي تعليقات الناس لأنها واضحة جدا
2014 Ford Focus 4-door small overlap IIHS crash test - YouTube
لهذا انا لا اثق بال IIHS و بالرغم من كدة لما قارنت كورولا بسيراتو علي ال IIHS الكورولا اكتسحتها :Copy of m-s5:
و حاجة تانية , ان الكورولا في ال IIHS هي النسخة الامريكية التي تختلف تماما علي النسخة المصرية :)
طب متيجي نشوف النسخة المصرية عملت ايه في الاختبار (اللي هو ال euroncap)
Toyota Corolla | Euro NCAP - For safer cars crash test safety rating
5 نجوم في عوامل الامان , طب متيجي نشوف السيراتو عملت ايه في الاختبار ده :
Kia Cee'd | Euro NCAP - For safer cars crash test safety rating
5 نجوم برضو بس ليه خدت 5 نجووووووم عشان فيها 6 ايرباج و ESP و ISOFIX هممم طب و النسخة المصرية فيها الكلام ده ؟ لأ طبعا ده حتي الهاي لاين فيها 2 ايرباج و مفيهاش ESP ولا isofix و د معناه اييييه ؟ معناه ان النسخة المصرية تخسر كل النقاط بتاعت وسائل الامان اللي قلتها و تاخد 4 نجوم مستريح زيها زى الفلوانس اللي برضو مفيهاش esp وواخدة 4 نجوم :
Renault Fluence ZE | Euro NCAP - For safer cars crash test safety rating
اكيد حضرتك تقصد الفارق في صالح الكورولا طبعا بعد الشرح اللي شرحته ده :)
+1
الكورولا واخدة 5 نجوم في اختبار اليورو و السيراتو مش موجودة
Euro NCAP mediacenter
مش عارف ليه حاسس ان الجماعة المتعصبيين للكورولا الجديدة هيدخلوا
يقولوا شعر فيها و يحسسوا الواحد انها مرسيدس مش كورولا :36_7_4[1]:
نفس الحكاية موجودة ف المنتدى ف بعض ملاك ال 301
طبعا مش كل كلام الكورولا و ال 301 كدا عشان محدش يفتكر ان الكلام عام
لكن للاسف بعض ملاك العربيتين دول تلاقيهم داخل ف اى موضوع و يتكلموا كان
العربيتين دول سوبر سبور :mahf(5):و انهم سابقين الماركات المنافسه بكذا سنه ضوئية
اظن ان الموضوع دا مربك لبعض الناس اللى بتدور ع معلومة صادقة بدون تحييز
و اللى يضحك ف الموضوع ان الناس دول بيعملوا مواضيع عبيطة من عينة
(العربية دى بالذات محسودة) و (العربية دى بالذات بتخطف النظر) و كلام طفولى :baby07: كدة
بجد نفسى اعرف اللى كتب الكلام دا عنده كام سنة
انا مبقولش ان العربيتين دول وحشين ,, بالعكس الكورولا طبعا عربية معروفة و سمعتها سبقاها
و ال 301 اثبتت نفسها من حيث الانتشار ,, فا بلاش شغل الافورة , امال لو كانوا راكبين
مرسيدس و لا بى ام و لا فولفو كان عملوا ايه ؟
الخلاصة ,, ياسيدى عربيتك حلوة و زى الفل بلاش بقى تقنع نفسك انك اخترت صح و مش
مضحوك عليك :36_1_40[1]: بان تفضل تفخم فيها و تقلل من المنافسين
و افتكر انك مش بتاخد عمولة ع الكلام دا
,
,
,
,
اه صحيح ,, ياريت محدش ياخد الكلام دا ع صدره :yeah:
حابب اضيف حاجة برضو للناس عشان تبقي فاهمة صح.
هذه الاختبارات هدفها التأكد من امان العربية و تقييمها لقدرتها علي حماية السائق و الراكب الامامي والخلفي والمارة بالشارع وليس هدفها قياس شدة او متانة صاج العربية :]
يعني ممكن العربية تتفشفش مليون حتة ولكن الايرباج تحمي الركاب فتاخد اعلي تقييم وده واضح في اختبارات زى بتاعة الفولفو وممكن تدخلو تشوفوها بنفسكم .
