تحذير مما تسمي بشيفروليه الجوكر (الشعبولا)

السيارة المارقة الحارقة الفارقة شيفروليه الجوكر...

طلعت صيني..

اصل الموضوع ان الوالد كان عاوز عربية للشركة لنقل الفنيين وكدة فا كان بيسألني علي رأيي في هذه التحفة الفنية الرائعة

المهم انا ماحبش اجيب الموضوع غير م الأصل.. دورت علي حاجة اسمها شيفروليه الجوكر في العالم كله مافيش غير في مصر! طب دايو مافيش.. طب اي بلالا مافيش عربية بالاسم ده.. يبدو ان منصور منقي الاسم بحكمه عشان ماحدش ينخور.. المهم يمين ف شمال اكتشفت ان ليها اسم تاني وهو n300 فا دورت عليه..

وآدي الخلاصة
Wuling Hongtu - Wikipedia, the free encyclopedia
العربية اسمها وولينج هونج تو بهبهوو.. ما علينا

المهم للتحذير العربية صيني وموتورها1200 ومش لاقي له اي نوع!!

لو حد لقي حاجه زيادة الاضافة ماتضرش

وشكرا
(حاترجم كلام الموقع اول ما اروح عشان انا ع التاب حاليا)

يخربيتك يا شعبولا

ههههههههههههه العب يا منص
منصور خاربها و واكلها و محدش قادر عليه

يانهار ابيض دة كدة بيغش في البيع

من حقه يعمل اللى هو عايزه فين حمايه المستهلك ما البلد بلدهم

وبكره تشوفوا مصر

منصور ميقدرش يا باشا يجيب اي ماركة ويحط عليها اسم شيفورلية ويبيعها بالمسمي دة و الا كانت شيفورلية عملتلة قضية و اخدو تعويض وسحبو منة التوكيل العربية ممكن تبقي تابعة لشيفورلية عادي بس مصنعة في الصين ودة عادي شركات كتير بتعمل كدة عشان توفر

اقتباس:

---

المشاركة الأصلية كتبت بواسطة m i d o

منصور ميقدرش يا باشا يجيب اي ماركة ويحط عليها اسم شيفورلية ويبيعها بالمسمي دة و الا كانت شيفورلية عملتلة قضية و اخدو تعويض وسحبو منة التوكيل العربية ممكن تبقي تابعة لشيفورلية عادي بس مصنعة في الصين ودة عادي شركات كتير بتعمل كدة عشان توفر

---

تمام كده وعين العقل

اقتباس:

---

المشاركة الأصلية كتبت بواسطة crayvor

العربية اسمها وولينج هونج تو بهبهوو..
)

---

بهبهور ههههههههههههههههههه

اقتباس:

---

المشاركة الأصلية كتبت بواسطة m i d o

منصور ميقدرش يا باشا يجيب اي ماركة ويحط عليها اسم شيفورلية ويبيعها بالمسمي دة و الا كانت شيفورلية عملتلة قضية و اخدو تعويض وسحبو منة التوكيل العربية ممكن تبقي تابعة لشيفورلية عادي بس مصنعة في الصين ودة عادي شركات كتير بتعمل كدة عشان توفر

---

منضور ممكن يعمل اي حاجة بدليل الميكروباص 28 راكب اللى شبه النعش الطائر عليه علامة سيفروليه

منصور لما أعلن عنها قال ان أسمها n200 ال n300 دي اللي أكبر منها شوية و اعرض
بس فعلا العربية دي أحسن من السوزوكي ف المشي و التقفيل و الجودة و أحسن من كل الصيني عن تجربة

اقتباس:

---

المشاركة الأصلية كتبت بواسطة M I D O

منصور ميقدرش يا باشا يجيب اي ماركة ويحط عليها اسم شيفورلية ويبيعها بالمسمي دة و الا كانت شيفورلية عملتلة قضية و اخدو تعويض وسحبو منة التوكيل العربية ممكن تبقي تابعة لشيفورلية عادي بس مصنعة في الصين ودة عادي شركات كتير بتعمل كدة عشان توفر

