ايه نظام الاشاره الجديده ام عداد

يا جماعه حد يقلنا ايه نظام الاشاره الجديده ام عداد وهل فيها كاميرا علي طول ولا لأ ولامافهاش اصلا ولو فيها بليل بتضرب فلاش ولا بتصور من غير فلاش وهي بتعد ايه بالضبط يعني لو خضرا والعداد جايب 5 ايه النظام

بحكم عملي فترة في المجال ده أحب أقولك إن أخر معلومة ليا قبل ماأسيب مصر إن مفيش أي كاميرا في أي إشارة في القاهرة الكبرى تستخدم من قبل المرور.كلهم بيستخدموا لتأمين المواكب الرسمية فقط ولدواعي أمنية فقط.
ولما بيحصل إنها تستخدم من قبل المرور بيبقى لمجرد معرفة حالة الشوارع فقط وليس لتسجيل المخالفات.
أما بقى عن طريقة التصوير فهي عبارة عن كاميرا فيديو عادية بس بمواصفات خاصة جدا (ريسيليوشن عالي وزووم عالي وأحيانا نايت فيجن) ومافيهاش فلاش خالص لكن بتعتمد بعد كده السوفتوير ومدى قوته.

انا اول مرة شوفتها في مرسى مطروح من سنتين وبصراحة جميلة جدا جدا ومش محتاجة عسكري مرور والناس كلها بتحترمها حتى لو في عز الفجر. لأنها بتكون مثلا حمرا وتبدأ تعد تنازليا لغاية ما توصل صفر وتتحول الى اللون الاخضر وهكذا. بس المشكلة ان في القاهرة بداءت الارقام ديه تبوظ وماتبقاش واضحة. ثانيا حاطنها في مكان صعب جدا يعني ممكن حضرتك تكون واقف في الاشارة وهية فوقيك او وراك

ايوه اماكنها غريبه ومتعرفش بتيجي من فين المفروض ان الاشاره بتفرض نفسها مش انا اقعد ادور عليها دي كدا ممكن تسبب كوارث
كمان عوزين نعرف الوضع الحالي هي بتصور العربيه ولا لآ و في حجات من اللي فوق ما حدش جاوب عليا يرضو

اعتقد عادي زي كل الاشارات احمر يعني امشي واخضر امشي بردوه

مش بتصور العربيه ولا حاجه
الا بقي لو كانوا عدلوا فيها حاجه اخر اسبوع:)
بالنسبه للارقام ف دي عباره عن ثواني و بتبقي مضبوطه علي 40 ثانيه او دقيقه
حسب الاشاره.

في الزقازيق موجوده من زمان هي عباره عن عداد تنازلي من 30 ثانيه الي صفر

دا مجرد عداد ديجيتال مره يعد تنازلى 40 او 60 او 30 ثانيه اخضر و مره احمر
مفيش كاميرات ولا حاجه
واعتقد لو هيركبوا كاميرا (دا لو متسرقتش من اول اسبوع )هيركبوها فى مصر الجديده وجمب المخابرات والوزارات والحتت المهمه زى السفارات كدا
انما ملثلا مش هيركبوا واحده عندنا فى شارع فيص او الهرم

اقتباس:

---

المشاركة الأصلية كتبت بواسطة blazer

(دا لو متسرقتش من اول اسبوع )

---

هههههههههههههههههههههههه ولا يوم ده سرقوا الصواميل بتاعه المساحات

شاهدتهم في الاسماعيلية من عدة سنوات

ولكن لم ارهم من قبل بالقاهرة!

at the mosque of Mostafaa Mahmoud there is one but with a police officer
which i don't know why