الموضوع: من 1000 ل 3000 مع جميلة الجميلات

السلام عليكم و رحمة الله و بركاته
أولا احب ان ابارك للاخ الكريم black arrow
على سيارته و على صيانتها و ان شاء المولى عز و جل يباركله فيها و يعطيه خيرها و يكفيه شرها
بس نصيحة مني
بلاش شد و جر مع حد
هاتزعل قوي لو العربية اتخبطت منك
تحاشى موضوع الشد لانك بتفقد نص تركيزك في الموضوع ده خصوصا لو الطريق زحمة شوية
ربنا يباركلك و يكفيك شر الطريق

----------

والله انا تاعب الماتور والفتيس بقه على كده معاياي
انا كل سواقتي كيك داون لاني مش راكب 128
ولا ايه ولو حصل حاجه دي بتاع ربنا
وكل مشيي بيها 170 و180 على الصحراويات
ولكن المطباااااات بحسس على العربيه فيها
وربنا يكرمك وانا حاليا عربيتي عامله 4000 كلم

استاذ تويتي
أهلا بيك
معلش ممكن تعليق صغير

حضرتك في كذا مداخلة قبل كدا اشتكيت من موضوع الاستهلاك العالي للبنزين و لاحظت انك عممت ان العربية بتستهلك بنزين
و اعتقد الان نعرف لماذا سيارتك تستهلك بنزين كتير !!!!!

ثانيا مش معنى ان الموتور جامد
اننا نقرص عليه و نقول دي مش 128 ........ هو في الاخر موتور 1600 و له قدرات محدودة حسب قوته
و مش معنى ان العربية شكلها رياضي قوي بقيت عربية سباق حقيقية
لاءة العربية ادائها رياضي بس على اد 1600 مش اكتر من كدا و 110 حصان

و طبعا السواقة دايما على سرعات عالية بتسبب الاتي
استهلاك بنزين عالي جدا
استهلاك القطع الميكانيكية في السيارة اسرع من القيادة الهادئة اللي نفس القطع ممكن يتضاعف عمرها بسبب القيادة الهادئة

مع خالص تحياتي

ربنا يحميك ويكفيك شرها ويعطيك خيرها . بالمناسبه انا معايا جين2 تحت 1000 كم بس واحد استفزنى جدا بعربيه ماذا 3 وبصراحه عمرى ماكنت متخيل انى اطلع منه انا قرات ملحوظه (اذا اردت تجاوز مركبات اخرى بسرعه قم بالضغط على دواسه البنزين ضغطا كاملا ) وفعلا عملت ولم اصف لكم ان المسافه بينى وبين العربيه ماذا اصبحت كبيره وفعلا من ساعتها اقتنعت ان جين 2 تستهل على الرغم من انا عربتى اتوماتيك والعربيه ماذا جديده

وكده انا متاكد انى اقدر اطلع من ماذا 3 و الاوبترا

طبيعي انك تطلع من مازدا 3 لان موتورها 104 حصان فقط لا غير اما موتور الجين فهو 110 حصان
و الوزن تقريبا متقارب .......... فقوة الموتور هنا لصالح الجين 2

انا قلت كدا من زمان و الناس مكنش عاجباه
ازاي الجين 2 ( مش ياباني ) تسبق عربية ياباني !!!!!!!!!

ربنا يباركلك في عربيتك يا باشا

على فكرة
عايز اقول حاجة
اكتر عربية عافرت معايا في الشد بالجين 2 هي الفيرنا
العربية خفيفة و قوة موتورها معقولة على الوزن ( صحيح الثبات ضايع ) بس انا بتكلم على الشد
150 كجم زيادة في الجين 2 أكيد ليهم تأثير مع الفيرنا

يا جماعه انا عربيت مشيت 2000 كيلو بحس بتسقيف بسيط واخر سرعه في العربيه كانت 170 بالعافيه مش عارف ازود السرعه خالص مع العلم عربيتي اوتوماتك

أنت بتحط بنزين ايه ؟؟؟؟ و منين ؟؟؟؟
حاول تغير المحطة و تحسن نوعية البنزين
لو مفيش تحسن
تروح التوكيل يعملولك فحص سريع لبرنامج السيارة المخزن على شريحة التحكم الالكتروني و تشوف ان كان فيه حاجة مش طبيعية أو لاءة

