السلام عليكم
هل فيه نادي ممكن ادخله بتذكرة دخول لوحدي من غير ما يكون معايا عضو من النادي؟
وشكرا
عرض للطباعة
السلام عليكم
هل فيه نادي ممكن ادخله بتذكرة دخول لوحدي من غير ما يكون معايا عضو من النادي؟
وشكرا
اعتقد مفيش نادي كبير بيدخل حد بتذاكر غير لما يبئا في عضو لو انت عاوز نادي صغير في نادي المقطم علي شارع 9 امام بنزينة موبيل
كل نوادى الجيش ممكن تدخلها بتذكرة
متابع
نادي الشمس بدخله علطول من غير عضوية ولا اصطحاب عضو والتذكرة ب20 جنيه ليا و 20 للمدام والأولاد ببلاش
أنا عادة بدخل من البوابة اللي في شارع عبد الحميد بدوي وأعتقد دي بوابة الدخول الرئيسية للنادي الاجتماعي وباقي البوابات للنادي الرياضية على ما أعتقد برده .. هتلاقيها جنب المسجد علطول زي ما في الخريطة كده
https://www.google.com/maps/preview/.../data=!3m1!1e3
نوادى الجيش وخاصة الرماية ونادى الشمس
نوادى الجيش بتدخلها بتذاكر عادى
انا عضو في الشمس والنادي ليه خمس بوابات رئيسيه 4-5 علي جسر السويس و 1-2-3 علي عبد الحميد بدوي ومافيش تقسيم داخل النادي للقسم الرياضي والاجتماعي
حسب معلوماتي ( انا بقالي مده طويله منقطع ) ان الدخول لازم برفقه عضو وفي هذه الحاله بيكون مقابل دعوه من دفتر الدعوات الخاص بالعضو وفي حاله نفاذ الدعوات بيكون مقابل 20 جنيه وفي كل الاحوال لابد من وجود العضو المشترك بالنادي
على حسب بس تقريبا فى الاجازات بتبقى 10 او 15 للفرد والايام العاديه ب 5 او 7
بخصوص البوابات فأنا زي ما ذكرت معنديش خلفية كافية عنهم بسبب إني مش عضو ونادرا لما بروح لكن كل دخولي بيكون من خلال البوابة اللي في عبد الحميد بدوي جنب المسجد الموجود بسور النادي والبوابة دي بشوف علطول كل الناس بتدخل منها لأنها كمان جنب الباركينج
أما بخصوص الدخول أنا زي ما ذكرت لا عضو ولا بيبقى معايا أعضاء ولا حتى أعرف أعضاء وبدخل عادي بتذكرة ب20 جنيه يمكن النظام اتغير عن أيام ما حضرتك كنت بتروح
فعلا نادي الشمس دخلتة مرتين قبل كدة بتذاكر عادي (كنت بشوف عروسة)
و نوادي الجيش حسب النادي في ب 5 زي المشاة و في ال 25 زي الدفاع الجوي و حسب اليوم دة سعر الويك اند
ياباشا تحياتي لحضرتك
انا لم اقصد نهائي التشكيك في كلامك - انا قلت ان بقالي فتره كبيره لم اذهب للنادي ( حوالي 8 سنوات ) وعلشان اكون دقيق بروح مره واحده في السنه اسدد الاشتراك وارجع علي طول
علشان كده معرفش النظام ايه دلوقتي واكرر لم اقصد اي تشكيك او اهانه
تحياتي
انا اتصلت بنادي الشمس وقالوا لازم يكون معاك عضو
مش عارف دا كلام تليفونات وع البوابات حاجة تانية ولا لا
كلام تليفونات
جرب حضرتك روح ومعاك أسرتك وادخل عالبوابة علطول وطلع 40 جنيه وقولهم عايز تذكرتين ولا حد هيقولك أي حاجة
بس خللي بالك أعتقد لو هتدخل لوحدك أو معاك أصحابك ممكن ميرضوش أعتقد بيدخلوا العائلات فقط والله أعلم
وعلى فكرة برده في جوة النادي فرع لـ"المصل واللقاح" بتاع التطعيمات الاختيارية ممكن تدخل عادي برده انت وأولادك وتسيب بطاقتك برة وتقولهم داخل "المصل واللقاح" أكيد مش هيقولوا لأ لازم عضو علشان تدخل تطعم الأولاد ! بس ممكن يدفعوك تذكرة واحدة بس لأنهم عملوها فيا مرة ودفعت تمن تذكرة واحدة علشان أدخل أطعم الأولاد
بس طبعا الكلام ده لو حد هيدخل يطعم الأولاد بس وهيمشي علطول أما لو واحد هيدخل للنادي نفسه مش للمصل واللقاح لازم طبعا يدفع تمن التذاكر لأنه داخل يستخدم النادي ومن الأمانة دفع تمن التذاكر