تقرير ممتاز تسلم إيدك...
عرض للطباعة
تقرير ممتاز تسلم إيدك...
موضوع جميل ومجهود كبير ..
تسلم يا باشا ..
موضوع جامد يا ميدو
توكيل للاسف ماعرفش يتعامل مع السوق المصرى لان محدش هيدفع فلوس زى دى فعربيه صنى
انا من يومين كنت عند اباظه اللى في الطيران وشوفت عنده ال mg3 cross والصراحه كنت اول مره افتح ال ام جي من جوه واقعد فيها واشوف خاماتها وتقفيل والصراحه ( انبهرت ) العربيه دى احلي من عربيات كوري كتيير وانا بفكر فيها جديا هي او ال 350 وخصوصا انهم سعر واحد وعليهم خصم 5 الاف وانا مش من النوع اللى ببص دى صينى ولا كوري .. هي اه سعرها كتير بس في النهايه تستحق ولا لا .. مينفعش اقول لا مش هدفع الفلوس دى في صينى ادفعها في كوري واروح اجيب كوري اقل منها عشان بس الاسم
اغلب العربيات دلوقتى بتتقفل في الصين المهم الجوده
في سؤال بقا هنا : حد جرب التوكيل ؟؟ وهل هو فعلا بتاع كومودو ولا زى ما سمعنا انه جابه المدير اللى ماسك كومودو والموضوع لا يتعدى شخص في الاداره ويمكن يكون مشي ؟؟
ورايك بقا في ال 350 وخصوصا ان بصراحه محدش كاتب عنها هنا تقرير حلو كده يرضي الواحد ههههههه
تحياتي لميدو صاحب الموضوع على مجهوده :)
تحياتي لحضرتك و منور الموضوع ..
موفق في الشراء باذن الله و ال mg ماركة محترمة جدا و تتفوق علي كوري كتير بس عيب العربية ان سعرها زايد شوية وبيدخلها في منافسة معا عربيات تانية الناس بتشتريها عشان اسمها و طبعا ناس كتير بتخاف تدفع مبلغ كبير في عربية صيني + ان التوكيل مش مساعد علي انتشار العربية يعني لا في اعلانات و لا دعايا ولا انتشار مراكز خدمة ولا موزعين معتمدين بالشكل الكافي وكل الاسباب دي مخلية انتشار العربية ضعيف واي حد بيفكر يشتريها منهم انا كنت بفكر فيها يعيد التفكير مليون مرة عشان قطع الغيار و اعادة البيع
بالنسبه لمراكز الخدمه فهي ليها 4 مراكز خدمه في القاهره بس غير باقي المحافظات في الوجه البحري والدلتا والسويس والغردقه وده اعتقد انه كافي جداا لان في شركات كتير معندهاش غير مركز واحد او 2 في القاهره بس وموزعينها انا شايفهم مش قليلين زى المصريه واباظه والليثي واتو ماجد وغيرهم
بخصوص اعاده البيع ف انا مبحبش اشتري العربيه على اساس هبيعها بكام لا انا بحب اشتريها على اساس محترمه وتستحق وعجباني ولا لا لانى مش من هواة تغيير العربيات والدليل انى جيبت ال frv ايام ما كانت لسه مش معروفه ووقتها كان بتمنها مصر كلها جايبه اكسنت وتيجو وفي النهايه مندمتش ابدا والحمد لله الكل عارف بريليانس بقت ايه
السوق المصري للاسف مش مقياس ابداا لان العربيات الرائعه زى سوبارو وفورد وفولفو وستروين واودي ملهمش سوق في مصر بخلاف العالم كله وعربيات تانيه متستحقش نص سعرها في مصر منتشره زى الدبان وعشان كده انا مبختارش على اساس اللى ماشي في السوق ابدا وبحكم انى محاسب في غبور ف عارف ان غبور بيبيع للناس الهوا في اكياس
مره تانيه شاكر لحضرتك الموضوع الرائع وربنا يوفقنى في الاختيار ويكرمنا جميعا باذن الله :)