سلام عليكم جميعاً
ممكن أعرف ال kia بيكانتو (الأتوماتيك) المتاحه في السوق و الفروق بينهم ؟؟
و الأسعار؟
عرض للطباعة
سلام عليكم جميعاً
ممكن أعرف ال kia بيكانتو (الأتوماتيك) المتاحه في السوق و الفروق بينهم ؟؟
و الأسعار؟
البيكانتو الأوتوماتيك :
1) التوكيل :
اول فئة : بتنزل ب جنط 14 و طاسة , مفيهاش فوج امامى , 2 زجاج كهرباء امامى , كاسيت سى دى و يو اس بى العادى , مرايات الجانب يدوى, مفيهاش اير باج , مفيهاش abs , فيها سنتر لوك بس بالمفتاح يعنى مفيهاش ريموت , فيها اموبيلايزر بيشتغل على مفتاح العربية. دى بالتوكيل عاملة 95000 و فيه منها موديل 2013 تصفية بتتباع بالتوكيل ب 91000 . و هى هى نفس العربية مفيهاش أى فرق بين 2013 و 2014 .. أه 2014 بالحجز شهرين على الأقل .. كمية ال 2013 بتاع 15 عربية .
ثانى فئة توكيل ( هاى لاين) : بنتزل ب جنوط 15 , فوج امامى , مقابض الباب نواكل , 4 زجاج كهرباء , مرايات كهرباء , كاسيت نفس الفئة الأولى بس تقريبا فيه تحكم من الطارة , 2 اير باج , abs , ريموت كونترول اللى هو مفتاح ضم , طارة دركسيون جلد , كرسى السائق بيتعدل ارتفاعه عكس الفئة الأولى. التوكيل كان بيبيع 2013 ب 97000 غالبا 2014 هتكون 99000 و بالحجز برضه.
2) الخليجى: طبعا من غير ضمان
الفئة الأولى منه هى الهاى لاين بتاعة الوكيل بس بيزيد عليها : مرايات الجوانب كهرباء و ضم كهرباء . دى عاملة 93500 بس اوتو سمير ريان كان عامل عرض عليها و كانت ب 92500 من شهر.
الفئة الثانية : التوب لاين : و دي بتزيد عن الهاى لاين ب : جنوط 15 ب 2 لون , مصابيح امامية عدسات , مصابيح خلفية ليدات , زجاج خلفى فاميه , سبويلار خلفى بلمبة استوب , كاسيت اللى بينزل فالبرشور بتاع العربية اللى بيكون شكله بيضاوى و بشاشة صغيرة للبيانات , تكيف ديجيتال اوتوماتيك , فرش جلد نبيتى , و تقريبا زيادة فى عدد الايرباج , عصاية الفتيس فيها نيكل, فتحة سقف . دى كانت عاملة 102000 عند اوتو سمير ريان من شهر .
بس نصيحة لوجه الله خليك فالتوكيل اضمن . و عن تجارب ناس شوفتها و قريت مواضيع لها .
عيبها لو قعدت مرتاح قدام ال راكب وراك مش هيعرف يركب خليك فى الريو اكبر منها
تعديل
اول فئة وكيل مفهاش سنتر
الفول اوبشن وكيل جنوط 14 , وتقريبا مفهاش مقابض نيكل ومفهاش مالتى فانكشن ومفيش ايرباج ولا abs ولا طارة الدريكسيون جلد
بالنسبة للخليجى الهاى لاين فالمواصفات اللى انت كاتبها دى كانت بتنزل فى فئة توب لاين وكيل ومبقتش بتنزل دلوقتى
الهاى لاين الخليجى اللى موجودة جنوط 14 شكل مختلف عن الباقى وكساحات وفرش ابواب وطاره وفتيس جلد والكراسى جلد نبيتى والكاسيت الاصلى بتاعها وبلوتوث ومالتى فانكشن واوتو لايت ومفيش كشافات عدسات ولا ليد امامى وخلفى ولا تكييف ديجيتال ولا ايرباج ولا abs ولا لمبة ستوب فى السبويلر
مع احترامى ليك يا استاذ احمد :
انا معايا الوكيل اول فئة اوتوماتيك و لسه مشتريها من 3 اسابيع و فيها سنتر لوك بالمفتاح مش ريموت .
ثانى فئة وكيل انا شفتها و ركبتها و انا بشترى و مكتوب فالبرشور بتاعها المواصفات اللى انا قايلها كميكانيكا !! يا اما التوكيل بينصب بقى ..
بالنسبة للخليجى انا قايل المواصفات اللى سمير ريان كان مديهالى من شهر و انا بتفرج قبل ما اشترى. ممكن يكون بيقولى كده علشان يغرينى بيها .
بس فالأخر استقريت على التوكيل علشان الضمان.
موضوع السنتر ده اللى سمعته من المندوبين وانا بشترى وده من الحاجات اللى خلتنى اصرف نظر عنها وبعدين جبت البروشور بتاع التوكيل علشان اشوف المواصفات بالظبط واقارن بين الفئة دى والفول اوبشن
لما استقريت على الفول اوبشن قعدت الف علشان اتفرج عليها على الطبيعة مكنتش لاقيها فاكلمت التوكيل قالولى مش موجودة وبالحجز ومش عارف تستنى كام شهر فا بتأكد منهم من المواصفات قالولى على حاجات مش موجودة بقولهم ازاى اذا كان البروشور بتاعكم اللى جايبه من الفرع بتاعكم بيقول عكس الكلام ده قالولى اصل طباعة قديمة وشوية كلام اهبل كنت هشتمهم وده اللى خلانى اصرف نظر عن الوكيل كله وجبت خليجى
اللى عند سمير انا شوفتها ومعايا الهاىلاين بس مش من عند سمير والاتنين نفس المواصفات
عموما الخليجى ممكن تلاقى فيه مواصفات مختلفة الدور والباقى على التوكيل اللى مش دريان بيبيع ايه