السلام عليكم
أحب أسأل لو أنا لسه بتعلم سواقة جديد و محتاجة عربية كويسة مابين 25 : 30 ألف
يا ترى الأفضل ليا سوزوكي ماروتي ولا سكودا فليشيا ؟؟
من ناحية التصليحات و الأعطال و قطع الغيار
و اذا كان فيه حل أفضل من فضلكم
جازاكم الله كل خير
د/إسراء
عرض للطباعة
السلام عليكم
أحب أسأل لو أنا لسه بتعلم سواقة جديد و محتاجة عربية كويسة مابين 25 : 30 ألف
يا ترى الأفضل ليا سوزوكي ماروتي ولا سكودا فليشيا ؟؟
من ناحية التصليحات و الأعطال و قطع الغيار
و اذا كان فيه حل أفضل من فضلكم
جازاكم الله كل خير
د/إسراء
لا دي فئة و دي فئة الفيلشيا تسعينات 30 و لماروتي الفينات 20 يعني فرق كبير طبعا الماروتي هتبقي احدث يعني احتمال العيوب اقل لكن الفلشيا بردة ثابتة نفسها معادا عيوب السخونية
انصحك بفليشيا
متشكرة جدا يا أستاذ مهند لاهتمام حضرتك
لو فليشيا موديل 97 المفروض تبقى في حدود كام ؟؟ و مازلت محتاجة أعرف عن التصليحات و أسعار قطع الغيار هل هتبقى معقولة ولا هتبهدل ف تمنها
و هل مشكلة السخونة ليها حل ولا هتبقى عيب دائم
أنا لسة مش أعرف أي حاجة عن أعطال العربية أو الميكانيكا لأن متعاملتش مع عربيات قبل كدة و كل دراستي كانت صيدلة
فمازلت محتاجة مساعدة في قراري لأني هجيبها من مالي الشخصي و أخاف أتعب في مصاريفها
دة تقرير سريع عن الفليشيا كنت رديت بيه على اكتر من حد بيسأل عن الفليشيا
وبما أن حضترك بتسألي عن الفليشيا أو الماروتي طبعا المقارنة كلها لصالح الفليشا من
http://www.nilemotors.net/Nile/image.../wol_error.gifاضغط هنا لمشاهدة الصورة بالحجم الطبيعي.http://www.carswalk.com/skoda/skoda%...1995/instr.jpg http://www.nilemotors.net/Nile/image.../wol_error.gifاضغط هنا لمشاهدة الصورة بالحجم الطبيعي.http://www.carswalk.com/skoda/skoda%...da_felicia.jpg
- هى سيارة محيرة فقد تجد من يقول فيها شعرا و قد تجد من يحذرك منها بشدة و يلعن اليوم الذى قرر فيه شراء هذه السيارة.
و ربما يرجع هذا التناقض فى الاراء الى كميه المزايا العديدة التى تتميز بها هذه السيارة و كذلك كميه العيوب الخطيرة الموجودة بالسيارة.
و لنبدأ اولا بمميزاتها و لكن قبل ان نبدأ راجع مواصفات الفنية و صور السيارة من الرابط التالى مواصفات و صور سكودا فيليشيا 1995 1997
مميزات السيارة سكودا فيليشيا 1995- 1997
1- السيارة اوروبية و بالتحديد تشيكية الصنع و هذا فى حد ذاته ميزة بالنسبة للكثيرين فلايوجد سيارة اوروبية فى هذه الفئة السعرية.
2- صاج قوى جدا و هذا هو المطلوب فى مصر.
3- استهلاك الوقود جيد جدا بالنسبة لوزنها الثقيل نسبيا.
4- ثبات عالى جداز هو شىء نادر فى فئتها السعرية.
5- اسعار قطع غيار معقوله جدا و متوفرة و يوجد منها الصينى و الالمانى و المصرى.
6- ككل السيارات الاوروبية قطع الغيار معمرة جدا بالنسبة للكورى مثلا.
7- عفشة قويه جدا و مناسبة جدا للطرق المصرية الوعرة.
8- المساحة الداخلية كبيرة جدا و لن تجدها فى اى سيارة هاتشباك فى فئتها.
