الى كل خبراء التعديل وفلتر الهواء الاسبور

**mazgangy** · 27-09-2008 05:43 AM

دلوقتى انا دخلت على موقع k&n

وعملت سيرش على نوع وماركه السياره والموديل والموتور والكلام ده كله وطلعلى 2 فيلتر واحد بماسوره ومعاه اكواع وحاجات كده وشكله دائرى او بيضاوى وكمان واحد تانى شبه الاصلى بتاعه بالظبط بس اختلاف اللون فانا شايف ان اللى شكله مربع وشبه بتاع الفبريكه بالظبط احسن بالنسبه لى فالسوال بقى كنت عاوز اعرف ده بيدى نفس اداء وصوت البيضاوى او الدائرى ده اللى معاه مواصير وحاجت؟؟؟؟
والاتنين يفرقوا فى ايه عن بعض؟؟ وكمان مين فى القاهره ممكن الاقى عنده الفلتر الاسبور المربع اللى زى الاصلى بتاعها بالظبط ولو مش موجود عند حد هنا اقدر اجيبه من موقع اسمه الامزون؟؟؟ بصراحه انا سمعت عنه لكن مش اتعملت ولو موجود يا ريت اعرف تفاصيل الشراء والخطوات بتاعت الشراء من الموقع ده ولكم جزيل الشكر ومعلش رغيت كتير وصدعتكم

**dieseldash** · 27-09-2008 05:41 PM

على فكرة موقع امازون مش بيوصل مشتريات الى مصر -

**MMamdouh** · 28-09-2008 02:36 PM

الفلتر اللى زى الاصلى دة اسمة OEM replacment و بيدى اداء احسن من الفلتر الاصلى بس مش زى البيضاوى

شوف عند عادل وجدى او ابعت لزميلنا ايمن momo10000 يجيبهولك

MMamdouh

**MMamdouh** · 28-09-2008 05:47 PM

مومو له معارف برة ووالدة عندة شركة استيراد و بالتالى بيعرف يخلص الاجرائات بتاعت الشحن و الجمارك و الحوارات دى بمعرفتة و هو على فكرة عرض عليا انه يجيبلى طقم تيل EBC عشان اجربة

الفلتر البديل للاصلى مش حيدى صوت زى الفلتر البيضاوى خالص و حيحتاج تنضيف طبعا بس اقل بكتير من الفلتر البيضاوى و طبعا مع السلوك و البوجيهات حيبقى فيه فرق فى الاداء

MMamdouh