افيدونى بسرعه عشان هرد عليه بكرة

**flymido** · 27-09-2008 06:43 AM

امامى سيارة سيتروين ax م94 حالتها كويسه
بس من جوة مزبله الى حد ما عايزة تتروق جدا ستورجى وشغل كهربا ومن برة عايزة سمكرة
صاحبها بيقول جايب فوانيس جديدة وكبوت جديد ورفرفين جداد وهيغير الازاز الامامى لانه مشروخ وكمان التكيف مش شغال هيشخنه وهيسلمهالى شغال وطالب 23000 كلمه نهائيه

ايه رايكم ؟؟؟؟؟؟؟؟؟؟
ياريت بسرعة لانى المفروض ارد على الراجل بكرة بعد الفطار
ولكم جزيل الشكر

**flymido** · 27-09-2008 09:34 AM

ياشباب انتم فين ياريت الاقى نصيحة منكم بخصوص العربيه دى وخصوصا انى هرد عليه انهاردة بليل

**flymido** · 27-09-2008 12:18 PM

يا جماعة نصيحة ارجوكم وجزاكم الله خير

**flymido** · 27-09-2008 09:42 PM

انتم شكلكم مستحقرين العربيه ومحدش راضى يرد عليا
على العموم انا مستنى حد يعبر التوبك دة والله المستعان

**Ahmed Samy** · 27-09-2008 09:46 PM

ماتزعلش مني

انا مش لاقي كلام أقوله

انت بتقول حالتها كويسة ..كويسة منين بالظبط ؟؟؟

ده غير ان العربية أنا الحقيقة ماعرفش شكلها أصلا (عن جهل منى و عدم انتشارمن السيارة) و يمكن ده سبب ان مافيش مشاركات

بس الشكل العام بيقوللك بلاش

**Sherif Khalifa** · 27-09-2008 09:59 PM

و لية تعزب نفسك بحاجة مكركبة زى كدة!!!!

**damasry** · 27-09-2008 10:08 PM

السلام عليكم
انا كان معايا العربية دى موديل 95 وكانت فابريقة جوة لكن رشة اجزاء من برة وكاملة (تكييف، زجاج كهرباء، سنتر وانذار) وفرش جلد ومش فيها أى حاجة وبعتها بـ 21 الف، فحرام اوى تشترى دى بالرقم العالى ده.
وبعدين خد بالك العربية مقرفة فى شغلها ولو مش ميكانيكى فاهم فى السيتروين كويس يبقى ها يعك وتقرفك جدا، بس العربية ها تبقى كويسة معاك لو مهتم بيها وبتعمل صيانتها عند واحد فاهم سيتروين.

**mohamed2002** · 28-09-2008 02:15 AM

العربية شعرها بيدا من ال20 الي 23 حسب الحالة ,قطع غيارها غالية ولكن معمره قطع غيار معظمها متوفر وفي حاجات استيراد ادخل قسم السيتروين حتلاقي مواضيع كتير عن العربية

**flymido** · 28-09-2008 03:00 AM

شكراااا ليكم جداااا على النصيحة الغاليه دى

وانا مع الاستاذ اللى جاب سيرة الاونو دى فعلا عربيه كويسه وقطع غيارها مليه الدنيا

وربنا بعتلى واحدة اونو ايطالى م93 فابريكة جوة وحالتها كويسه جداا ونظيفه كماليتها سنتر وكست cd المهم صااحبها طالب فيها نهائى خااالص 25 الف ايه رايكم ولا اصبر وكمل ال30 وربنا يكرم فى حاجة افضل ؟