مشكلة في سقف العربية , أيه الحل ؟

**body7733** · 05-02-2014 03:03 AM

متابع

**moe gawad** · 05-02-2014 01:18 PM

ممكن تجرب, بس صدقنى موضوع المياه السخنه (المغليه) لا يؤثر تماما على البويه, هو كل القصه انه بيخلى البويه شبه لزجه عشان ماتتكسرش اثناء الرد,
وعموما جرب اى حاجه فيهم, الاثنين ليهم نفس التأثير فاهم, وبعدين هو مش السقف فابريكه ,

**adorehearts** · 05-02-2014 04:31 PM

ايوة فابريكة الحمد لله , هجرب اليوم بإذن الله واقولك على ال حصل وخير بإذن الله

**adorehearts** · 11-02-2014 02:25 AM

شكر خاص لأستاذ محمد عبد الجواد إنه فضل معايا لحد ما جربت وصلحت التطبيقات ال كانت فى السقف

والحل كالتالى للناس ال عندها المشكلة دى للإفادة
فى جهاز اسمه Pops a dent بيجى معاه مسدس شمع وطريقة استخدامه سهلة جدا تقدرو تبحثو وهتعرفو كل شئ , هو جهاز ببساطة بيردلك الخبطة على البارد بدون ازالة للون العربية نهائى
ملاحظة : الجهاز بيجى معاه صابع شمع ملوش لازمة , هتجيب واحد غيره من اى مكتبة بجنيه او 2 جنيه وتحطه مكان ال جاى مع الجهاز

شكرا للجميع وجزاكم الله كل خير...

**hassanstar** · 16-02-2014 11:56 AM

يعنى حضرتك تنصحنى بشراء مثل هذا الجهاز؟؟؟

**Samir Elshahawy** · 16-02-2014 12:04 PM

هل من الممكن أنك تحط صور للسقف بعد استعداله بالجهاز ده ؟؟

**adorehearts** · 18-02-2014 02:15 AM

المشاركة الأصلية كتبت بواسطة hassanstar

يعنى حضرتك تنصحنى بشراء مثل هذا الجهاز؟؟؟

طبعا انصحك بيه لو عندك اى خبطة عايز تردها على البارد , لو مش لاقى طريقة تشترى بيها الجهاز كلمنى على الخاص علشان مش عايز احط اى لينك فى الموضوع علشان ميتفهمش إنه اعلان

المشاركة الأصلية كتبت بواسطة samir elshahawy

هل من الممكن أنك تحط صور للسقف بعد استعداله بالجهاز ده ؟؟

حاضر هصوره وهبقا انزل كام صورة

**MAHMOUD MOHAMD** · 19-02-2014 01:04 AM

المشاركة الأصلية كتبت بواسطة adorehearts

شكر خاص لأستاذ محمد عبد الجواد إنه فضل معايا لحد ما جربت وصلحت التطبيقات ال كانت فى السقف

والحل كالتالى للناس ال عندها المشكلة دى للإفادة
فى جهاز اسمه pops a dent بيجى معاه مسدس شمع وطريقة استخدامه سهلة جدا تقدرو تبحثو وهتعرفو كل شئ , هو جهاز ببساطة بيردلك الخبطة على البارد بدون ازالة للون العربية نهائى
ملاحظة : الجهاز بيجى معاه صابع شمع ملوش لازمة , هتجيب واحد غيره من اى مكتبة بجنيه او 2 جنيه وتحطه مكان ال جاى مع الجهاز

شكرا للجميع وجزاكم الله كل خير...

تسلم نفس الشيئ حصل مغايا نزلت من البيت لقيت عيل واقف على السقف وطبقلى حته قدام الزجاج الخلفى انا هجيب الجهاز دا واعملها