الموضوع: يوميات مواطن بيسوق كل يوم في بلد راحت خلاص :(

-حل مشكلة المرور ----> إبدأ بنفسك ;)

المشاركة الأصلية كتبت بواسطة toty_305

-حل مشكلة المرور ----> إبدأ بنفسك ;)

مشكلة المرور عندنا مالهاش حل
المشكله ان الواحد احيانا بيتشتم من غير مايغلط اساسا - و ماحدش برضه عاوز يستوعب موقف اللى قصاده و لا يطلع نفسه غلطان

السبت اللى فات مثلا كنت ماشى فى شارع على سرعه 50 كيلو تقريبا
وفجأه عربيه راكنه يمين فتحت الباب للاخر بدون اى سابق انذار و كانت امامى بمسافه 2 متر - ماكنشى قدامى غير ثانيه و اخبط فى الباب ده و اكسره
فإجبرت انى اتفاداه بإنى "احدف" على العربيه الشمال من غير ما المسها
سائق العربيه الشمال افتكرنى بغلس عليه و اشتغل شتيمه من الشباك - ركنت على جنب و استنيته
لاقيته راجل عنده 50 سنه و جنبه بنته فى عمرى كده - افهمه ان باب العربيه اتفتح مره واحد - يقولى مايتفتح و لا يتحرق كنت تهدى (ماكنشى ينفع تهدئه لضيق المسافه و كان لازم توقف مفاجئ و كنت خبط فى العربيه اللى ورايا )
بصراحه سنه منعنى انى اطول لسانى عليه و ارد شتيمته خاصه ان بنته قاعده جنبه

لكن بعد كده ندمت و قولت مادام الموضوع قلة ادب و غباء يبقى كنت ارد عليه - ماهو لو كان شايفنى سواق ميكروباص كان لم نفسه من الاول

-انا كل الحكاوي دي حصلت معايا اخرها من يومين واحد ماشي من غير نمر شكله ظابط الطريق ثلاث حارات بس التالتة مقفولة عشان الجيش حاطط سلك شائك عند فندق الماسة البيه جاي من ورا مصمم يعدي من 30 سم بيني و بين العربية اللي جنبي بعد الطريق وسع و اللي جنبي اتقدم شوية راح رامي جامد عليا وفعلا رحت الحارة اللي جنبي...فكرك ده يستاهل تعبرة اصلا و لا تعكر مزاجك عشانه
-احنا عندنا عربيتين واحدة قديمة وواحدة جديدة و حاسس بمرض المجتمع المريض ده ...انا ممكن استنطع و اقف في نص الشارع محدش هيرمي عليا او يطلع قدامي و يكسر لكن القديمة كلاكسات و انوار و زنق و قلة اخلاق مع ان انا نفس السواق نفس السرعات لا يوجد فرق... طبعا مفيش حاجة مطلقة بيترمي عليا ساعات بالجديدة عشان هخاف :(
-المهزلة بقى اني بفكر قبل النزول انا رايح منطقة نظيفة نسبيا لان بردوا المناطق دي فيها عيال **** اركب الحديثة لكن لو رايح منطقة النقل و الركنة الضيقة اخد القديمة منطقة مفيش منها امل اخد مواصلات :d
-ساعات اكون ماشي عند المنصة كده و ابص في المرايا اجد حديقة حيوان متنقلة قادمة من خلفي اقوم اهدي و اسيبهم يعدوا
-خدها قاعدة اعرض عن الجاهلين و ابدا بنفسك رغم كل ده احنا الصح يا جماعة مش هم.

المشاركة الأصلية كتبت بواسطة khaled_sabry

مشكلة المرور عندنا مالهاش حل
المشكله ان الواحد احيانا بيتشتم من غير مايغلط اساسا - و ماحدش برضه عاوز يستوعب موقف اللى قصاده و لا يطلع نفسه غلطان

السبت اللى فات مثلا كنت ماشى فى شارع على سرعه 50 كيلو تقريبا
وفجأه عربيه راكنه يمين فتحت الباب للاخر بدون اى سابق انذار و كانت امامى بمسافه 2 متر - ماكنشى قدامى غير ثانيه و اخبط فى الباب ده و اكسره
فإجبرت انى اتفاداه بإنى "احدف" على العربيه الشمال من غير ما المسها
سائق العربيه الشمال افتكرنى بغلس عليه و اشتغل شتيمه من الشباك - ركنت على جنب و استنيته
لاقيته راجل عنده 50 سنه و جنبه بنته فى عمرى كده - افهمه ان باب العربيه اتفتح مره واحد - يقولى مايتفتح و لا يتحرق كنت تهدى (ماكنشى ينفع تهدئه لضيق المسافه و كان لازم توقف مفاجئ و كنت خبط فى العربيه اللى ورايا )
بصراحه سنه منعنى انى اطول لسانى عليه و ارد شتيمته خاصه ان بنته قاعده جنبه

لكن بعد كده ندمت و قولت مادام الموضوع قلة ادب و غباء يبقى كنت ارد عليه - ماهو لو كان شايفنى سواق ميكروباص كان لم نفسه من الاول

مش اعرف اقولك ايه كان المفروض انتوا الاتنين تتخانقوا مع اللي فتح الباب الحركة دي غبية جدا و التاني قليل الادب بس الموقف بسبب خوفه شويتين اكيد كان ماشي بسرعة.

المشاركة الأصلية كتبت بواسطة تامر.محمد

نظرية ابدأ بنفسك في الحقيقة نوع من انواع المخدر
ان الواحد يمشي صح مطلوب و مفروض
لكن انا دلوقت مشيت صح , هل ده هايخلي حضرتك تمشي صح ؟ مش لازم
بالعكس , احنا عندنا ناس ماشيين في الشوارع دلوقت مزاجهم البلطجة عالناس اللي سايقة صح

لازم دور للفرد و دور للمنظومة , و دور المنظومة في الحقيقة اهم لأن مفترض انها صنعت عشان كده اصلا

عندك حق جدا بس مفيش قدامي غير ان لا أستوحش طريق الحق لقله سالكيه