محتار جدااااااااااااااااا ومحتاج رأيكم ضروري
نويت اتوكل على الله واشتري حاجة كويسة شوية وفي 3 عربيات محتار مابينهم بجد وكل لما اقتنع بعربية احس اني ظلمت التانية وكل ما انوي على التانية الاقي نفسي بفكر في التالتة بس ان شاء الله رايكم يخلصني من حيرتي دي
بالنسبة للتلت عربيات حذكرهم وحقول على اللي حابه فيها واللي خايف منه
1-رينو فلوانس اعلى فئة: عاجبني فيها فخامتها والوسع الممتاز وتحس انها برستيج جدا بمجرد متشوفها في اي مكان
بالنسبة للي مخوفني منها اني بسافر كتير وخايف لا ثباتها يخزلني لو حصل معايا موقف صعب على طريق سريع يحتم عليا اني اكسر دريكسيون يمين في شمال مثلا والاقي نفسي دخلت في عربية تانية لانها مش موجودة بesp للأسف وكدا العربية ممكن تعوم جامد لو ماشي على سرعة عالية والعومان دا انا شفت بسببه حوادث مميتة والعياذ بالله فهل الموضوع دا موجود في الفلوانس؟
2-تويوتا كورولا فول اوبشنز: حاببها علشان خاطر خاصية الركن التلقائي وبرنامج التوازن الالكتروني اللي اكيد حيهمني في السفر وبالنسبالي شايفها اجمل عربية (داخليا) وتحس انها سبورتي
ودي اللي مخوفني منها ارتفاعها عن الارض ودا بياكدلي اني هحك هحك في المطبات وحبهدل العربية كدا وكمان فيها 2 ايرباج بس بالنسبة للفئة اللي مختارها
3-اوبل استرا: بالنسبالي اشيكهم (خارجيا) والشكل احيانا بياثر على اللي بيشتري
ودي بقى اللي مش عاجبني فيها انها ضيقة من ورا ولو تقارنوها بالفلوانس تحس انها تاخد 2 راكب ورا بس عشان الفرق بينها وبين الفلوانس مش بسيط
ولما دخلت في قسم اوبل لقيت ان في ناس بتحكي عن تحديث تقريبا بيتعمل للاسترا عشان في مشاكل في العربية زي الار بي ام وارتفاع استهلاك البنزين وكمان سمعت من كذا عضو هنا ان دريكسيون العربية بيرج على السرعات الواطية فطبعا شئ يزعل اني اجيب عربية جديدة والاحظ فيها كل دا
انا مستنيكم عشان انا دماغي صدعت من كتر التفكير والتلت عربيات شفتهم على الواقع ولسا مش قادر اقرر بردو ياريت تدلوني يا اهل الخير ولو اني حاسس ان الفلوانس والكورولا اكتر عربيتين تعبين تفكيري جدا عن الاسترا
اعتذر على كل اوقت اللي اخدته من حضراتكم