يا ترى ايه المشكلة

**apache** · 04-02-2014 01:22 AM

انا معايا سيراتو 2011 فتيس جديد هاى لاين معاد البصمة و الفتحة ماشية 32000 العربية انا شاريها من المالك الاول العربية حاسس انى سحبها او تسارعها ضعيف يعنى بتجمع ببطىء جامد مش عارف ايه السبب و لسه حصل معايا حاجة غريبة اوى النهارده كنت عاوز اخد يو تيرن و على شمالى عربية فعملت كيك داون و عديت منها جيت اهدى عشان اخد الملف سمعت صوت تخبيط حديد فى بعضه اول مرة اسمعه بس بعد كد ه الفرامل اشتغلت عادى يا ترى ايه السبب فى المشكلتين دول

**Deshahcoka** · 04-02-2014 01:33 AM

التخبيط ده ال abs اشتغل عادي

السحب غالبا البويجيهات و الفلاتر عاوزة تغير او عيب بنازين !

**ah-elgendy** · 04-02-2014 10:20 AM

بدل تتدخل فى قصص تجارب روح التوكيل اكشف العربيه علشان تستمتع بيها
ممكن اعرف انت جبتها بكام ؟ وسعرها فى السوق كام دلوقتى

**moha4tec** · 06-02-2014 01:13 AM

السلام عليكم
انت عملت صيانة ال20 الف و الا لا؟؟؟
روح بنزينه و افتح الكبوت و افتح علبة فلتر الهوا .و خليه ينضفلك الموتور بالهوا فقط فقط فقط .................. و ينضف فلتر الهوا بالهوا فقط .
و شوف كده و قولى لو ظبطت يبقى تمام .لو لا روح اعمل الصيانه غالبا بوجيهات و ابقى اظبط فتحة البوجيه على 0.8 ملى هتفرق فى السحب جدا لانه البوجيه بيجى 1.1 ملى
و الله اعلم

**ah-elgendy** · 10-02-2014 09:50 AM

المشاركة الأصلية كتبت بواسطة apache

جايبها ب 110000 يا باشا

ربنا يباركلك فيها وياريت تكون ظبط العربيه . انا بردو بفكر فى السيراتو الشكل القديم بس فى ناس بتخوفنى منهااااا انت ايه رايك فيها فى المشى واستهلاك البنزين

**apache** · 11-02-2014 12:44 AM

المشاركة الأصلية كتبت بواسطة ah-elgendy

ربنا يباركلك فيها وياريت تكون ظبط العربيه . انا بردو بفكر فى السيراتو الشكل القديم بس فى ناس بتخوفنى منهااااا انت ايه رايك فيها فى المشى واستهلاك البنزين

هى العربية الله اكبر عليها كويسة جدا ثبات و راحة هى بس عيبها الوحيد او عيب بالنسبة لى انا انى الفتيس الجديد الست سرعات عالاوتوماتيك مش بيديك السحب المطلوب يعنى ممكن تلاقى العربية جايبة الخامس و انت على سرعة 50 كم :d بلازم بجيبها مانيوال بس الحمدلله هى فيها شيفتات فالطارة فمريحانى برده و جيبها جنط 16 مش 17 عشان ميتعبكش انا صاحبى في سنتين مغير 6 قرد كاوتش فحرام طبعا و ربنا يوفقك ان شاء الله

**عبدالله برعى** · 11-02-2014 09:23 AM

ولا توكيل ولا حاجة فلوس على الفاضى
1- السحب غير الفلتر (ويوجد فيديو انا شارح فية تغيير الفلتر خطوة بخطوة)
2- غير البوجيهات ngk lzkr6b
فقط لاغير عن تجربة
صوت التخبيط دا حايانا مع فرامل ال abs