الموضوع: من 1000 ل 3000 مع جميلة الجميلات

معلش اتأخرت عليكم يا جماعه في البوست ده بس ملحوقه بإذن الله

أولا: وديت العربيه التوكيل و الناس كانت متعاونه بس مظبطوش حكاية التابلوه دي و قالولي متستخدمش الفواحه ، معرفش عرفوا ازاي مش مشكله الموضوع ده مبقاش مضايقني الحمد لله، التوكيل الناس كات كويسه و العربيه متأخرتش و كله تمام.

ثانيا : بالنسبه للبنزين اللي لاحظته ان مع استخدام متوسط للتكيف و زحمه متوسطه مع مسافات بعيده، وساعات علي الدائري و المحور اغلب مشيي اقدر اعمل بالعربيه 350 كم مستريح ويمكن اكتر في مره وصلت 380 فانا شايف ان استهلاك البنزين فيها كويس.

ثالثاً: امبارح كنت هاعمل حادثه واحده الله يكرمها علي طريق سريع و قررت تلف شمال و انا كنت جاي سريع و نبهتها بالكلكس لكن هي قررت تكمل ضربت فرامل جامد جدا و دخلت من جنبها في الملف كنت حاسس اني هاخبط خلاص لان العربيه قربت منها جامد بس الحمد لله جميلة الجميلات مخزلتنيش و وقفت من غير متحك في العربيه بتاعة الست وده خلاني احمد ربنا و ماتنرفزش و مشيت و سيبتها من غير ما ابوظ صيامي الحمد لله.

رابعا: فيوم و انا ماشي باليل علي طرق الاسماعيليه كنت سايق علي 100 كم و بعدين لاقيت عربه جايه من شمالي و بيقلبلي المهم خنقني اصل ان محبش الشباب اللي فاكرين نافسهم راكبين احسن عربيه في الكون و يقعدوا يعدوا من خلق الله كانهم راكبين خنفسه المهم خليتو جه جنبي و عربيتع بقت راس براس مع جميلة الجميلات و عدت بوشها سنه عربيتي ودوست بنزييييييييييييييييين
مش قادر اقولوكوا قد ايه كنت مبسوط بالجميله اللي مخزلتنيش حاول يشد معايا بس علي مين الجميله طارت وحاول يشد يجبني بس معرفش يمكن لمسافه 1-2 كم العربيه كانت وصلت 140كم بعد كده اكتشفت ان العربيه دي كانت اوبترا :)
بجد العربيه بسم الله ماشاء الله زي الفل يا جماعه و تنافس عربيات كتير في لسةق ة تغلبها .

ان بس كان عندي سؤال هوه فيه اي مشاكل ممكن يسببها الكيك داون للمتور، انا ساعات بستخدمه لما ابقي عاز اشد او اطلع من حد.

سأوافيكم بباقي الاخبار انا وصلت دلوقتي 2800 كم
كل سنه و انتوا طيبين و ربنا يباركلناا جميعا في جميلة الجميلات

ماجيك انت عندك نيسان تييدا هاتشباك؟ ، قولنا كدة مقارنة سريعة بينها وبين الجين تو.