نيسان صنى

**qpic29** · 27-09-2008 05:13 AM

نيسان صنى ليست يابانى انما سنغافورى
اى بحث فى موقع نيسان اليابانى لا يوجد الموديل صنى
انما عند البحث فى نيسان سنغافورة سوف تجد الموديل صنى و الموديل
صنى يوجد فقط فى سنغافورة
http://www.nissan.com.sg/lookfor/sunny/sunny_home.cfm
http://www.nissan.co.jp/EN/lineup.html

**mahamedaraby** · 27-09-2008 05:26 AM

للاسف المعلومات مش صحيح مش معنى انها مش موجود فى موقع اليابان انها مش يابانى

طيب ما هى موجوده فى دول الخليج تبقى هى خليجى

واللى موجوده اللى فى مصر دى موتور وعفشه يابانى و الباقى بنسبه 40% مكونات محليه الصنع

**sNIPER_007** · 27-09-2008 06:48 AM

متشكرين اوي علي المعلومه الغلط!

**amir** · 27-09-2008 07:58 AM

المشاركة الأصلية كتبت بواسطة qpic29

نيسان صنى ليست يابانى انما سنغافورى
اى بحث فى موقع نيسان اليابانى لا يوجد الموديل صنى
انما عند البحث فى نيسان سنغافورة سوف تجد الموديل صنى و الموديل
صنى يوجد فقط فى سنغافورة
http://www.nissan.com.sg/lookfor/sunny/sunny_home.cfm
http://www.nissan.co.jp/EN/lineup.html

سبحان الله عليك يا اخي انا لسه شايف اسمك ده تقريبا باليل في خانه مرحبا بالعضو الجديد, انت لحقت تعمل اشتراك علشان تنزل بمعلومات مغلوطه علينا كده؟!!!!!!!!!!!

**sab3aawy** · 05-10-2008 02:30 PM

صنى توقف تصنيعها فى اليابان من 2004 مع بقاء تصنيع مكوناتها فى اليابان ونقل تجميع السيارة لعدة دول اخرى

السيارة المباعة تحت اسم صنى فى مصر مجمعة محليا فى مصر وومكوناتها الأساسية (شاسيه ، محرك، آلات جر، الصاج الخارجى كله، الصالون كله ما عدا الموكيت وتنجيد الكراسى، الفوانيس والاطارات) كلها مصنعة فى اليابان
السيارة المباعة فى الخليج والتى يختلف شكلها قليلا مجمعة فى كوريا بمكونات كورية ويابانية، كما يتم تجميع موديل N16 (ألذى يباع عندنا باسم صنى) فى عدة دول اخرى مثل سنجابور واستراليا للبيع فى انحاء العالم باسماء مختلفة، مثل سنترا وألميرا وبالسار

مرحبا بالعضو الجديد

**aadiab** · 05-10-2008 04:06 PM

طيب انا ممكن اسأل سؤال
دلوقتي انا معايا نيسان صني موديل 2006 والافراج الجمركي معايا بيقول انها جايه من اليابان وبلد المنشاء اليابان
يبقي ازاي الكلام ده
اللي خلاني صراحه اسأل اني متابع تقريبا كل مشاركات مهندس سبعاوي وكل مشاركاته صراحه استفدت منها فأنه يقول انها اخر موديل تم تصنيعه في اليابان كان في 2004 يبقي كده لازم اعرف عربيتي جايه منين
ولا اليابان بتستورده من سنغافورا وبعدين تصدرها لمصر .....تبقي حاجه غريبه ؟؟بس ممكن؟وليه؟
شكرا ليك كتير يا باشمهندس سبعاوي ويديك الصحه وكل سنه وانت طيب

**ayman** · 07-10-2008 04:06 PM

استاذ سبعاوى الشكل القديم مازال ينتج فى اليابان ويباع فى دبىموديل 2008 تحت مسمى صنى كلاسك وهو نفس الشكل الموجود فى مصر بالضبط بس الكماليات فقط بور استرنج ومرايات كهرباء والجير اتوماتيك والكلام ده صحيح لانه فى دبى لايوجد غش وثانيا عند الحصول على ملكيه السياره من المرور يكتب فيها انها مصنوعه فى اليابان وكذلك يوجد الشكل الجديد وهو مصنوع فى كوريا وفيه جميع الكماليات

**sab3aawy** · 08-10-2008 04:10 PM

يبدو ان ليكم حق لأن انا اكتشفت ان نيسان بتستخدم اسماء مختلفة لنفس الموديل واحيانا بتستخدم نفس الأسم لموديلات مختلفة

لأنى اكتشفت ان ما نعرفه نحن فى منطقة الشرق الأوسط باسم صنى والتى طرحت بعد عام 2000 هو ورييث الموديل الذى عرف فى انحاء كثيرة من العالم باسم بالسار

الصنى القديمة حتى موديل 99 كانت مبنية على مجموعة الشاسيهات نيسان B من اول B10 و B20 فى السبعينات وحتى B12 و B13و B14 و B15 (الموديل B14 هو الصنى موديلات 97 لحد 99 والموجود عدد منها فى مصر)

لكن الصنى الموجودة حاليا لدينا هى وريثة النيسان بالسار القديمة وقد تم تسميتها صنى واحلالها مكان الصنى التى كانت تباع فى منطقتنا حتى عام 2000 وهى وريثة مجموعة شاسيهات نيسان N

حيث تم بيع السيارة البالسار N13 تحت اسم صنى فى اوروبا منذ عام 1987 ثم بدأ بيع الموديلات التالياة لها تحت اسم صنى وألميرا وسنترا فى انحاء كثيرة من العالم، والصنى الموجودة لدينا حاليا هى الجيل N13

وبالتالى فما توقف انتاجه فى اليابان عام 2004 هو الصنى B15 وليس الصنى N16 الموجودة لدينا ، مما يجعل معلوماتكم فى هذا الصدد صحيحة

للمزيد:

ده تاريح النيسان صنى، وفيه توضيح لموضوع استعمال اسم الصنى على الموديل بالسار فى الموديلات الحديثة

http://en.wikipedia.org/wiki/Nissan_Sunny

وده تاريخ البالسار وهنلاقى ان احدث موديل منها (صورته فى آخر الصفحة) هو الN16 اللى بيتباع عندنا باسم الصنى

http://en.wikipedia.org/wiki/Nissan_Pulsar