الموضوع: سؤال محيرني في موقع دوبيزل

المشاركة الأصلية كتبت بواسطة أبو آسر

بالعكس
شبكة جوجل أكبر شبكة إعلانية في العالم ويتعامل معها ملايين المعلنين وده بيدي تنوع في الإعلانات وده بيخلي الإعلانات متجددة وبيظهر فيها كل شيء وأكيد انت كزائر هتلاقي ما يشدك ويجذبك وبالتالي هيبقى في نقرات كتير جدا ثم أرباح على عكس ما تتعامل انت مع المعلنين بنفسك - فبغض النظر عن وجع الدماغ انت في أدسنس زي الباشا بتحط الكود وكل شهر بتروح تاخد فلوسك على الجاهز - ده غير إن الإعلانات نفسها هتكون محدودة وعدد المعلنين محدود برده مش بحجم معلني جوجل
وعلى فكرة هما ممكن يجمعوا بين الأمرين برده مفيش مشكلة خالص والدليل إن زي ما في الصورة اللي أرفقتها مكتوب تحت بخط صغير "اعلن هنا" وده معناه إنهم شغالين برده إعلانات شخصية لمعلنين بيتعاملوا معهم مباشرة مفيش مشكلة لكن أكيد هتكون التكلفة عالية علشان ينقوا ناس معينة وإعلانات معينة زي كبرى المواقع كده كاليوم السابع مثلا شغال أدسنس وفي نفس الوقت توجد إعلانات أخرى لمعلنين تانيين بيتعاملوا معهم مباشرة
بخصوص تطابق الإعلانات مع محتوى الصفحة فبالعكس جوجل بتعتمد على حاجتين في إظهار الإعلانات لكل زائر: محتوى الموقع واهتمامات الزائر نفسه ، يعني لو زائر بيدور على موبايل نوكيا يشتريه مثلا وفتح دوبيزل هتلاقي إعلان أدسنس ممكن يكون إعلان شركة نوكيا ، أو لو زائر فاتح صفحة سيارات مثلا هتلاقي الإعلان ممكن يكون إعلان لغبور مثلا بيعلن عن إمجراند وهكذا
وعلى فكرة إعلان الشعر مش في قسم العقارات :) ده في الصفحة الرئيسية بتاعة الأقسام
أخيرا الناس دي مش سهلة ومش بتلعب وأكيد دارسة الموضوع ده كويس جدا وعارفين إيه أفضل وسيلة يربحوا من خلالها وجوجل بيدي امتيازات خاصة للمعلنين الكبار اللي زي دول منها إن نسبتهم في الأرباح بتكون أكتر من التلتين وبيشاركوا جوجل نفسها في نسبتهم اللي هي التلت !
حسابات أدسنس المميزة - الخطة..أدسنس

اللي أقصده اني في الموقع ده ولا محتاج معلنين ولا شركه اعلانات. أنا اقبض من الزائر (الزبون) مباشره فيدفعلي مقابل انه يبقى اعلانه مميز بأي طريقه من اللي سبق شرحهم انما ادسنس حلو لو الموقع بيعتمد على المحتوى اللي بيقدم معلومات واللي الزائر ليها مش مضطر يدفعلي فلوس فاعتراضي مش على أدسنس نفسه ولكن على اني استخدم وسيله الربح المناسبه لمحتوى الموقع.

الهدف الاول والاخير لدوبيزل وكل المواقع الشبيهه له ان الزائر يتصل بصاحب الاعلان ولازم الموقع يحافظ على الهدف ده عشان يعيش وأي استراتيجيه ربح من خلال الموقع لازم متتعارضش مع الهدف ده لأن لو عملت اعلان في دوبيزل واتشاف مليون مره بس مفيش حد اتصل بيا يشتري حاجتي أو حتى يستفسر عنها يبقى الاعلان محققش الهدف منه وهشوف موقع تاني مماثل يحققلي الهدف ده.