وده بيقيسوه بالدمية اللي في الفيديو لما بتخبط في الايرباج بيحصل ايه , وطبعا لكم التعليق للمقارنة بين الكورولا و السيراتو في الفيديو خصوصا السيراتو في الثانية 0:32 لما الدمية رشقت بمعني الكلمة في القايم والدركسيون بالتابلوه !!!!!! لا تعليق
2014 Kia Forte small overlap IIHS crash test - YouTube
و قارن مع الكورولا في الثانية 0:36
2014 Toyota Corolla small overlap IIHS crash test - YouTube
اسيبكم تحكمو وتشوفو ليه السيراتو اخدت poor و الكورولا احسن منها margial.
وده للعلم في اختبار ال small overlap و معظم العربيات واخدة فيه marginal زى الكورولا و منها البي ام و المرسيدس اما بقة الاختبارات فكلها ممتازة وللعلم عربيات قليلة جدا اللي واخدة poor و منها السيراتو !!!
هى الرجالة بتوع "اشتريلك النترا ولا سيراتو أحسن" وصلوا الكورولا يا مراحب يا مراحب
زميلي العزيز
انا مش بمدح لمجرد المدح ولا عشان هي عربيتي ولا بقول انها احسن عربية وكمان بديها حقها و مش بقول زيادة عن حقها. ولا بعمل مواضيع عبيطة !!!!!
لو حضرتك متابع لقسم تويوتا هتشوف مواضيعي و قد ايه انا تعبت فيها عشان افادة الناس فقط و ليس بأي نية اخرى !!!
و حضرتك اكيد شفت ردى في الموضوع ده و لو قريته هتلاقيه كلام موضعي و منطقي و عملي بالدليل و هذا للرد و الشرح و التوضيح لصاحب الموضوع علي الكلام اللي هو كاتبه ومش زى محضرتك بتقول خالص ""ان الجماعة المتعصبيين للكورولا الجديدة هيدخلوا
يقولوا شعر فيها و يحسسوا الواحد انها مرسيدس مش كورولا ""
وحضرتك لو شايف ان الشرح اللي قلته فيه اي تعصب او حاجة زيادة مالفها من دماغى ارجوك صلحها لي لاستفيد من خبرة حضرتك :)
والله الناس اللى بتدور على معلومة صادقة مش هتلاقى احسن من التعليقات اللى رجالة تويوتا شارحاها وكاتباها .. انا مش من اعضاء التويوتا لكن نفس الرجالة بتوع اشتريلك النترا ولا سيراتو احسن دخلوا عندنا الرينو عملوا شوية فقرات خايبة والحمد لله مدخلوش تانى بعد اللى اتعمل فيهم هناك
انا معاك ان موضوع تاخد العين والنفسنة دة موضوع مستفز وملوش لزمة بس شوف مثلا برنس الليالى ورمانة الميزان داخل كاتب الموضوع ازاى .. كاتب نصا كدة " ايه يا اخوانا هو فى ايه" !!!!! دى فى رأيك مشاركة الغرض منها افادة الناس ولا الاستفزاز ؟؟؟ ومع كدة شوف رد الناس كان محترم ازاى وبالأدلة والتحليل
ومن الآخر عشان أريحكم ... السيراتو نزلت مصر على انها عربية شعبية مع هوجة فتح القسط فالبنوك شوية اوبشنز من ام ربع جنيه على حبة صاج وبقت عربية ومتستاهلش 120 الف حتى لو فى عدل فالسوق المصرى ومن الآخر انا اركب شاهين ومركبش سيراتو ودة رأيى وانا حر فيه ومش هغيره مهما حصل
وعلى رأيك ارجو محدش ياخد الكلام على صدره
-معلش في موضوع ncap فعلا حضرتك صح انا كنت مخدتش بالي من الفيديو جوا
-بشمهندس هاني جاب من الاخر :-)
-الموضوع مش تحيز قد ما هو ان ناس كتير مركزه معاها مش عارف ليه وبيحاولوا يطلعوها عربيه سيئه
-مع ان الكورولا لاتحتاج الي رأي اي حد فينا ومعلش احنا هنا كاعضاء لا نمثل 5 في المائه من نسبه المالكين او الحاجزين الكليه فمش هنأثر في سمعتها او اي حاجه ليها
-ثم معلش انا بقيت بشوف الكورولا اكتر بكتير من اني بشوف للسيراتو الجديده
احب اقولك يا باشا ان انا لما بدأت ف كتابة البوست #10 مكانش البوست بتاعك #8 نزل و لا حتى البوست #9 كان نزل ,, بس يبدو ان #10 اخد وقت كتير ف الكتابة فا بالتالى لما عملته confirm
لقيت ان البوست 8,9 نزلوا قبله رغم ان قصدى كان انى انزل البوست #7 و #10 ورا بعض
و بالتالى انا مكانش قصدى خالص انى ارد ع البوست بتاعك (#8)
انا بتكلم بشكل عام عن كذا موضوع شوفتهم و كان فيهم المشكلة دى
ارجو ان الامور تكون بقت واضحة
و ع فكرة انا بصيت دلوقتى ع موضوعاتك و شايف انها بجد ماشاء الله مفيدة
وضحت ياباشا، و منورنا في تويوتا، بس للعلم اوبشنز و وسائل امان كورولا 2014 اعلي من السيراتو و الالنترا ومينفعش يتحطو مع الكوروﻻ في مقارنة لانها هتبقي ظالمة ليهم.
