دخلت اتفرج غلى السيفيك فى التوكيل و اتصدمت من خامات التابلوه كان عامل زى ال فبر
ازاى كده فى عربية بتوصل 200 الف و فى امل يتغيير ؟
عرض للطباعة
دخلت اتفرج غلى السيفيك فى التوكيل و اتصدمت من خامات التابلوه كان عامل زى ال فبر
ازاى كده فى عربية بتوصل 200 الف و فى امل يتغيير ؟
خامته بلاستيك متفق معاك فيها بس انضف بلاستيك ممكن تشوفه فى عربيه فى فئتها مفيش تزييق سهل التنضيف مالوش ريحه لما توقف العربيه كتير فى الشمس وده مقارنة مع النترا md اللي كانت معايا قبل السيفيك خامة الالنترا كانت طريه بس صباح التزييق روح قارنه حتى مع الكورولا الجديده هتلاقي كشكل احدث تحس ان الكورولا طابلوه مكروباص مع احترامى الكامل لشركة تويوتا وكمان انا معايا كورولا بس قديمه وكمان تحس التقفيل التركى فيها مش قد كده اما هوندا شركة بتحترم نفسها
Sent from my GT-S5282 using Forum Runner
يص يا بيه
يا طبعا مسأله ازواق
بس الكورولا كنت حاسسها افخم تحسه زى الجلد الطرى و بصراحه كان شبه ال bmw و فيه خياطه كتير و لون غامق
اما ال سيفيك كانت باهته و فيها تقسيمات كتير و حتى ابره العداد كان شكلها غريب
و عل عموم لتقريب وجهات النظر الموديل السابق شيفه افضل ولا لأ ؟
متتتتتتتتتابع
الموضوع زى ما انت قولت ازواق انا شايف الجديده احلى العدادات فيها كذا ميزه خطين الايكو بتوع بيان توفير الوقود بيتغير لونهم حسب دوستك العداد الرقمى حلو على الطريق لو هتستخدم الكروز والهاى لاين فيها I mid ودى شاشه ملونه بتتحكم فيها فى كل حاجه بلوتوث cd ده راى مع الاحترام الكامل لرايك
Sent from my GT-S5282 using Forum Runner
مع احترامى لرأى حضرتك
انا مش بشارك من فتره كبيره جدا بسس لما لاقيت ان حضرتك كاتب على خامات التابلوه لعربيه انا من احد ملاكها كان لازم ارد على حضرتك
اولا العربيه مصنوعه من احسن الخامات البلاستيكيه المتاحه والمريحه بالنسبه لمستخدم السياره
ثانيا العربيه من الداخل تعتبر من احسن السيارات فى وسائل الامان والراحه فى السواقه
انا عايز حضرتك تشوف العربيه كمان مره وتقارن مع باقى العربيات هتعرف ان فى فرق كبير
وبالنسبه للسعر العربيه الهاى لاين ب 215000 ج انا اشتريت بالسعر ده
تحياتى
مش عارف ازاى ده تابلوه ميكروباص
التويوتا
http://image.motortrend.com/f/roadte...lla-S-dash.jpg
و السيفيك
http://automiddleeast.com/wp-content...rd-614x360.jpg
اراء بقي يا باشا اركب ائ ميكروباص تويوتا جديد هتلاقي تشابه كبير وده مش راي لوحدي و فى معلومه احب اضيفها ان التويوتا الكورولا اللى الناس طالعه بيها السما أكبر اشتغاله من شركة تويوتا للعالم التالت اللى زينا لانها اوريس بس بشنطه ونازله فى استراليا باسم كورولا من 3 سنين فاتو اعمل سيرش كده على جوجل واكتب كورولا استراليا هتلاقي كلامى مظبوط الكورولا الجديده كليا بالفعل دى اللي نازله لامريكا بشكل مختلف تماما هو ده التطوير مش اوريوس بشنطه واقلب وكله كوم و الصناعة التركى كوم شركة تويوتا زى نيسان كده يهمها الكم و ليس الكيف على العكس من هوندا حتى المصنعة فى تركيا مش هتلاقي جواها بطارية سايله مثلا زى الكورولا الخامات البلاستيك هتلاقي ليها مواصفات فى هوندا على العكس من تويوتا ولو قلبت هتلاقي ناس بتشتكى من التقفيل السئ والتزييق اللى فى الطابلوة الجلد بتاع الكورولا جلد بس تركى بيزيق يا ريت متخدش الموضوع بشكل شخصى او هجوم بس اعتقادى ان هوندا لها معايير جوده مختلفة تماما عن تويوتا اللى يهمها الكمية الكبيرة عشان تبقى رقم 1 كفايه العفشه المالتى لينك اللى فى الهوندا شوف عفشة التويوتا الجديده مفيش اى فرق بينها وبين الكورى نفس عفشة الألنترا من الاخر الهوندا كوم فى اليابانى والباقي كوم
Sent from my GT-S5282 using Forum Runner