---

الموضوع فعلا بعلم شركة شيفروليه نفسها بدليل اسنخدام chevrolet n200 في امريكا اللاتينية برضه.. بس دي المصيبة الأكبر ان شركة شيفروليه نفسها مستعدة تخم شعوب بأكملها لو حايدخل جيبها مليم... وبرضه جرب تتصل بمنصور شيفروليه وتسأله ع الموتور حايأكد انه شيفروليه رغم انه موتور صيني 100%.. من الآخر اللعبة دي مش من التوكيلات بس دي من الشركة الام نفسها
وللعلم شركة شيفروليه لها 44% فقط من الاسهم و50.1% مملوك لشركة SAIC الصينية برضه يعني شيفروليه مالهاش قرارات سيادية فيها اساسا. علي عكس Dacia مثلا المملوكة بالكامل ل Renault

للزيادة وتاكيد ان العربية صيني 100%
GM to sell Chinese Wuling vans as Chevrolets in India | CarNewsChina.com - China Auto News

اقتباس:

---

المشاركة الأصلية كتبت بواسطة eng.salama93

منصور لما أعلن عنها قال ان أسمها n200 ال n300 دي اللي أكبر منها شوية و اعرض
بس فعلا العربية دي أحسن من السوزوكي ف المشي و التقفيل و الجودة و أحسن من كل الصيني عن تجربة

---

اسمها n200 في امريكا الجنوبية والشرق الاوسط وشمال افريقيا.. وn300في اندونيسيا

في غلط في الموضوع
العربيه اللي عليها الكلام غير الشيفروليه الصيني اللي بيبعها منصور

اقتباس:

---

المشاركة الأصلية كتبت بواسطة hugan

في غلط في الموضوع
العربيه اللي عليها الكلام غير الشيفروليه الصيني اللي بيبعها منصور

---

هي نفس العربية اللي بتشيل 8 شعبولا

اقتباس:

---

المشاركة الأصلية كتبت بواسطة crayvor

هي نفس العربية اللي بتشيل 8 شعبولا

---

ايوه تمام
نفس الكلام علي الدبابه
مش شيفورليه
ايسوزو
ومنصور بيحط عليها علامه الشيفروليه

يا جماعة شيفروليه مش غشاش ولا حاجة
انا روحت التوكيل اللي في جامعة الدول واتفرجت وسالت عليها بصراحة هي اجمل واوسع من السوزوكي بمراحل وكمان في السحب والعزم بس هي استهلاكها اعلى شوية في البنزين عن السوزوكي
المهم سالت المندوب بالتوكيل قالي هي بالفعل مكونات صيني بالكامل وتجميع مصرى ولغاية وقتنا انا مشوفتش حد اشتكى منها وقطع غيارها موجودة بالتوفيقية

ايوه هى فعلا صينى وحاطط علامه شيفورليه علشان تتباع فى نوع n200 والتانيه n300 بس انا اول مره اعرف ان فى ناس متعرفش انها صينى هى جايز تكون احسن من السوزوكى فى الشكل والمشى بس الاعتماديه معتقدش

اقتباس:

---

المشاركة الأصلية كتبت بواسطة ganash

ايوه هى فعلا صينى وحاطط علامه شيفورليه علشان تتباع فى نوع n200 والتانيه n300 بس انا اول مره اعرف ان فى ناس متعرفش انها صينى هى جايز تكون احسن من السوزوكى فى الشكل والمشى بس الاعتماديه معتقدش

---

لما قريت في المنتديات لقيت ناس كتير جدا بتحسب انها شيفروليه بجد وده اللي الشركة معتمده عليه... بدليل انه حتي مش كاتب كلمة عن بلد المنشا او التجميع في صفحة العربية كلها كأنه تعتيم متعمد.. قلت انوه عن الموضوع عشان حرام واحد شقيان وحاطط اللي وراه واللي قدامه ف عربية مش عارف اصلها ايه اساسا

اقتباس:

---

المشاركة الأصلية كتبت بواسطة amrokhafagy

منضور ممكن يعمل اي حاجة بدليل الميكروباص 28 راكب اللى شبه النعش الطائر عليه علامة سيفروليه