الكوروﻻ تقارن مع عربيات في نفس عوامل الامان esp و trc و 7 ايرباج مع الفوكاس و الاسترا مع كامل احترامي للسيراتو و الالنترا و ملاكهم و لكن ينقصهم كتير من عوامل الامان مش بتنزل مصر وده اللي بيخليهم اقل من الكوروﻻ و عشان كدة بقول بلاش نظلمهم في المقارنة دى.
و لما بقول كدة مش معناه تحيز برضو و لكن ده واقع انهم يقلو في عوامل الامان و الاوبشنز و مش بتكلم من منطلق دي ياباني و دي كورى زى مزميلنا الفاضل hogan بيقول انا بتكلم علي ارض الواقع و بقول برضو انهم عربيات جميلة و اثبتو نفسهم جدا في السوق.
تقبل تحياتي و متفتكرش اننا بنتخانق ، احنا بنتناقش نقاش جميل و انا بطلع منه مستفيد من حضرتك.
انا متفق معاك جدا ف اهمية ال esp و دايما بفضل العربية اللى فيها esp عن اللى مفهاش
لكن دا مايمنعش ان السيراتو منافس قوى ع الاقل ف مصر (لان زى ما انت اكيد عارف ان الفوكس
هى المكتسحة ف العالم كله ف الفئة دى) كمان كان واحد من الاعضاء الافاضل قال ان الخليجى منها
فيه Esp و دا بيرجح اوى كفة السيراتو خصوصا ان الفوكس فيها مشاكل ف الفتيس و الاسترا ضيقة
شوية من ورا و دا مش بيناسب مع ناس كتير ف مصر
بجد يا باشا انا مبسوط من النقاش معاك و انك مطلعتش من الجماعة اللى متعصبين للكورولا
اللى بنشوف تعليقاتهم الغريبة ف قسم تويوتا هنا
ع فكرة يا جماعة انا مش راكب سيراتو و لا النترا (مش موديل كورى اساسا ) و لا كورولا عشان محدش يفتكر ان الموضوع شخصى
بس غريب ان فى ناس ف المنتدى عندها هوس ف موضوع كورى و اوروبى و يبانى و صينى
و مش معترفين بالكورى رغم التطور الرهيب اللى حصل فيه
و قلت قبل كدة
http://www.nilemotors.net/Nile/359904-hd-4.html
معلش يا جماعة معلومة جانبية , العربية اللي في الاختبار ده الرينو فلوينس الكهربية مش العادية بتاعتنااقتباس:
renault fluence ze | euro ncap - for safer cars crash test safety rating
على قد ما في ناس محترمة جداً زي الاستاذ psycholain على قد ما في ناس مستفزة وردودها تسد النفس ع الصبح
عموماً انا لما عملت الموضوع دا ربنا يعلم انا مكنش غرضي اخلي الناس تهجم بردودها لإن اصلاً في النهاية اللي حصل دا بسبب لإني حطيت فيديوهين غير بعض وفي الآخر اتضحك عليا
بس فعلاً انا لما شفت فيديو الكورولا مخدتش بالي ان السيراتو frontal يعني مش نفس اختبار الكورولا الجانبي عشان شفته خطف كدا اول كام ثانية
- بالنسبة للأخ MOTOR HEAD محدش بيمدح في عربيته ولا حاجة ولا بيقلل من المنافسين بس كل عربية فيها اللي يميزها عن التانية اياً كان امان اكتر او محرك اقوى او اوبشنز ترفيهي اكتر إلخ
---- سؤال للإخوة بقى حد عنده اختبارات التصادم للفلونينس فيس ليفت (اللي عندنا مش الـZE) وياريت كمان الاسترا 2013 لإني كل الي بلاقيه الـGTC فقط وشُكراً
