رعشة غريبة في الدركسيون وانا واقف

**mrastra** · 12-02-2014 01:14 PM

الرعشة سببها اني بدوس ع الفرامل وأنا بلف الطارة واللي بيعمل الرعشة دي الـabs ..

كلام غير مقنع بالمرة
انا ما زلت عند راى ان سببها بلى البطاحات .....
ما كلنا بندوس فرامل واحنا بنلف الطارة مبيحصلش كدة معانا
ودخلك فى موضوع تانى اللى هو نقرة جلبة قطمة الدركسيون يعنى حتة من الشرق على حتة من الغرب
بالنسبة للكبالن
فى موزع معتمد فى الحرفيين اسمة "كريم وكريم " شارع المرسيدس

**Melad Sedky** · 12-02-2014 03:32 PM

المشاركة الأصلية كتبت بواسطة shady_taha

انا عاوز اغير كوبلن يمين فى الام 11 الى هو راس الكوبلن الخارجى سعره فى التوكيل الواحد بس ب850 جنيه وبره مش موجود غير عند الوليد وسعره 240 جنيه طبعا مش الاصلى بس بيقلى هديك عليه ضمان

افتكر سعره ارخص من كدة .. اسأل في التوفيقية في مول الصيني عند ابو عوف .. بس معرفش ماركة كويسة تجيبها

**Melad Sedky** · 12-02-2014 03:39 PM

المشاركة الأصلية كتبت بواسطة mrastra

كلام غير مقنع بالمرة
انا ما زلت عند راى ان سببها بلى البطاحات .....
ما كلنا بندوس فرامل واحنا بنلف الطارة مبيحصلش كدة معانا
ودخلك فى موضوع تانى اللى هو نقرة جلبة قطمة الدركسيون يعنى حتة من الشرق على حتة من الغرب
بالنسبة للكبالن
فى موزع معتمد فى الحرفيين اسمة "كريم وكريم " شارع المرسيدس

طب رأيك أعمل ايه؟ .. انا بتعامل مع محمد رشاد اللي في صقر قريش .. هو شاطر بس غالي قوي قوي .. وخايف أروح لأي عفشجي بتاع كله ويلبسني فيها .. أنا جربت دا قبل كدة ولبست 500 ج علي الفاضي.
وبيني وبينك الحكاية مش ناقصة مصاريف .. العربية في 7 شهور صرفت ع العفشة 1900ج من غير فايدة.. اخرها شهر وترجع نفس المشاكل تاني .. والكبالن غيرتها في شهر واحد 3 مرات بعد الخناق مع الورشة اللي جابهالي وركبهالي عشان نوعها مضروب

**mrastra** · 12-02-2014 10:51 PM

اخى الكريم الموضوع مش محتاج اسامى
الموضوع اسهل كتير اوى
تغيير بلى البطاحات مفهوش اى صنعة ...مش عاوز ابالغ واقول ان شغل العفشة بالكامل مش محتاج صنيعى
محتاج واحد يعرف يفك ويربط بس
المساعد عند حضرتك مربوط من تحت بمسمارين فى الدشمة
ومن فوق مربوط بصامولة على البطاحة اللى مربوطة بـ 3 صواميل
كدة المساعد بالسوستة بالبطاحة والبلى بقم برة
على الزرجينة بينطر السوستة ويخرج البطاحة وجواها بلى البطاحة عبارة عن قطعتين فبر او بلاستيك قوى
استبدل ورجع كل حاجة زى ما كانت وركب المساعد فى مكانة
ولا محتاج ظبط زواياولا اى حاجة
شوف عفشجى ابن حلال وقولة اعمل كزا .... ما تخلهوش يجتهد
وبالنسبة للمصنعية بالكتير 75 جنية
وبالمرة وهو فاكك المساعد من السوستة خلية يشيك على الصدادات اللى بين المساعد وبين السوستة

**Melad Sedky** · 13-02-2014 09:42 AM

mrastra: متشكر لحضرتك جدا لاهتمامك .. وانا فعلا هاعمل اللي قولته وهبقي اقوللك الاخبار ايه

**Melad Sedky** · 18-02-2014 10:45 AM

صباح الفل عليكم جميعا.. اليكم التجربة المريرة اللي مريت بيها واللي حصل معايا.
انا كشفت علي العفشة في اكتر من مكان عشان اتأكد من سبب المشكلة.
1. بتاع ضط الزوايا قاللي دي مشكلة في الباور.
2. محمد مهران (من أشهر ميكانيكية الاسبرانزا) قاللي الرعشة دي طبيعي في العربية بسبب ال abs.