---

مستحيل يا باشا .. هية شيفورلية دي شركة صغيرة عشان يتعمل معاها كدة و يسكتو .. علي كدة بقي انا اشتري 100 الف لاب توب علية علامة ديل ب 3000 جنية و اشيل العلامة و احط ابل و ابيعة علي الاساس دة ب 10000 جنية و محدش هياخد بالة ولا ابل هتعرف ويتعملي قضية غش تجاري

اقتباس:

---

المشاركة الأصلية كتبت بواسطة hugan

ايوه تمام
نفس الكلام علي الدبابه
مش شيفورليه
ايسوزو
ومنصور بيحط عليها علامه الشيفروليه

---

ازاااااااااااااااااااااي :oh:

ياجماعة متنسوش ان فى مصنع ل جنرال موتورز فى الصين وله منتجات كتير جدا وممكن العربية دى تكون بتنزل فى الصين باسم وبتيجى الشرق الاوسط باسم تانى دى حاجه عادية ياجماعة لو جينا شوفنا الافيو مثلا هنلاقيها فى استراليا باسم بارينا وعلامة هولدن holden barina وفى الصين باسم لوفا علامة شيفروليه chevy lovaوفى كندا pontiac wave g3 وفى كورياdaewoo gentra وفى روسيا zaz vidaوباقى انحاء العالم وبما فيها امريكا chevrolet aveo المقصد من الموصوع ان شركة جنرال موتورز ليها مصانع كتير حول العالم وممكن تغير اسم العربية والماركة حسب التسويق التجارى للسيارة لو عملتوا بحث عن مثلا الاوبل فيكترا هتلاقوا منها بعلامة شيفروليه واسمها فيكترا بردوا

اقتباس:

---

المشاركة الأصلية كتبت بواسطة eng_sherif_00

ياجماعة متنسوش ان فى مصنع ل جنرال موتورز فى الصين وله منتجات كتير جدا وممكن العربية دى تكون بتنزل فى الصين باسم وبتيجى الشرق الاوسط باسم تانى دى حاجه عادية ياجماعة لو جينا شوفنا الافيو مثلا هنلاقيها فى استراليا باسم بارينا وعلامة هولدن holden barina وفى الصين باسم لوفا علامة شيفروليه chevy lovaوفى كندا pontiac wave g3 وفى كورياdaewoo gentra وفى روسيا zaz vidaوباقى انحاء العالم وبما فيها امريكا chevrolet aveo المقصد من الموصوع ان شركة جنرال موتورز ليها مصانع كتير حول العالم وممكن تغير اسم العربية والماركة حسب التسويق التجارى للسيارة لو عملتوا بحث عن مثلا الاوبل فيكترا هتلاقوا منها بعلامة شيفروليه واسمها فيكترا بردوا

---

الافيو والاوبترا والكروز دايو اساسا والافيو لو حد طالعلها من اللانوس حيلاقي اماكن كل حاجة هي هي حتي زرار الشنطة والتانك (غير بعد كدة زرار الشنطة ف 2013) وباختصار
افيو تحديث لانوس
الاوبترا هي النوبيرا
الكروز هي الليجانزا
ولو مش مصدق افتح الويكيبيديا :)

بس ده كان مصنع تم بيعه بالكامل لشيفروليه فا فيه رقابة عليه من شيفروليه.. انما اللي بنتكلم عليه ده شيفروليه تملك اقل من 50% بينما شركة صينية تملك 50.1% يعني الراي رايها والشورة شورتها وشيفروليه مالهاش غير الاقتراح فقط

بس العربية منتشرة وناس كتير بتشكر فيها و بتفضلها عن السوزوكي .....
حد عارف سعرها كام ؟ و كمالياتها ايه ؟

اقتباس:

---

المشاركة الأصلية كتبت بواسطة mazagangee

بس العربية منتشرة وناس كتير بتشكر فيها و بتفضلها عن السوزوكي .....
حد عارف سعرها كام ؟ و كمالياتها ايه ؟

---

السعر تقريبا 65 الف والكماليات حلوة تكييف موتور 1300 باور سنتر لوك

اقتباس:

---

المشاركة الأصلية كتبت بواسطة omaranes77

السعر تقريبا 65 الف والكماليات حلوة تكييف موتور 1300 باور سنتر لوك

---

ده سعر كويس قوي.... انا بشوفها دايما ملاكي ...
طيب اخبار الثبات و السرعه ايه ؟

اقتباس:

