صعبان عليك شهر رمضان المبارك!!!

**Ramy_Tantawi** · 27-09-2008 05:55 AM

السلام عليك ورحمة الله وبركاته .............

الحقيقه موضوعي ده يمكن يكون مشاعر حبيت اشارك ناس يعلم الله مدى معزتهم عندي .......

حد يا جماعه صعبان عليه رمضان ؟ يعني حد حاسس ان الشهر الكريم ده خلاص ربنا اراد انه ينتهي خلاص الايام القليله القادمه ؟ انا مش لاقي كلام والله بس جوايا وحشه كده واحساس بوجع في القلب.......حاسس اني بافقد شيء غالي جداً وثمين جداً أول مره اقعد مع نفسي وافكر والاقي نفسي مغموم واقول هو خلاص مافيش رمضان خلاص رمضان خلص بسرعه كده ؟ ابواب من الرحمه والعتق من النار والمغفره والعفو والثواب المضاعف بلا حدود كل ده خلاص قارب على الانتهاء يااااااااااه احساس صعب جداً والله ومش فاهمه ......انا مفتقد ايه ؟ مفتقد الصيام ؟ ممكن ربنا يعينا ونصوم على مدار السنه ؟ هل هي الحرص على التراويح قدر الامكان والتعبد لله سبحانه وتعالى وقراءة القرآن الكريم بصفه يوميه ومستمره ؟ بس برضه ربنا قادر انه يقتح علينا جميعاً ان شاء الله وتكون قراءة القرآن الكريم شيء يومي في حياتنا بإذن الله ...طب في ايه ليه حاسس بفقدان عزيز وغالي اوي ؟ ليه حاسس ان مفيش ايام حلوه تاني ؟ سبحان الله العظيم.

طيب صعبان عليك انك خلاص وانت بتقرأ في المصحف الشريف خلاص بدأت توصل لي صفحات بعد 500 !! ايه ده الجزء السادس والعشرون !!! خلاص باقي 4 أجزاء فقط؟؟؟؟ صحيح ختمة القرآن ليها لذه خاصه وثواب من الله نسأله تعالى اياه بإذنه - عزوجل -؟ لكن عمرك حسيت اللي بقوله ده ؟ أنا خلاص ختمت القرآن ؟؟ يااااااااااااه دانا لسه كنت باعقد النيه لله امبارح اول ايام رمضان وباقول ياااااااارب اعني على طاعتك واكرمني وبدأت تقرأ ما تيسر من سورة البقره............اليوم خلاص شهر راح انتهى ...عمر حد فكر كده او وصله احساس باللي باقوله ؟

يا رب يكون كلامي مقبول عند بعض من اخوتي وشاركوني احاسيسكم ومشاعركم بافتقاد شهر كريييم كله عباده وخير واصلاح واطعام وتفطير صائم اتأخر في شغله وراجع بعربيته والمغرب باقي عليه دقائق تلاقي خلق الله طلعولك من تحت الارض اللي يديك مياه واللي يديك تمر تفطر بيه واللي يديك عصير .....ياااااااااه لو نفضل كده على طول ........

آسف على الاطاله واعتبروها خواطر للمشاركه وتقبل الله منا ومنكم صيام الشهر المبارك وجعله في ميزان حسناتنا جميعاً ان شاء الله .

**theking2690** · 27-09-2008 06:23 AM

فعلا يا استاذ يا رامى الواحد حاسس بكده فعلا و حاجات كتييييييير كان الواحد ناوى يعملها فى الشهر ده و ملحقش ايامه جريت لسه كنا بنسمع اغنية اهلا شهر الصوم اهلا فجأه الواحد لقى نفسه بيسمع والله لسه بدرى والله يا شهر الصيام الواحد نفسه السنه كلها تكون رمضان بتحس فى رمضان جو كده عمرك ما تحسه فى اى شهر تانى فى السنه والصراحه مش لاقى كلام تانى اقوله غير ربنا يجعل ايامنا كلها رمضان وتكون قلوبنا دايما عمرانه بالخير و الايمان و الهدايه و كل سنه و انتم طيبين

