السلام عليكم ورحمة الله وبركاته ...
انا عندى بيجو 301 هاى لاين اسود و من حوالى 3 اسابيع يوم 7/1/2014 بالظبط الساعة 08:00 بليل على طريق اسماعلية الصحراوى من عند نازلة الشاذلى خبطت فى عربية نص نقل محملة .... ودى كانت النتيجة








كسر بمعصم اليد اليسرى و عملية لتركيب مسمارين مؤقتين للتثبيت , و كسر باصبع باليد اليمنى بس الحمد لله تم فكه و اربع غرز بالخد الايمن و اربع غرز بالاذن اليمنى و احمد الله كثيرا على عدم وجود اى اذى داخلى مع العلم انى خبطت ع سرعة 130 كم/ساعة ف عربية واقفة ع دوران و مطفى كل انواره و مفيش اناره ( ملحوظة : احد اسباب سوء الاصابة ان الراجل الى خبطته سابنى مرمى على الارض انزف من كل وشى و ودنى و مطلبش اسعاف خوفا انى اهرب لحد اما واحد محترم معدى بالعربية و قف و فهم الموضوع و اتخانق معاه و طلب الاسعاف غصب عنه و اثناء دا كله واحد دخل قلب العربية و سرق اللاب و حتى هدومى " مصر هى امى " ) ...
المهم حاولت انى اصلح العربية مما ادى الى الاتى ....
1) - فضلت ادور على نص امامى للعربية بدون ماتور لكن للاسف مش لاقى بعد عدة محاولات ف العديد من الاماكن لان العربية جديدة ف السوق و لما يأست لجات للحل التانى ...
2)- لجات للتوكيل عشان افهم منو الوضع وكان الرد ( حضرتك ممكن تجيب العربية نعمل تسعير بالضرار و تدفعه و نديك عربية جديدة بدلها ) التسعير لوحده 1650 ج مع سعر النقل تخش ف 2000 و انا خايف بعد ما اوديها يطلب رقم خيالى فارجعها و يبقى دفعت 2300ج ف الهوا ..
انا عاوز اخد رايكو لانى قليل الخبرة بالتصليح .... هل اكمل ف 1 و لا اجرب 2
و ياريت لو حد يعرف يساعدنى و يدلنى على مكان ممكن الاقى فيه نص او حد ممكن يدلنى على مكان للتصليح اكون شاكر جدا و اسف للاطالة عليكم


تعليق :بصراحة فى كلمة عايز اقولها .... انا قبل ما اجيب الـ301 كل الناس قالت بلاش عشان اعادة البيع و الغيار و الخ ... قولتلهم طب و الامان العالى قالو زيها زى كله و بعدين بدؤوا يعيبوا فيها .. و الان كل الى شاف الحادثة يقول مستحيل دا يطلع و انو مات فاحب اقوله ان بفضل الله طلعت و ان هو دا الفرنسى