الموضوع: أستشارة اجتماعية ف مجال العربيات

ماتخدش عربيه راشه جوه .. هو محتاج للعربيه مادام اتجوز طبعا مش هينفع يخرج مع مراته بالموتوسيكل لكن يسيبه من اللي راشه دي وتاخد التانيه ال 87 بس تفاصل فيها دي اخرها 11 او 11 ونص لو نظيفه ...بالتوفيق

المشاركة الأصلية كتبت بواسطة bassemali

ماتخدش عربيه راشه جوه .. هو محتاج للعربيه مادام اتجوز طبعا مش هينفع يخرج مع مراته بالموتوسيكل لكن يسيبه من اللي راشه دي وتاخد التانيه ال 87 بس تفاصل فيها دي اخرها 11 او 11 ونص لو نظيفه ...بالتوفيق

والله العظيم قولتله كدا و غلبت معاه .. و لسه من نص ساعه قابلته بالصدفه و هو رايح يخلص فيها و عدت عليه الكلام دا تاني
و لما زهقت قولتله انتا قدامك الإختيارين و اعمل اللي يعجبك ( غير انه كمان مبيعرفش يسوق و لسه هعلمه )
و من النوع اللي بيجيب الحاجة و يبيعها بعد اسبوع بالخسارة
و عمال اقنعة ان العربية مش زي الموبايل مثلا بيجيبه و يبيعه و يخسر فيه 300 او 400 جنيه
و اول ما شفت العربية اللي هو عاوزها دي و لقيتها راشه جوا
سبتها و مشيت و قولت لصاحبها مش شاري

المشاركة الأصلية كتبت بواسطة hugan

و87 اكيد سوبر فيورا
افضل ما انتجت فيات في فئه الميني

كل دا قولتهوله .. غير اني فرجته علي عربية ريتمو موديل 83 بس بسم الله ما شاء الله عليها فبريكة بتاعه راجل كبير ف السن لسه متوفي قريب العربية دي زيرو فعلا و هو قال عليها كدا
اول ايد من الزيرو و بيعمل بيها 5 كيلو ف الشهر و كانت علي 13 الف برضو و لسه في هزة ف السعر
انا عارف العربية دي كويس عشان من يوم ما وعيت علي الدنيا و انا عارفها انها مبتمشيش ولا حد بيستخدمها و مفيهاش بارومه او اي حاجة

من كلامك انت عملت اللي عليك وزيادة
سيبه بقى يخوض التجربة اظاهر هو من النوع اللي بيحب يتعلم بقلوس

المشاركة الأصلية كتبت بواسطة j a g u a r

بلاش الرشه حوض خليه فى ال 87

انا كان نفسي يخليه ف الريتمو بس دماغة جزمة و من النوع المتردد

المشاركة الأصلية كتبت بواسطة mahmoudysf

من كلامك انت عملت اللي عليك وزيادة
سيبه بقى يخوض التجربة اظاهر هو من النوع اللي بيحب يتعلم بقلوس

المشكلة ان مفيش فلوس للعلام يعني يا صابت يا خابت عشان كدا انا مقدر ظروفة و عمال احاول معاه عشان ميخسرش ال 10 الاف اللي معاه اللي اتبهدل عقبال ما حوشهم
انتا عارف لو هو معاه مبلغ كويس و بيقارن مثلا بين فيرنا و لانوس و الكلام دا او كورولا و سيراتو مكنتش حطيته ف دماغي من أساسة