**mas_shine** · 27-09-2008 06:36 AM

ياه سبحان الله .......بجد ........انت جبت اللى جوايا بظبط واللهى العظيم ........بجد حسه كل كلمه وحسه بوجع القلب ده ......
سبحان الله رمضان ده ليه مكانه فى القلب ....... وخصوصا رمضان ده بالنسبة ليا علشان انو جية بعد مشاكل كتير عندى فا فضفضت فيه اوى مع ربنا
حسه ان زى ميكون كان معايا صديق بيطبط عليا ويواسينى ويطمنى..........وخلاص هيمشى :(
بس اكتر حاجة هفتقدها التراويح فى المسجد
بجد مش عارفة هعمل ايه بعد رمضان
ربنا كريم
والحمد لله
بجد جزاك الله خيرا
واللهم بلغنا رمضان القادم

**Ramy_Tantawi** · 27-09-2008 06:51 AM

جزاكم الله خير يا استاذ مصطفى واكرمنا الله واياكم بقبول صيام الشهر الكريم ويا رب يكون ايامنا كلها رمضان زي ما حضرتك قلت .......

المشاركة الأصلية كتبت بواسطة mas_shine

ياه سبحان الله .......بجد ........انت جبت اللى جوايا بظبط واللهى العظيم ........بجد حسه كل كلمه وحسه بوجع القلب ده ......
سبحان الله رمضان ده ليه مكانه فى القلب ....... وخصوصا رمضان ده بالنسبة ليا علشان انو جية بعد مشاكل كتير عندى فا فضفضت فيه اوى مع ربنا
حسه ان زى ميكون كان معايا صديق بيطبط عليا ويواسينى ويطمنى..........وخلاص هيمشى :(
بس اكتر حاجة هفتقدها التراويح فى المسجد
بجد مش عارفة هعمل ايه بعد رمضان
ربنا كريم
والحمد لله
بجد جزاك الله خيرا
واللهم بلغنا رمضان القادم

ياااااااااااااه انا بجد مش عارف اقول لحضرتك ايه وقد ايه مسني كلام حضرتك وبالأخص الازرق ..........فعلاً صاب كلام حضرتك جزء كبير من الصحه تكثر المناجاه لله رب العالمين في رحاب هاذا الشهر الكريم ....... كام من الليالي الواحد قعد يفضفض فيها مشاكله لربنا سبحانه وتعالى والفجر يأذن فاتقوم تصليه وتنوي صيام اليوم المقبل لله - عزو جل- وانت كلك حماس كده وقوه وعزه بالله..

هاعيد تاني واقول بجد والله فعلاً اوشكنا على فقدان صديق عزيز علينا كلنا وربنا يصبرنا ويبلغنا رمضان المقبل ان شاء الله وجزاكم الله كل خير أختي الفاضله على المداخله وتقبل الله صيام الشهر الكريم ان شاء الله

**Bossy_Fadl** · 27-09-2008 09:19 AM

علي فكرة و الله حسيت اني هاعيط

لاني بجد بحس ان كل يوم بيقرب من نهاية الشهر الكريم بياخد حته من قلبي معاه و هو ماشي

بحس فيه ببركة كبيرة اوي في كل حاجة

كفاية لمة الاهل و الصحاب في البيوت

و صلاة التراويح اللي بجد بتروح عن الواحد

و صلاة القيام و ازاي الواحد بيحس ان ربنا معاه و حواليه في كل نفس

كفاية انه الشهر الوحيد اللي في السنة اللي بحس فيه اني مش خايفه من حاجة و لا قلقانة من أي شيء

