الموضوع: الحمد لله _ السواقة مالهاش كبير

الف حمداً لله على سلامتك و صاحبك

ودرس اكيد كله استفاد منه

الف حمدا لله على السلامة

الحمد لله ان انت وصاحبك بخير وان شاء الله ربنا يعوض عليك فى خساير العربية وفعلا السواقة ملهاش كبير.

فعلا زي مانتا قولت السواقة مالهاش كبير .و في بلد زي مصر انتا معرض تعمل حادثة لو ماشي على 200 ولو ماشي على 40
وحمدا لله على السلامة

الحدسة دى فعلا كانت على الكونيش فى معادى والعربية حاليا عند نقطة دار السلام اللى قبل الكبرى و انا متشكر جداااا جداااا على اهتمامكوا بالموضوع وعلى دعاوتكوا ليا انا وصاحبى بس انا نسيت اقول على حاجة مهمة جدااااا
العربية طبعا زى مانتوا شايفين وكمان التبلوه من جوه اتخلع من مكانه و اول مما خبط فى الميكروباص الخبطة كلها طبعا جت فى صدرى ووشى ضرب فى البربريس فانفسى اتقطع خالص ونزلت اتبدب فى الارض علشان اتنفس والحمد لله رجعت كل اللى فى بطنى واتنفست وبعديها رجعت تانى وبعد كداا بقت عادى الحمد لله الكلام دا خد خمس دقايق بضبط صحبى طبعا الناس طلعته وهوا ملياااان دم ومش شايف حاجة فا فى واحد دفعه قالى لو معاك تليفون اتصل بالاسعاف واول ما رجعت للعربية لاقيت التليفون بتاعى 6680 وال امبى ثرى مش موجودين قمت جايب تليفون تانى من واحد واقف واتصلت بتليفونى لاقيته مقفول تخليوا يعنى فى خمس دقايق الواحد كان بيموت ورجع للحياة تانى ونفس الخمس دقايق كان فى واحد بيقلب العربية شئ غير عادى انا مش مدايق علشان التليفون انا مدايق ان الواحد كان بيموت قدام الناس والناس ملهاش دعوة وكمان بتسرقه. انا مش عارف اقول ايه بس الحمد لله اننا كويسين والواحد مش بيتعلم ببلاش.