رجالة منتدي زي الفل بجد...فعلا ناس موضوعية
بصراحة الكورولا ومعظم الياباني (وده فرقه عن الكوري) إنهم فيهم ثبات عالي وأكثر إعتمادية ولكن يعيب التويوتا هي قلة جودة التقفيل والمواد المستخدمة في الصالون ولكن شاسية وميكانيكا وتكنولوجيا تمام جدا
في رأيي لو أن الفوكس هي الأكثر شهرة في العالم ولكن عمرها ما تكون بإعتمادية التويوتا والهوندا
بالنسبة لعوامل الأمان فمفيش شك إن هوندا الأفضل
في رأيي إن العربية اللي جمعت معظم المميزات هي الهوندا السيفيك
و ينور عليك يا باشا.
ايوة كدة مش عاوزين الناس تزعل من بعض , احنا هنا لنستفيد من بعض و كل واحد يشارك بافكاره. و فعلا العبرة بالمقارنة الصح مش اي حاجة تانية.
بس هو للاسف في مصر السيراتو الهاي لاين مفيهاش غير 2 ايرباج و مفيهاش وسائل امان اساسية زى ال esp و trc و Isofix عشان كدة النسخة المصرية تعتبر اقل من الكورولا و الاوبل و الفورد .
بخصوص الخليجي فهي قليلة جدا و تكاد تكون معدومة و للعلم مش كل فئات الخليجي بها esp و ايرباجز اكتر و لكن موجودة في الفئات الاعلي و سعرها يعدى 200 الف !! فهل هي داخل المقارنة؟
بالنسبة للتسارع فانا بقا مش هقولك فيديو مالنت ولا هقولك مصوره بعربية كورولا مانيوال , لأ انا اللي مصوره بنفسي في مصر و العربية اوتوماتيك و جبت من 0-100 في حوالي 9 ثواني او 9.5 اعتقد مفيش بعد كدة في فئة ال 1600 في مصر و لو فيه انا حابب صاحب العربية يصورهولي فيديو بنفسه في مصر عشان المقارنة توضح و تبقي عربية بمواصفات مصرية قصاد مصرية و اوتوماتيك.
http://www.nilemotors.net/Nile/396623-2014.html
تقبل تحياتي
الاختبار الى سياتك حاطه للكرولا ده سمول اوفر لاب تيست و ده اختبار امريكى جديد مبهدل كل العربيات الا الفلفو طبعا ملك الامان
السيراتو حاطت اختبار فرونت امباكت تيست و ده كل بيجيب فيه 5 ستار
بقترح على حضرتك تحديث معلوماتك
لان الكرولا فى كل الاحوال سياره افضل من السيراتو و اامن
كتبت الكومنت من غير ما اقرى باقى التعليقات
الرجاله وضحت كل حاجه
و ارجع اقول لحضرتك الكرولا اامن من السيراتو خصوصا فى السمول اوفر لاب تيست
السيراتو مش اامن من الكرولا
حاجه كمان انا و اعوذ بالله من كلمه انا اولد سكول بمعنى الاوروبى احسن من اليابانى و اليابانى احسن من الكورى و الكرى احسن من الصينى
ده رأى الشخصى و دمت بود
فعلا , بس الفلوانس مش موجودة في اي اختبار خالص و اقرب حاجة ليها هي دي لأانها نفس الشكل و الحجم و العفشة و تختلف حاجات بسيطة قوي منها الموتور و ده مش بيأثر علي اي حاجة في الاختبار و نتيجته 4 نجوم و كدة كدة مفيهاش ال esp فبتخسر 3 نقاط من المنافسة.
