اجيب انهي تيل فرامل ؟

**Hikayat** · 06-02-2014 01:43 AM

التيل بتاعي اتاكل خلاص وعايز اجيب تيل
مشكلتي اني بستخدم الفرامل بغباء وبهدي مره واحده فجاه ( تعود سواقه ) فالتيل بيتاكل بعد 5 تلاف كيلو تقريبا
بتاع العربيه الاصلي اللي جاي معاها قعد معايا 8 تلاف كيلو
وبقيت كل شويه اروح اغير واركب الاصلي اللي ب 450 جنيه واغيره كل 3 شهور ( بجيبه من التوكيل واخر واحد جبته من محل )
دلوقتي انا بفكر اركب الكوري ( في من 80 جنيه ل 150 وانا غالبا هجيب ابو 150 ) ففي مشاكل فيه او في فروق جامده ؟
بالذات ان الطنبوره بتاعتها لسه بحالتها وكل حاجه تعتبر زيرو فكنت بجيب الاصلي بس مش كل 5 تلاف هدفع 450 في تيل
فايه رايكم ؟ وفي فرق جامد ؟ وبياثر علي حاجه ؟

**أبو إياد** · 06-02-2014 10:48 AM

انزل محل احمد البلطى اللى فى وسط البلد او الهدى اللى فى صقر قريش عندهم انواع ممتازه واسعار مختلفه من اول الصينى لغايه الاصلى

**BASOOMVIP** · 06-02-2014 02:46 PM

بص يا باشا من الاخر التيل الاصلى دا حرام فيه الفلوس انا كنت مجربه و خارب بيتى و فعلاً اخره 10000 كيلو بص انا استعملت بعده نوع كورى اسمه جولد خلو جداً اول 5000 بس بعد كدة ايتدى يصفر صفارة جامدة مشيت بيه شوية لحد ما كمل 8000 و غيرته و كان فاضل اكتر من التلات اربع - فلو تقدر تتعايش معع الصفاره هة كويس جداً و بيمسك حلو - جبت بعده الريمسا الاسبانى مكملتش 100 كيلو لغاية دلوقتى مفيش صفارة بس حاسس بيمسك اضعف من الجولد مش عارف لسه بيطبع و لا ايه - كان فيه ناس شكرت جامد فى الفريكسا بس انا لفيت عليه و مش لاقيه

**Egy_fan** · 07-02-2014 09:47 AM

الريمسا او الجولد. الاتنين كويسين

**Hikayat** · 07-02-2014 05:14 PM

الف شكر ليكم
وياريت باقي الناس اللي جربت يفيدوني

**MR . Gold** · 07-02-2014 06:57 PM

المشاركة الأصلية كتبت بواسطة hikayat

الف شكر ليكم
وياريت باقي الناس اللي جربت يفيدوني

هااقول لحضرتك علي نوعية تيل وان شاء الله هاتدعيلي التيل الماني حسب كلام التاجر اللي انا اشتريتة منة بس الحقيقة حكاية اي نعم هو مش بيقعد كتير بس حكاية وسعرة ممتاذ 130 ومفيش منة صفارة او اي شي والتيل دة موجود في التوفيقية عند محل ابراهيم البنا والناس دي محترمة جداً واسعارهم بصراحة احسن اسعار وعندهم الريمسا سعرة 120 جنية وبردو كويس انا كنت بستعملة بس الحقيقة في المحل هما اللي رشحولي الالماني والحقيقة ممتاز

**Hikayat** · 08-02-2014 04:01 AM

المشاركة الأصلية كتبت بواسطة lancar

هااقول لحضرتك علي نوعية تيل وان شاء الله هاتدعيلي التيل الماني حسب كلام التاجر اللي انا اشتريتة منة بس الحقيقة حكاية اي نعم هو مش بيقعد كتير بس حكاية وسعرة ممتاذ 130 ومفيش منة صفارة او اي شي والتيل دة موجود في التوفيقية عند محل ابراهيم البنا والناس دي محترمة جداً واسعارهم بصراحة احسن اسعار وعندهم الريمسا سعرة 120 جنية وبردو كويس انا كنت بستعملة بس الحقيقة في المحل هما اللي رشحولي الالماني والحقيقة ممتاز

اسمه ايه ده يا باشا علشان اشوفه فالزقازيق لاني صعب انزل التوفيقيه

**medo1991** · 01-03-2014 01:48 AM

بص يا باشا هو في نوع تقريبا اسمه هاي كيو ده اترشح لي من واحد شغال في التوكيل والتيل محترم جدا وهيعيش معاك ومفيش منه اي شكوى خالص وسيبك من الريمسا الاسباني ده لان الراجل قالي ده مضروب ده لو اسباني اصلي محدش هيجيب غيره بس كله مضروب وبيخرب الطنابير
جرب الهاي كيو ده عن تجربه وهتدعيلي

**Hikayat** · 05-03-2014 04:03 PM

بشكر كل حد حب يساعدني في الموضوع ده
انا رحت عند الحصري في الزقازيق لقيت عنده كوري ب 80 جنيه وتركي ب 70 جنيه فقالي الكوري ده مش حلو التركي اللي حلو
وخدته وركبته فعلا
اول نص كيلو كان بيصفر صفاره جامده جداااا بس بعد كده راحت واهو راكب دلوقتي وربنا يسهل ويكمل علي خير