9- سير الكاتينة مصنوع من الحديد و بالتالى معمر جدا رغم انه يتسبب فى خشونة بسيطة فى صوت المحرك.
مما سبق نجد انها سيارة اعتمادية جدا موفرة فى استهلاك الوقود و قطع غيار معمرة و ثبات و اتزان نادرا ما يوجد بهذا السعر بالضافة لعفشة قوية و صاج قوى اى
انها السيارة المناسبه للطرق المصرية و للمستهلك المصرى, و لكن لماذا يكره البعض هذه السيارة؟؟؟
عيوب السيارة سكودا فيليشيا 1995- 1997
1- السيارة اوروبية الصنع و التصميم ايضا اى انها غير مصممة للعمل فى الاجواء الحارة, و لذلك ترتفع حرارتها بشكل ملحوظ خاصة فى
فصل الصيف مما يسبب خطورة على المحرك و خاصة (وش السلندر) و تعتبر هذه المشكلة الوحيدة فى هذه السيارة التى قد تجعل الكثيرين
يحذروك من شرائها رغم ان علاجها بسيط جدا يتمثل فى تركيب مروحة 6 ريشة و تغيير الريدياتير ال2 ماسورة باخر 3 ماسورة و البعض
يقوم بتغيير الترموستات ايضا باّخر اقل حتى تعمل المروحة عن درجة حرارة 70 بدلا من 90.
2- عكس السيارات الكورى و اليابانى و مثل معظم السيارات الاوروبى تعتبر السكودا فيليشيا بطيئه نسبيا فى التسارع
اى ان المحرك كسول نوعا ما و لكن مع استعمال بنزين 92 يتحسن التسارع كثيرا.
3- ارتفاع السيارة عن الارض قليل نوعا ما و لذلك يجب الحذر عند تخطى المطبات العاليه جدا.
4- السيارة خشنة بالنسبة للكورى و اليابانى كما انها غير مجهزة بباور ستيرينج.
الفليشيا من موديل 95 لحد 97 الشكل العادي ( كاربيراتير )
الفليشيا من موديل 98 لحد 2002 وش الاوكتافيا ( انجيكشن )
أسعارهم على حسب الحالة والامكانيات والكماليات
علي حسب ماشوفت من اسعار دلوقتي العربية المعقولة تبدأ من 28 حتي 35 الف بالنسبة لوش الاوكتافيا الانجيكشن
بالنسبة للانجيكشن ميزاتة استتهلاك أقل فى البنزين وسحب اكبر للعربية وعيوب الانجيكشن فى الصيانة وان مش اى حد هيقدر يشتغل فى العربية غير لما يكون فاهم
دة غير حاجة مهمة بالنسبة للبنزين الانجيكشن مش هينفع معاة بنزين 80 انما الكاربيراتير شغال بــ 80 كويس
تحياتي
انتى هتسوقى جديد فهاتى عربيه متبقاش موديلها قديم ومحتاجه صيانه كتير
اه ممكن تلاقى حاجه حاله كويسه بس هتبقى صعبه شويه وهتاخدى وقت عقبال ما تلاقيها
فهاتى ماروتى
او لو تقدرى تدفعى اللى معاكى قسط وتجيبى حاجه زيرو يبقى افضل
اللى هتصرفيه على القديم هوه القسط
ماروتي طبعا ولا يوم من ايام سخونة الفيليشيا وتقل دركسيونها!!
تحياتي
Sent from my Xperia Arc S using Forum Runner
متشكرة لكا ردود حضراتكم و أنا مبسوطة بجد انني انضميت للمنتدى الرائع ده أنا هاخد بأراء حضراتكم عشان أنا مش عندي أي خبرة و محتاجة لنصائحكم ضروري :)
ياريت لو في أي أراء أخرى أكون شاكرة جدا
أرى إن ظروف حضرتك اللى ذكرتيها يا دكتورة تشير إلى الماروتى .
وبالتوفيق
شكرا لرد حضرتك يا أستاذ mesaharaty
أستأذنك لو أمكن توضحلي الموديلات اللي في الماروتي ممكن تكون بتكيف
و ايه الأسعار و أفضل أماكن شراء حاجة مستعملة
مرة تانية شكرا لتعبكم معايا :)