مع العلم العربية محترمة جدا جدا و اوبشنز عالي و فخمة :)
تمام جدا كلام حضرتك لحد كورولا 2013 بس من وجهة نظرى المتواضعة كورولا 2014 اعلي من هوندا 2014 برضو بالمقارنة الموضوعية :
اولا :
الكورولا اتقل 1300 مقابل 1250 كج
و اعرض 4620 مقابل 4528
و اطول 1775 مقابل1755
و اوطي12.5 مقابل 16.7 سم للهوندا
و طول قاعده العجلات اكبر 2700 مقابل 2668 سم
وده مديها كيزة في الثبات الرهييب
ثانيا :
الهوند فئتين واحدة ب 200 الف و التانية ب 215 الف قبل تغيير اسعار 2014 الله اعلم دلوقتي بكام , بس اللي اقدر اقوله:
الفئة الاولي ب 200 الف
كاوتش مقاس 15 طاسات مش جنوط عرض 195 مقابل مقاس 16 عرض 205 للكورولا جميع الفئات حتي المانيوال والجنط السبور بداية من الفئة التانية اللي ب 185 الف.
بها 2 ايراج فقط مفيش BAS
الفئة التانية ب 215 الف
بها 2 ايرباج او 4 مش فاكر مقابل 7 في الكورولا و مفيش BAS
للعلم المعلومات مجمعة من هوندا مصر و انا قارنت علي وسائل الامان و الثبات فقط لأن حضرتك ذكرتها و متكلمتش علي الاوبشنز خالص , مع العلم الهوندا لا غبار عليها بس العيب في الوكلاء المصريين اللي بينزعو منها حاجات عشان يقللو السعر اللي هو اصلا مش قليل !!
انا مش عارف لية في ناس مهيئه انها تنزل بتقلها علي اي موضوع وتقعد تنتقد او يتريقو علي الناس
الموضوع اساساً انا متاكد و زي ما العضو الفاضل برنس الليالي قال انه كان فيه سوء تفاهم والاستاذ محمد هاني قام بالواجب ووضح الفرق والموضوع خلص وماكنش مستاهل
ورأي المتواضع اللي وضحته قبل كده ان حتي الخمس نجوم او حتي العشر نجوم بتاعة اختبارات التصادم كلها مينفعش تشتري بيها عربيه او لا... لان مثلاً اختبار الكورولا اللي واخده ٥ نجوم هيا دي الهاي لاين اللي عندنا مش حتي الفئه التانيه و اللي ميعرفش برضه ان التصادم بيبقي بسرعه معينه ٦٤ كم (٤٠ ميل) يعني لا قدر الله لو السرعه زادت عن كده لا تقولي خمس نجوم ولا بتنجان واخيراً احب اقول طول عمري كنت بسمع ان السواقه ملهاش كبير كله قضاء وقدر والواحد يدعي ان رنا يستر طرقنا وكلنا نوصل بيوتنا بسلام
بس السؤل هنا ليه كل شويه نلاقي تريقه بدون داعي مع العلم ان كورولا مش احلي عربيه في الدنيا ولا اعلي كماليات بس اللي بيجبها اكيد مقتنع بيها وللي مش مقتنع ياسيدي احنا بنحاول نفيد بعض مش في معرض عمالين نبيع ونشتري عشان نطلع القطط الفطسانه لبعض.... لو واحد جايب حتي عربيه ١٢٨ هتلاقيه فرحان بيها وحاسس انه عايز يظبطها ويحس ان كل الناس بتبص عليه يا عم ادعيلو ربنا يكفيه شرها بدل ما تتريق عليه و في الاخر تقبلو رأي بسعة رحب
يا جماعة الاختبارين مختلفين تمااااما اختبار التويوتا ده اصعب اختبار معمول للسيارات وحتى فيه عربيات امريكى مش بتعدى منه، واعتقد لو السيراتو دخلت اختبار اللى دخلته التويوتا ده هتتقسم نصين بالطول
انا ولا مع او ضد اي منهم بس الحق حق ولازم نفرق واللي يحط حاجة يبقى عارف اولها واخرها
ده اختبار وده اختبار الاول
والاختبار الاول مفيش عربية عدته الا عربيات معدودة