ياجماعه عاوز اعمل صيانه ال40الف بره التوكيل تنصحونى باايه؟!!!

سلام عليكم احلى شباب..... باختصار كده عربيتى رينو ستيب واى قربت على ال40الف
تكلفه الصيانه بالتوكيل1020ج
بصراحه سعر مبالغ فيه!! اللى هيتم فى الصيانه تغيير زيت وفلتر زيت وفلتر هوا وتربيط عفشه فقط لاغير!!!؟
دول يستاهلو 1020!؟ اومال لو فيها سيور زى الكاتينه وخلافه؟! هدفع 4الاف ولا ايه؟!
ياريت ياجماعه حد ينصحنى بمركز خدمه مختص بالقاهره بيشتغل فى الرينو
وتنصحونى اجيب منين الفلاتر؟؟ والزيت احطه توتال برضو زى التوكيل ولا اغير؟!
ياريت ياجماعه متبخلوش عليا بالنصيحه الله يكرمكم مع العلم ان صياناتى كلها السابقه بالتوكيل
بس انا مش شايفهم بيعملو حاجه مفيده لكل الفلوس اللى بياخدوها دى ماهى الا مظاهر فقط
مستنى الردود ياشباب الفرنسى :grin06:

تغيير زيت وفلتر زيت وفلتر هوا ب الف جنيه حضرتك متاكد من الموضوع ده؟
او عالاقل متأكد ان هي ده الحاجات اللي هتتغير ولا في اكتر؟

عامة انا عملت صيانة ال 90 الف برة غيرت زيت موبيل 5 الاف ب 140 جنيه تقريبا مع فلتر زيت ب 25 جنيه من محل شغال في الرينو وروحت البنزينة الراجل خد 5 جنيه بقشيش
وفلتر هوا ب 40 او 50 جنيه من محل شغال في الرينو او اقل مش فاكر
وغيرت بوجيهات بوش محترمة ب 90 جنيه تقريبا
الراجل خد 20 جنيه او اقل مش فاكر بالظبط
اما تربيط العفشة عند اي محل محترم ب 20 تقريبا او25 او 15 في 3 دقايق ربط وزبط الدنيا
اعذرني مش فاكر بالظبط الارقام متخلبطة عندي

يعني لو مش هتغير البوجيهات وهتحط زيت 10 الاف الموضوع مش هيزيد عن 400 جنيه

اه ياباشا والله وزى مانت اضفت البوجيهات كمان انا اتصلت وسالت عن التفاصيل
هو الزيت اللى بيحطوه توتال10الاف مش5
عشان كده شايف ان التكلفه كتير على اللى فى العربيه!
ياريت لو حد يعرف مركز مختص للرينو