العربية بتجيب معايا لغاية 190 مستريح ( بس انا عملتها مرة واحدة و كنت بجرب العربية فيها و كان الطريق فاضي تماما في فترة الفجر ) و لذلك انا لا انصح بالسرعات العالية
في التآني السلامة و في العجلة الندامة
و دائما و ابدا
العجلة من الشيطان و هي سبب الحوادث الكثيرة في بلدنا المحروسة ج ع ع

السرعه القصوى في الاوتوماتيك 180
ده كلام الكاتالوج
والمانيوال 185
وبعدين 170 تماااااام ماتجهدش الموتور وماتستهونش ب170
وربنا يسترها علينا كلنا
ااااااامين

السرعة القصوى للجين 2 هي 185 للناقل الآلي و 190 للناقل اليدوي و هذا حسب كلام الكتالوج في صفحة رقم 143
و هذه هي السرعة الرسمية
اما السرعة الفعلية فهي 210 كم / س

و طبعا انا لا انصح احد بتزويد السرعة عن 130 كم / س اذا كانت حالة الطريق تسمح بذلك
اما اذا كانت لا تسمح
ب 80 الى 100 هي السرعة المتاسبة جدا للتوقف المفاجيء و التحكم في السيارة في الحالات الحرجة
و دي صورة للعربية و هي جايبة 210 كم / س عند 5800 لفة فقط
اي ان السيارة تجاوزت السرعة الرسمية و هي 190 كم / س و كمان لفات الموتور لسة في الامان
لوتس عاملة شغل جامد قوي في العربية دي و بروتون صانعة عربية ما شاء الله عليها
ربنا يباركلنا جميعا في الجين 2 و يبارك لكل زملائنا في المنتدى في عربياتهم الاخرى من ماركات تانية و يكفينا جميعا شر الطريق



الصورة دي للتوضيح فقط لا غير
و هي ليست تشجيع على السرعات العالية
فيجب ان يعرف الخوة الافاضل خطورة السرعات العالية التي تودي بحياة كثير من المصريين يوميا
اي سيارة في الدنيا تكون في آمن سرعة عند 100 الى 110
حيث ان التركيز يكون اعلى و سرعة رد الفعل افضل من اي سرعة اعلى من ذلك

لذلك اخواني الكرام
اتقوا الله في انفسكم في موضوع السرعة و ارجعوا لاهلكم في اكمل صحة علشان ارواحكم غالية عليهم و علينا
و يحفظنا الله و اياكم باذن الله تعالى


ملحوظة اخرى بالنسبة للبنزين
اللي عايز يوفر في البنزين
لا يزيد السرعة 90
عدد لفات الموتور 3000 عند كل غيار
بلاش شد و حرق على الغيارات
و الاستهلاك هايوصل معاك ل 15 كم / لتر بنزين
و جربوا و قولولي النتيجة ان شاء الله

المشاركة الأصلية كتبت بواسطة tweety26980

الاستاذ توت انا والله من اشد المعجبين بحضرتك وانا اتمنى اننا نتعرف بجد
انا احمد الشاعر وانا برد على الراجل يابرنس مش اكتر بس الصراحه ان الجين 2 بتاكل بنزين لاني جربت تح ت السرعه 100 ومن غير تكييف وعلى طريق سفر بس صدقني هو الاوتوماتيك كده
وانا ده مش مضايقني لان الرفاهيه اللي في العربيه دي كلهاا مش ببلاش
واشكرك على تعليقك وربنا يبارك لنا في سياراتنا وانا من اعز الناس للجين 2
وبحبها فعلا مع اني ركبت سيارات كتير في الخليج وهنا
والسلام عليكم ورحمة الله

اهلا بيك يا استاذ احمد و ربنا يباركلك في عربيتك يارب
و انا لي الشرف بالتعرف على ناس محترمة زي حضرتك

بالنسبة لاستهلاك البنزين
حضرتك ممكن تراجع التوكيل لعمل فحص لشريحة التحكم الالكتروني في سيارتك
لان الاستاذ احمند صيام لديه سيارة اوتوماتيك و استهلاكها مش كبير و عادي جدا
و انا مانوال و لو مقرصتش على العربية بتعمل معايا عدد كيلومترات كتير و مش انا بس انا لي كذا واحد صحابي معاهم العربية و استهلاكها في البنزين اكتر من ممتاز مع عدم القرص على الموتور

بالمناسبة انا بأضع منظف رشاشات كل 2000 كم لتنظيف الرشاشات لتحسين الاداء و تقليل استهلاكم البنزين