---

المشاركة الأصلية كتبت بواسطة mazagangee

ده سعر كويس قوي.... انا بشوفها دايما ملاكي ...
طيب اخبار الثبات و السرعه ايه ؟

---

الحقيقة هيا مع واحد صاحبي مزبتها اوي ومركبلها جنوط فاثباتها جيد جدا بس احلي كتير من السوزوكي وسرعة حلوة لانو عالطول بيحرق وكدة بس هيا عربية كويسة بس اكييد غليت دلوقت لان الكلام دة من سنة

والله العظيم انا ركبت السوزكي
ولاتساوي 30 الف حتي
عربيه مافيهاش اي حاجه فاضيه كلها بلاستيك
ولا تكييف ولا باور ولااتساع وولا ثبات
الشيفروليه او اياكانت افضل منها الف مره

اقتباس:

---

المشاركة الأصلية كتبت بواسطة hugan

والله العظيم انا ركبت السوزكي
ولاتساوي 30 الف حتي
عربيه مافيهاش اي حاجه فاضيه كلها بلاستيك
ولا تكييف ولا باور ولااتساع وولا ثبات
الشيفروليه او اياكانت افضل منها الف مره

---

مش عارف ازاي ب 50 الف هاموت واعرف فيها اية العربية مغليها دا انا لوجمعتها من الحرفيين هاتقوف عليا باقل من كدة

اقتباس:

---

المشاركة الأصلية كتبت بواسطة omaranes77

مش عارف ازاي ب 50 الف هاموت واعرف فيها اية العربية مغليها دا انا لوجمعتها من الحرفيين هاتقوف عليا باقل من كدة

---

السوزوكي ب60 الف

اقتباس:

---

المشاركة الأصلية كتبت بواسطة hugan

السوزوكي ب60 الف

---

هههههههههههههههههه كمان

السوزوكى ب 65 الف دلوقت زيها زى معظم العربيات فى مصر غالى على الفاضى

للاسف عرفت سعر ال n300 ويارتني ما عرفت!!!!!!!!!؟؟؟؟؟؟؟؟؟؟؟
84000 الف !

اقتباس:

---

المشاركة الأصلية كتبت بواسطة omaranes77

للاسف عرفت سعر ال n300 ويارتني ما عرفت!!!!!!!!!؟؟؟؟؟؟؟؟؟؟؟
84000 الف !

---

ﻷ انا عرفت اكتر منك شوية :)
سألت علي قطع الغيار والفانوس الامامي ب 550.. بصراحة قلت كفاية مش حاسأل علي حاجة تاني!
طب بالذمة يعني اي حد فيه ذرة عقل يلم شوية كمان ويجيب اللوجان ال 7 راكب والله برقبتها

اقتباس:

---

المشاركة الأصلية كتبت بواسطة crayvor

ﻷ انا عرفت اكتر منك شوية :)
سألت علي قطع الغيار والفانوس الامامي ب 550.. بصراحة قلت كفاية مش حاسأل علي حاجة تاني!
طب بالذمة يعني اي حد فيه ذرة عقل يلم شوية كمان ويجيب اللوجان ال 7 راكب والله برقبتها

---

ههههه حضرتك سمعت بكام

طيب ايه البديل للعربيات دى ؟؟ لو دايهاتسو تنزل العربيه الركاب زى بتاع البضايع تبقى كويسه جدا بكام سعر التويوتا افانزا ؟

هو صعب لكن كل شئ ممكن
عموما السوزوكي جميلة ينقصها التكيف

انا شايف ان العربية دي كويسة ومحدش اشتكی منها وبالنسبة للفانوس لو ده سعر الاصلي في التوكيل فيعتبر كويس وعادي
الجوكر ميزتها عن السوزوكي في الاتساع والتكييف والثبات

طب و الدايهاتسو جران ماكس؟
شكلها احسن بس سعرها كام

دايهاتسو منزلش منها ركاب الموجود بضاعة بس يعني مينفعش ملاكي و مفيش زجاج خلفي او جانبي و مفيش تكييف خلفي