الخلوص عن الأرض في السيراتو كام
والعزل بتاع انهى عربية افضل
عرض للطباعة
الخلوص عن الأرض في السيراتو كام
والعزل بتاع انهى عربية افضل
مش عارف ليه حاسس إن الكورولا شكلها مبالغ فيه و إن كانت السيراتو تكسب في موضوع الشكل ده إلا إن الكورولا تكسب في كل حاجة تقريبا .... ملحوظة .... أنا ماقلتش إن شكل الكورولا مش حلو و لكن أنا شايف إن شكل السيراتو أحسن ( مجرد رأي )
اقترح تعديل مسمى م. محمد هاني من " منسق قسم تويوتا " إلى " منسق قسم كورولا " لأني أحس وكأنه ينتظر أن تتم كتابة أي حرف عن كورولا في أي قسم حتى يدخل ليدافع عنها!! أنا والله لا أقصد الإساءة إلى م. محمد صاحب أفضل مقارنات بالمنتدى والتي أستمتع بها وأستفيد منها كثيرا ولكن إذا زاد الشيء عن الحد انقلب إلى الضد! وأكرر أنني لا أقصد الإساءة بل أسوق شعورا أحسست به وما كنت لأفعل لولا دفء الأخوة الذي أجده متوفرا بقوة بين أعضاء المنتدى الكرام، وجزاكم الله خيرا .
هو اي اللي حصل يا استاذ احمد مني عشان تقول كدة ،
عضو فاضل بيسأل ارتفاع السيراتو كام و العزل احسن فين انهي و جاوبته بحكم انه بيسأل صاحب الموضوع اللي هو انا لو بدافع عن الكورولا كنت قولت له العزل في الكورولا افضل مش كدة ؟ بس انا مقولتش كدة للامانة
و لما زميل اخر قال ان شكل السيراتو افضل هل قولت له لأ الكورولا افضل ؟ و لا قلت له رأيك يحترم تماما ؟
الرد علي اسئلة المواضيع و التفاعل مع الاعضاء مش معناه اني اول مشوف كلمة علي الكورولا ادخل ادافع لان مكنش في هجوم من الاصل و لا كان في دفاع بالتالي .
ايه الدفاع اللي في كدة يا استاذ احمد ؟ ياريت حضرتك توضحلي في التعليقين اللي فاتو او في الموضوع ده عموما يمكن اكون مش واخد بالي عشان اصحح من نفسي ، و يا ريت حضرتك متفهمنيش غلط .
يا استاذ احمد ممكن كلامك يكون سليم لكن يا جماعة الشركات دي مش شركتك يعني هتستفاد ايه لما تدافع عن سيارة على اي حال من الاحوال !!!!!!!!
عموماً المقارنة دي رأي شخصى لان السيراتو في التقييمات العالمية كسبت الكورولا في اختبارات كل الشركات !!!!!!!!!! يعني اساساً السيراتو افضل من الكورولا من نظر الناس بتاعة برا الناس الفاهمة يعني مش احنا !!!!!!!! احنا شعب لسه بيقلب في الماني وصيني :M_yes[1]:
شوف المقارنات العالمية دي وانت تعرف كويس حتى من ناحية الثبات السيراتو متفوقة حتى على الفورد فوكس ماعدا في اخر تقرير الفورد كسبت والسيراتو التانية والكورولا التالته وبعدها الالنترا !!!!
http://www.nilemotors.net/Nile/423008-2014.html
http://www.nilemotors.net/Nile/390589-2014.html
م.محمد هاني،،، كنت بحس بنفس شعور الأخ أحمد
لما كنت بلاقي حضرتك بترشح معظم الأوقات الكورولا او الياريس
ولكن الحق يقال أنا أعتذر لحضرتك ،،،لأني اكتشفت ان حضرتك حيادي وده لما لقيت حضرتك بترشح عربيات تاني غير الكورولا
واكتشفت ان حضرتك كنت بترشح الكورولا لانها فعلا كانت تستحق من جهة عوامل الامان وغيره
تحياتي لحضرتك ،،،
ما تزعلش يا استاذ احمد :) . محمد بيه هانى بيكون عنده تحمس شويه و منسق نشط و صدقنى ما بيكنش يقصد حاجه و انا نفسي من اكتر الناس دخلت معاه فى سجالات بسبب الكورولا . ما عليش يا محمد باشا سيب الناس تاخد راحتها شويه و ادخل مع العضو فى نقاش لما يكون التعليق يمس حاجه فنيه متخصصه تحس انها مفهومه غلط
تحياتى للجميع و كلنا اخوات