ما كدبتش خبر .. وروحت لواحد مشهورفي مجال الباور والعفشة .. متخصص بقي .. عشان يشوف المشكلة فين.
اول ما كشف علي العربية .. قاللي دي شكلها منظم الباور .. لازم أنزل العفشة وأشوف وانا شغال فيها ايه بالظبط .. قولتله ماشي .. فك العفشة كلها قدام .. وقاللي المشكلة سببها حلزونة الدريكسيون .. وقام مغيرها.
قفل العربية وطلعنا جربنا .. زي الفل .. كله تمام ..وقفت حاسبته ومشيت مفيش 100 متر .. لقيت الدريكسيون تقل والرعشة رجعت تاني.
قومت لافف ورجعتله .. قال يبقي نشوف الباور كله بقي .. فك الباور كله حتة حتة ونضفه .. وراجع علي الدورة كلها وعلي ماكينة الباور .. وكان كله تمام وزي الفل .. نقفل ونجرب والعربية متعلقة ع الكوريك .. زي الفل .. تنزل ع الارض .. العيب موجود. قال نشوف الحساسات وننضفها .. نضفناها كلها بالاسبراي وبرضه مفيش فايدة.
وفضلنا ع الحال ده من 3 الضهر لحد 12 بالليل وفي الاخر الراجل سكت وقال شوف يمكن مشكلة في الميكانيكا .. ومشيت بنفس المشكلة والباور اتقل من الاول ولهف مني يومها مصنعية وقطع غيار 400 جنيه.
تاني يوم روحت لمحمد رشاد .. راجل زوق وفاهم وزي الفل وانا زبونه .. اول ما قولتله اتضايق قوي وقاللي حرام كل ده
وقال دي مشكلة في البطاحات وبليها .. فك واشتغل وشحم وظبط .. وراجع ع الباور وغيرلي بلف فيه.. نجرب .. تمام زي الفل .. حاسبته علي 100 جنيه وشكرته ومشيت.
مفيش بعدها ب 10 كيلو .. والعيب رجع تاني .. يا لهوووووووووي.
الباور اتقل من الاول .. وفيه زنة .. والعربية الصبح اول ما بدورها الباور بيكون فاصل شوية وبعدها يشتغل .. والرعشة موجودة وازفت من الاول .. الحقوني يا جماعة .. دا بجد خراب بيوت .. 500 جنيه علي عيب محدش فاهمه والعربية متصلحتش.

**hemaa_82** · 18-02-2014 11:57 AM

زنة يبقي في حمل علي طرمبة البور ....
الاسباب:-
سدد في خراطيم ...
نقص زيت ...
بص بعينك في زيت في مخزن زيت البور اعلي من المنيمم ولا لا .... و هل الزيت احمر ولا لا ...

لو كله سليم و لسة ممكن تبقي الطرمبة بتودع بقي ... مش شايف اي حاجة تاني محتملة .....

مع مراعاة ان المفروض بعد اللبسة اللي انت لبستها امبارح عفشتك كلها سليمة و في التمام .....

**abdulhafeez** · 20-02-2014 09:20 PM

انا فاكر حصل معايا حاجة زي كدا كنت لما الف الدركسيون وبعد نص لفة كدا يبدأ العجل يرج في مكانه لحد ما يوصل للآخر ... كنت لسة في الضمان وساعتها غيرولي طرمبة الباور كلها من غي فلوس والعيب راح ....

على العموم لو طلع طرمبة باور فانا سمعت ان بيركبلها طرمبة باور اللانوس والنوبيرا بدون اي تعديل ....

**Eng.Geo** · 21-02-2014 08:37 PM

معلش هسأل شوية أسئلة
هي اسبيرانزا ايه ؟
الصوت ده وانت واقف وبتلف الدركسيون ولا بتتحرك وبتلف الدركسيون ؟
وانت واقف خالص ال rpm علي كام ؟ وانت واقف وبتلف الدركسيون علي كام ؟ ساعة الرعشة بيبقي علي كام ؟
هقولك علي كام تشخيص من اللي أتشخصوا كانوا غلط
مش abs لأن ال abs مش بيشتغل طول الوقت ومستحيل هيشتغل وانت واقف أصلا ... ده لازم العربية تبقي بتجري وانت دوست عالأخر والعجل كان هيزحف .... ولو انت 516 فانت معندكش abs أصلا
مش بلي البطاحاجت عشان بيسمع في الدركسيون ... ده بيبقي صوت تزييق في الكبوت

**hugan** · 22-02-2014 07:21 PM

ياهندسه
ال 516 فيها abs
ومن شركه بوش الالمانيه

الموضوع: رعشة غريبة في الدركسيون وانا واقف

LinkBack

أدوات الموضوع

عرض

-

-

-

-

-

المواضيع المتشابهه

صوت طقة خفيفة في الغيار وطقطقة لما ألف الدركسيون جامد وانا واقف

اعمل ايه يعني...دائري واقف ..اوتستراد واقف...طريق السويس واقف

رعشة فى الماتو والدركسيون والعربية واقف

صوت طقطقه عند لف الدريكسيون وانا واقف يبقى ايه ده ؟؟

العربية اتخبطتت وانا واقف فى الجراج !!!!!!!

الكلمات الدلالية لهذا الموضوع

المفضلات

المفضلات

ضوابط المشاركة