-
ليجانزا و لا؟
أشتري ليجانزا و لا لأ؟ :help:
ممكن تساعدوني في اتخاذ القرار و لا هلاقي مشاهدات فقط من غير ردود؟:no:
يا ريت كل واحد عنده معلومة مفيده يشارك بسرعه و يبقاله كل الشكر...
عايز معلومات عن مشاكلها أكتر من مميزتها طبعا لأني ركبتها و حسيت بالقوة و الفخامة فيها من أول لحطة (مثلا الكرسي بتاعها كهربا!!) ... يعني الميكانيكية اللي بيفهموا فيها هم نفسهم اللي بيفهموا في اللانوس ؟ قطع غيارها موجودة في معظم محلات اللانوس؟ مشاكلها قليلة؟ وكده يعني...
-
-
العربيه الميكانيكا بتاعتها عاديه.. و ليها قطع غيار استيراد في بورسعيد... بالنسبه لقطع الغيار الجديده معرفش موجوده فين و مدى توفرها.
-
هو حضرتك عاوز تجيب عربيه في حدود كام؟؟
الليجانزا حلوه و محترمه جدا
بس مشكلتها ان سعر اعاده بيعها واقع
و قطع غيارها مش بانتشار النوبيرا و اللانوس و اغلي منهم بطبيعه الحال
-
شكرا لردودكم و جزاكم الله خير...
بالنسبة للعربية المعروضة عليا فهي حتكون في حدود 55 ألف لأن فيها شغل سمكرة و توضيب فرش داخلي .بالمناسبة هي "أوتوماتيك" و دي نقطة تانية مخوفاني!!
السؤال دلوقتي؟ مثلا لو حبيت أغير أكره داخلية في الصالون هدوخ السبع دوخات و في الاخر هاجيبها استيراد؟
-
فين الناس اللي معاها ليجانزا ؟؟؟؟
-
مش هتلاقى حد كتير معاه ليجانزا لانها للاسف عربية مش ناجحة فى السوق المصرى و الدليل قلة عدد الموجود منها بالمقارنة بغيرها فى فئتها السعرية , فكك من الليجانزا و شوف اى حاجة تانى , فلوسك تجيب حاجات كتير تانى
-
بس حضرتك لازم حضرتك تحدد انت عاوز ايه بالظبط من العربيه
يعنى شكل اداء قوه كماليات علشان اقدر اقولك ليجانزا والا لا يعنى باختصار قولى ايه متطالباتك اللى عاوزها من العربيه اللى حتركبها؟
-
انا ليا واحد صاحبى معاه ليجانزا وماشيه معاه تمام بس تقريبا بتاكل بنزين بس هوا الدايو كله بياكل لانوس نوبيرا كله كدا بس شغال يعنى والأتوماتيك بتاعها ممنوش مشاكل على ما اسمع وهبقى اسألك برضوا
-
يا kinawy أنا فعلا مافكرتش فيها بس لما شوفتها و ركبتها عجبتني جدا بس مش عايز برده أتسرع و أشتريها غير لما أسمع من الناس هنا.
شكرا ليك lifewhy و ياريت فعلا لو تقوللي على معدل أستهلاكها للبنزين.
Content Relevant URLs by
vBSEO 3.6.0 PL2