عرض للطباعة
... الموضوع وما فيه اني لسه جاي من سانت كاترين رحلة يومين طلعنا فيها جبل موسي عدينا علي فيورد باي ف عجبني الجو جدا بصراحة وفكرت انا واصحابي نطلع مرة 4 او 5 ايام نعمل كامب او تخييم اللي هو 4 ايام نريلاكس خااااالص ونبعد عن كل حاجه مش نظام فنادق ودوشة ... ف كنت عايز رأي الناس اللي طلعت قبل كده في الموضوع ده ... انا اعرف ان اشهر 3 اماكن للموضوع ده دهب و نويبع و الواحات البحرية ... ومعلش ايه البروجرام اللي بيتعمل وبنتفق مع مين ... من الاخر الدنيا بتبقي ماشية ازاي ... وهكون شاكر جدا ليكو
شوف ياباشا أنت حظك من السماء لانى قراءت الموضوع بتاعك وبأذن الله هعطيك المفيد والخلاصة ، أولاً أعرفك بنفسى ، أنا أسمى محمد وبشتغل مرشد سياحى وعايش فى نويبع وعامل صفحة على الفيس بوك لتنشيط السياحة ، شوفت بقى الصدف
المخيمات فى نويبع وأشهرها على طريق طابا أسمها رأس شيطان ودى الليلة فيها ممكن تعمل 185 جنيه بالفطار والغداء على ما أتذكر
وفى مخيمات تانية فى الترابين مشهورة جداص وهى أشهر من راس شيطان
عامتاً أسيبك مع الصفحة بتاعتى على الفيس وتشوف فيها كل حاجة بعينك وبنفسك ومستنى رائيك
https://www.facebook.com/pages/%D8%B...7895673?ref=hl
اسف علي التأخير ... اشتركت في صفحتك والف شكر علي الاهتمام
دلوقتي انا سمعت ان في عشش بتتأجر ب 60 ج في اليوم فهل ده صحيح ؟ واصلا انا بتعامل مع مين عشان الصورة مش واضحة قدامي
مفيش أى مشاكل ، انا اسمى محمد وبشتغل مرشد سياحى روسى أنجليزى وبخصوص العشش اسعارها بتختلف حسب المكان ، يعنى فىى راس شيطان بالفطار والغداء ممكن توصل ل 180 جنيه وفى نويبع ممكن ب60 جنيه ، شوف أنت عاوز أيه وأنا أن شاء الله هخدمك وبدون مقابل ، تحياتى لك
خلاص هبقي اكلمك إن شاء الله
عايز تعمل كامبنج في مصر هههههههههه اسكت متتعبنيش الله يخليك انا بتفرج ع الاجانب بيركنو العربيه ويعملو كامبنج في اي مكان ومعاهم الخيم بتاعتهم دي الشيك والدنيا أمن وأمان تفتكر ممك نعمل كامبنج ع الدائري ولا المحور ولا اركن كدا ف الطريق الزراعي وافكر اعما كامبنج انا مش متخيل رد فعل الناس ايه الثقافة دي مش عندنا خالص دا أنا هتشل م البلد دي وعلي فكرة انت جيت ع الجرح
كامبينج فى مصر
تخيل كده يجى امين شرطة ولا ملازم اول يقولك بتعمل ايه فى الصحرا او فى الحته الفاضيه تقوله بعمل كامبينج . حيقبضو عليكم و يقولو انكم كنتم بتعملو قنبلة كامبينج شديدة الانفجار
ثوانى بس - انا كنت فاكر فى الاول الموضوع كامبين بالنظام الانجليزي فى خيم لكن فى رد الاستاذ محمد قاله عشش (عشش فى الهجه المحليه لبعض المحافظات زى راس البر تعنى فيلات) و تأجير عشش و فطار و غدا فواضح ان النظام مختلف عن اللى احنا متخيلينهاقتباس:
المشاركة الأصلية كتبت بواسطة kok3
فياريت تقولنا ايه النظام بالظبط و تقولنا هل الموضوع ده ينفع للعائلات و لا شباب بس زى السفارى كدهاقتباس:
المشاركة الأصلية كتبت بواسطة jackson_75
و ظروف الامن و الامان و التفجيرات و الحوارات دى
يا جماعة الموضوع بسيط مش زي ما متخيلينه والناس بتطلعه عادي وزي الفل بس هو مش منتشر عشان ليه ناسه :)
هو كأنك طالع شرم ولا الغردقة بس الفرق انك بدل ماتقعد ف فندق بتقعد في عشة مفيش اي اساليب ترفيه يعني جياة بدائية جدا وبتبقي منك للبحر علي طول !! وبتقضي 4 ايام ترييح دماغ علي الاخر من تسلق جبال ل قعدات عربي ل شوي في الصحرا ل سفاري لحاجات كتير
نظام بقي هات خييمتك معاك ده وارشقها ف ايحته مش شغال ف مصر نهائي مين يجيله قلب اصلا
يا جماعة أنا متابع التعليقات وبشكر صاحب الموضوع على أنه فتح لنا باب الحوار للتحدث عن هذا المجال الرائع لأن للاسف ، كتير جداً من شباب مصر ماشفوش ولا حتى زاروا الاماكن الجميلة الكتير الموجودة بمصر وبارضها ، وذلك لان الاغلبية ممكن تكون ماتعرفش أو معتقدة ان الاسعار سياحية لدرجة لايمكن المقدرة عليها .. مع ان التصيف هنا أرخص بكتير من أسكندرية وراس البر ومش بس كده ، لأ واجمل وأروع فى كل شىء
-سحر طبيعة
-هدوء
-بحر وشعاب مرجانية
-رحلات وركوب موتوسيكلات ودايفنج
وكل ده بارخص الاسعار ...!!
يعنى مثلاً : سعر العشش المطلة على البحر مباشرتاً بيبدء من 30 جنيه ، وفى ب 60 وفى ب180 ، أغلى العشش اللى هى بتبقى موجودة فى منطقة تسمى براس شيطان ، والمنطقة دى مشهورة من أيام اليهود ودايماً كانوا بيجوا ليها حتى قبل أيام الانتفاضة بايام بسيطة
وفى مخيمات مبنية من الطوب وفيها تكيفات وحمامات خاصة بكل غرفة وسراير مريحة جداً وتليفزيونات بكل غرفة مع خدمة الواى فاى ، ودى سعرها بردوا مش غالى ، يعنى ممكن فى نويبع سعر الفرد بالغرفة المزدوجة يبدء من 75 جنيه بالليلة شاملة الافطار ، وفى حاجات تانية فى منطقة أسمها الترابين سعر الفرد فيها بالغرفة المزدوجة 50 جنيه ، بس المنطقة الاخيرة دى مش كل المخيمات فيها على درجة عالية من المستوى الفندقى .
بالنسبة بقى للرحلات :
فممكن تعمل معانا رحلة بحر من الساعة 9 صباحاً حتى الساعة 4 عصراً باليخت وشاملة الغداء أوبن بوفيه والمشاريب وكمان تتضمن ثلاث وقفات بالبحر قرب مناطق الشعاب المرجانية الرائعة لمشاهدتها بالماسك ، وكل ده بسعر 175 جنيه للفرد .
رحلة الموتوسيكلات ذات الاربع عجلات ، دى بقى بتبقى متعة الصغير والكبير ومدتها ساعة ونصف وسط الصحراء ومشاهدة غروب الشمس ..
وأنا على فكرة كنت عامل صفحة على الفيس بوك لتدعيم وتنشيط السياحة بارخص وأقل أقل الاسعار والتى لايستطيع الزائر العابر من الحصول عليها بمفرده
برجاء متابعة الرابط التالى ومشاهدة العروض والصور المسجلة عليه :
https://www.facebook.com/pages/%D8%B...88341897895673
طيب الدنيا هناك عامله ازاي ؟ في مواصلات ولا لازم اجي بالعربية ؟ الاسعار هناك ايه اخبارها