-
بلي العجل الخلفي
انا معايا سيارة نيسان 2013 الشكل الجديد و بلي العجل الخلفي باظ و المفروض انه هيتغير في الضمان بس للاسف لسة ماجاش ، المفروض يجي قريب. سؤالي هل تلف بلي العجل الخلفي خطير يعني ممكن يتسبب في حاجة خطر لا قدر الله ؟ و لا الامامي فقط هو الخطر من حيث انه ممكن يؤدي الى انفصال العجل عن السيارة. ولو خطر ازاي اعرف انه وصل لمرحلة خطرة خصوصا انه بقاله يمكن اكثر من 3 اشهر على الحال ده و الصوت دلوقت عالي و مزعج جدا جدا و انا مش عارف اتحرك بيها براحتي و لا لا. في الاول انا كنت مشغول فما سالتش فيه لاكتر من شهر و بعدين رحت التوكيل و لحد دلوقت ماجاش من الهند على حد قولهم علشان مشاكل في المصنع هناك و جزء منه اتحرق فالانتاج قل.
شكرا مقدما
-
معذرة - ولكن
لو كانت عربية حضرتك مش نيسان وكانت عربية صيني
كان التعليقات تقول علشان صينى
نيسان ولسه جديده وبالسرعة دى يتلف بلى العجله ؟؟؟!!!!!!!!!!
-
تلف البلى طبعا فى منتهى الخطورة
-
اولا معلش و ربنا يصبرك:
ثانيا : موضوع البلى انه باظ فده عيب صناعة و ده وارد فى أى عربية بنسبة 2% مهما كانت ماركتها . انا شفت عربيات المانى و يابانى باظ البلى بتاعهم فى اول 10000 كم نتيجة عيب صناعة و علشان كده الضمان عملوه .
طبعا حقك 100% انه يتغير و بدون دفع اية رسوم ( خلى بالك من النقطة دى ) علشان ميجيش يقولك ضريبة و لا مصنعية و لا الكلام ده , خليك على موقفك و حقك
طبعا همه بيهرجوا مينفعش ميكونش عنده بلى عجل ده شكلهم بيماطلوا فيك .. عايز رأى : ادخل على موقع نيسان باليابان على النت : و ابعت ايميل و اكتب فيه رقم شاسيه العربية بالكامل اللى هو ال vin code اللى مكتوب فى كتيب الضمان و اكتبلهم تفاصيل المشكلة و قول لهم التوكيل قالك ايه و انه لسه مصلحلكش العربية .. و صدقنى انك هتلاقى التوكيل هنا بيكلمك بعدها بيومين و يقولك البلى وصل تعالى ركبه .. و ده عن تجارب ناس كتير اعرفها فى مشاكل مختلفة مع توكيل نيسان و غيره.
نصيحة اخيرة متتحركش كتير بالعربية الفترة دى الا للمشاوير الضرورية جدا و يا ريت متخليش سرعة العربية تزيد عن 60 كم/س
متنساش لازم تبعت ايميل للشركة باليابان ( طبعا هتبعته بالانجليزى :C_laugh[1]: )
و ابقى طمنا عملت ايه
Content Relevant URLs by
vBSEO 3.6.0 PL2