و بيبقي عندي اقبال شديد علي الدنيا بعكس بقية شهور السنة سبحان الله

بجد نفسي شهور السنة كلها تبقي رمضان

يمكن رمضان يكون فيه تعب اكتر من بقية الشهور

بس تعب جميييييييييييييييل و مريييييييييييييييح

ياريت لو كان يدوم علينا السنة كلها

النهاردة كنت باختم القرأن

و انا في اخر سورة في المصحف حصل معايا زيك بالظبط يا استاذ رامي

كنت هاعيط و استرجعت في دماغي رحلة الشهر كله

بصيامه و قيامه

و قولت ده احنا كنا لسه امبارح اول رمضان

لحقنا نوصل للأخر؟؟؟؟!!!!!!!!

بجد الشهر ده ضيف خفيف علينا اووووووووووووووي

بس في ناس كتير مش بتبقي فاهمه ده

و لا بتستغل الايام الكريمة دي في التقرب لربنا و في العبادات

و بيبقي بالنسبة لهم شهر مسلسلات و سهرات رمضانية

ربنا يهدي الجميع

و السنة تجري بسرعه بقي..........

عشان يجي رمضان الجاي

**amr_elmasry** · 28-09-2008 07:36 AM

جزاك الله كل خير
وتقبل الله منا الصيام والقيام

.

**Scent7104** · 28-09-2008 01:46 PM

تقبل الله منا و منكم صالح الأعمال...

و الله قلتوا كل اللي جوايا بجد الواحد بآله اسبوع مش بينام تقريبا علشان مايفوتنيش دقيقة من الشهر الكريم ... وفعلا "لو علمتم ما في رمضان من خير لتمنيم أن تكون السنة كلها رمضان"

و زاد من الحزن و الوحشة الأغنية الكئيبة "والله لسه بادري يا شهر الصيام" يا ريت يلغوها و مايزيعوهاش تاني خااااالص...

جزاكم الله خيرا و تقبل منا و منكم إن شاء الله

**OlaOsman** · 28-09-2008 06:26 PM

عشان كده لازم بعد رمضان على طول ييجي عيد.. سبحان الله.. ربنا أعلم بنا من أنفسنا و عارف أد ايه فراق رمضان ليها وحشة في القلب فحب يخفف عنا الوحشة دي بفرحة العيد.. تخيلوا كده لو كان رمضان بيخلص و بعده على طول يوم عادي خالص من غير عيد كان هايبقى اليوم ده شكله ايه؟ طبعا محزززززززززززززنة.. انما ربنا أهدانا العيد و فرض علينا الفرحة فيه و حرم صيامه.. سبحان ربي العليم الخبير الرحيم بعباده.

ربنا يبلغنا رمضان القادم على خير و صلاح يا رب.

**Ahmed Selim** · 28-09-2008 08:57 PM

رامى باشا والله واحشنى

أهم حاجة أن ربنا يتقبل منا الصلاة والصيام والقيام وتقربنا له.......وبعدين أى شهر لازم يخلص زى أى حاجة فى الدنيا........لازم تخلص....سنة الحياة

وكمان ربنا أعلم بينا من أنفسنا زى ما عُلا قالت........عشان كده ربنا بيخفف عننا بالعيد

تقربوا الى الله فى ما تبقى من الشهر الفضيل و أحزنوا لفراقه.....بس متنسوش تفرحوا بالعيد

كل عام و أنتم بخير

-

الموضوع: صعبان عليك شهر رمضان المبارك!!!

LinkBack

أدوات الموضوع

عرض

صعبان عليك شهر رمضان المبارك!!! - انشر الموضوع فى :

-

-

-

-

-

المواضيع المتشابهه

كل عام وانتم بخير (امساكية شهر رمضان المبارك )

سوق سيارات بمدينة نصر في شهر رمضان المبارك ؟؟؟؟

سوق سيارات بمدينة نصر في شهر رمضان المبارك ؟؟؟؟

الكلمات الدلالية لهذا الموضوع

المفضلات

المفضلات

ضوابط المشاركة