السلام عليكم
هل البيكانتوا 2014 اعلى فئه اتوماتيك فيها ايرباج و abs ام لا ؟
عرض للطباعة
السلام عليكم
هل البيكانتوا 2014 اعلى فئه اتوماتيك فيها ايرباج و abs ام لا ؟
خلى بالك مش كل المواصفات اللى فى بروشور التوكيل موجودة فى الحقيقة
الفئة اللى كان فيها abs وايرباج وليدات مش موجودة دلوقتى
مش بيكتبوا فى الموقع اذا كان فيها ولا لا
بالنسبة للوكيل فى فئة توب لاين ودى اللى فيها ومبقتش بتنزل دلوقتى .... بيقولوا انها بتيجى بالطلب بس اكيد هتسمع سعر مش هيعجبك
طيب ايه الفرق بين الفئه الالولى فى الاتوماتيك والفئه التانيه اتوماتيك ؟
اللى انا فاكره الجنوط والسنتر و 4 زجاج كهربا وفوجات ومرايات كهربا
الاكر النيكل مش متأكد
دول اللى فاكرهم
كلامكم صح بس فيه نقطة واحدة بس : أول فئة فيها سنتر لوك بس مفيهاش ريموت ( يعنى السنتر شغال بس بالمفتاح العادى) و الهاى لاين مفيهاش مرايات ضم. و الاكر نيكل يا استاذ احمد فعلا انا شفتها النهاردة مع جارى.
و الجنوط بتاع الهاى لاين 14 مش 15 زى ما استاذ احمد قال فى موضوع سابق. و الفئتين مفيهومش اير باج و لا abs.
كل الفرق الخارجى : ( الجنوط و الفوج و الاوكر نيكل و الريموت)
كل الفرق الداخلى : ( 4 زجاج كهرباء , مرايات الجانب تحكم كهرباء فقط , كرسى السائق بيتعدل ارتفاعه , الفتيس فيه حلية فضى زى اللى فالطابلوه , مراية الصالون فيها خاصية التعتيم (يعنى لو حد بليل جاى وراك و ضارب النور العالى المراية بتعتم علشان النور ميزعجكش) , فيه لمض بتنور حولين مراية الشماسة اللى بجانب السائق .
تمام شكرا ليكم يا جماعه على المساعده كده يبقى كتير جدا عليها 99 الف اجيب بيهم صنى الشكل القديم مستعمل افضل
بص هى 100 عليها كتير بس فى نقطة فكر كده الـ 100 دول تركب بيهم زيرو ايه احسن مش هتلاقى وفى الاخر الموضوع حسب احتياجاتك
يعنى انا لما جيبتها جايبها للمدام فا مش محتاج عربية كبيرة (عربيتى موجودة) اد مامحتاج عربية عملية .. حركتها خفيفة وسهلة وحجمها مناسب وشكلها كويس واهم حاجة اوتو وزيرو
فى الرينج ده اوتو هتلاقى اللوجان والسانديرو وال i10 والفيرنا ... بالنسبالى البيكانتو احسن من ناحية التقفيل والشكل الداخلى والخارجى والكماليات وكمان الهاى لاين من جوة كأنك راكب عربية تانية غير البيكانتو الفول اوبشن حتى
انا مقتنع بيها وعجبانى جدا وكنت فكرت فى اللوجان فعلا بس لقيت الفتيش بتاعها بينتش وعمره قصير فابعدت عنها رغم انها واسعه وفيها كل الكماليات وتزيد اير باج وبلوتوث وملتى فانكشن عن البيكانتوا وكمان ارخص السانديرو نفس الفتيس ال i10 معجبنيش شكلها البكانتوا احلى بكتير و الفرنا واطيه وتوكيلها مش كويس قوى ومش اوسع من البيكانتوا من الداخل
انا جربت اللوجان عمرى ما شوفت فيها بلوتوث ولا مالتى فانكشن الميزة فيها عن البيكانتو الايرباج
البيكانتو فيها هاى لاين خليجى ب 102 زيادة عن الفول بتاعة التوكيل مرايات ضم مهربا وفرش جلد نبيتى وجلد بفرش الابواب والتارة والفتيس جلد وفيها الكاسيت الاصلى بتاعها وبلوتوث ومالتى فانكشن وعتب وجنوط شكلة مختلف واوتو لايت واوتو لوك لو فتحت السنتر من غير ماتفتح الابواب والحتة الفضى اللى فى التارة والتابلوة اسود لامع شكلها احسن بكتير وفيها aux , ipod & usb
بص الموضوع فى النهاية حسب متطلباتك
البكانتو او اى حاجة بالحجم ده متنفعش عربية اسرة , يعنى لو اسرة متنفعش تبقى عربية واحدة فى البيت
اللوجان البلاك لاين فيها مالتى بس من تحت الطاره مش فى الطاره نفسها وبلوتوث فى اخر النسخ الى نزلت
انا مش محتاج عربيه اسره احنا كلنا 4 ونادر جدا ما هنركب مع بعض غالبا 1 او 2 فقط وانا قعدت فيها ورا وكانت مش وحشه حاسسها اوسع من الفرنا فى الكنبه وانا مش قصير 177 سم بس حاسس العربيه بتنزل جامد لو 2 ركبوا ورا