مشكلة في أكسنت 99

**didolazizo** · 04-02-2014 07:58 PM

السلام عليكم
اشتريت من فترة عربية هيونداي اكسنت 99 حالتها جيدة ولكن فيها مشكلة و الميكانيكية عايزين يكبرو الموضوع علشان يدفعوني فلوس

المفروض ان العربية بتاخد 3 كيلو زيت بدون تغيير الفلتر و 3ونص كيلو مع تغيير الفلتر المهم ان دايما مقاس الزيت يطلع اعلى من العلامة بالرغم من ان كل الميكانيكية بيقولو ان العربية بتاخد المقاس اللي قلت عليه

طبعا زيادة الزيت دي بتخلي الزيت الزيادة يتحرق و يطلع على البوجيهات و بالتالي بعد فترة البوجيهات مبتشتغلش و العربية متدورش و لازم اغير بوجيه او اتنين علشان العربية تشتغل

ممكن حد ييجي يقول ان العربية بتاكل زيت اقوله ان لما الزيت الزيادة يتحرق و توصل للعلامة الأساسية الزيت مابيقلش مللي واحد لحد مييجي معاد ما بغير الزيت

معلومة كمان قالولي اشتغل بالزيت 5000 الاف تعب العربية جدا و بعديه لما غيرت للزيت 1000 زي ما صاحب العربية القديم قاللي بقت كويسة

ناس تانية قالتلي ان ممكن مقاس الزيت مش بتاع العربية فقولتيلهم طيب ليه لما الزيت ينزل لعلامة full بيثبت عليه مهو لو مش بتاعه مكانش ثبت عليه

ناس تانية قالتلي ان بدل ما احط 3 كيلو في الغيار احط 2.5 كيلو بس انا اعرف ان مفيش عربية بتاخد غيار اقل من 3 كيلو

على فكرة انا مبفهمش اد كدة في الصيانة فياريت تفيدوني وتقولولي اعمل ايه
[/size][/size]

**exact** · 04-02-2014 09:16 PM

بص يا كبير... في البداية... حضرتك اما بتغير زيت المفروض انك بتحط زيت على المقياس مش بالحجم...المفروض تحط زيتك وتظبطه عالمقاس... وتروح مشوار وترجع وتبيت العربية وتاني يوم تبص عالمقاس اذا كانت عايزة تزويد زود... ثانيا من معلوماتي المحدودة... العربية بتاعك لو سليمة تاخد اي زيت... زيت ال 1000 ما بينقصش لأنه ما بيلحقش انما الطبيعي بتاعها تاخد زيت 10000 كمان

**didolazizo** · 04-02-2014 09:26 PM

شكرا على الرد السريع بس فيه حاجة العربية لما حطيت فيها زيت ال 5000 كان بينقص بطريقة غرية يعني مشوار 300 كيلو كان بينزل ربع مقاس الزيت تقريبا انما مع زيت ال 1000 عملت اكتر من 700 كيلو على فترات و منزلش منه اي حاجة

**moe gawad** · 04-02-2014 09:49 PM

ممكن اسال حضرتك سؤال. هو حضرتك بتنزل الزيت عن طريق الشفط. ولا من الطبه المختصه بتنزيل الزيت

**didolazizo** · 04-02-2014 09:57 PM

ﻻ يافندم عن طريق الطبة انا بوديها لواحد متخصص بيحط العربية على البيارة و يفضيها و هي لسة سخنة

**moe gawad** · 04-02-2014 10:00 PM

طيب جربت تفك الكرتيره نفسها و تنظفها كويس

**didolazizo** · 04-02-2014 10:04 PM

ان شاء الله ابلغ الفني الموضوع دة علشان انا مش اد كدة في الصيانة
بس حضرتك شايف ان دي المشكلة فعلا وﻻ ممكن يكون فيه حاجة تانية

**moe gawad** · 04-02-2014 10:41 PM

ده احتمال من الاحتمالات. نظف الكرتيره. و غير الفلتر. و انشاء الله الدنيا هاتتظبط

**moe gawad** · 04-02-2014 10:48 PM

و انت عربيتك بتاخد 3 ك وربع بتغيير الفلتر. و 2.8 ك بدون فلتر . اتفقنا.
و زى ما الناس تفضلو مشكوريين وقالو الزيت بيتظبط على المقاس. يعنى الكميه ماتهمكش. شوف هايظبط على اد ايه على المقاس